-
Frits Gerhard Meursing
-
Anthony Martinus Casildo Leito
-
Sherry Sophia Veronica Howell
-
Siechnar Geronimo Djaoen
-
Jeanne Yvette Lopes
-
Magdalena Conception Faneyt Papiamentu
Nòmber : Magdalena Concepcion Faneyt
mihó konosí komo Magda
Fecha di nansementu : Kòrsou, 8 di desèmber 1952
Magda a práktika diferente deporte manera atletismo, vòlibòl, futbòl i
sòftbòl i hasta na nivel haltu.
Den tur e deportenan menshoná Magda a forma parti di selekshon di país.
Atletismo i vòlibòl Magda tabata forma parti di e ekipo di Olympic. Tambe Magda a praktiká vòlibòl den Batta.
Magda tabata un gran figura den atletismo den e disiplinanan di pusha bala di heru, bula haltu i tira sper.
Den sòftbòl Magda a forma parti di Rising Trotters di Sam Bunting huntu ku e.o Yolanda Wespel. Pa futbòl Magda su ekipo tabata Mexico.
Logronan di Magda ta hopi tantu lokal komo internashonal.
1974: medaya di bròns weganan CAC na Santo Domnigo;
kampeon ku Rising Trotters; kampeon homerun.
1975: kampeon di sper di Antia; den selekshon di sòftbòl di CAC na Ponce;
kampeonato lokal, kampeon bate ku averahe .500,
lider base robá, nr. 2 den kareda anotá.
1976: den selekshon antiano di sòftbòl na El Salvador;
medaya di oro di sòftbòl CONCACAS na El Salvador;
lider kareda anotá den CONCACAS na El salvador;
nr. 2 den bateo ku averahe di .483 na El Salvador;
rèkòrt antiano den lansamentu di sper.
1977: den selekshon antiano di vòlibòl NORCECA na Santo
Domingo; klasifiká pa weganan CAC pa lansamentu di sper na Méhiko.
1978: komo coach di sòftbòl little league ku rèkòrt di 3 título kampeon Latino Americano ku 2 título di kategoria little i unu di junior. (esaki ta durante añanan 2000 bin ariba)
1980: kampeon bate di kampeonato nashonal ku averahe di .429.
1981: kampeonato nashonal di sòftbòl: lider kareda empuhá, lider
robo di base, 2do lugá kareda anotá i doblete.
-
Erwin Eustaquio Martis Papiamentu
Nòmber : Erwin Estaquio Martis
Fecha di nansementu : Kòrsou, 2 di novèmber 1952
Erwin su trayektoria den atletismo a kuminsá na aña 1972 momentu ku Erwin a bira sekretario di Atletiek Vereniging Olympic.
Su aña siguiente 1973 Erwin a bira sekretario di Curaçaose Atletiek Bond.
Despues Erwin a siguí ku su logronan den atletismo.
1978 sekretario di Curaçaose Atletiek Bond te ku aña 1983.
1984 sekretario di Nederlands Antilliaanse Atletiek Unie;
miembro komishon organisadó promé kampeonato infantil di
atletismo Sentro Amerikano i di Karibe
1987 diploma di mérito 75 aña Federashon Internashonal di Atletismo
1990 durante kongreso na Xalapa, Méksiko ta apuntá Erwin komo
sekretario/tesorero di Konfederashon Sentro Amerika i di Karibe
1993 huntu ku Anthony Minguel organisadó di promé kampeonato Dutch Caribbean di atletismo ku paisnan manera Anguila, Antigua i Dominica
1994 na Ponce, Puerto Rico mesun postulashon di sekretario / tesorero pa 4 aña mas
1995 ta yuda lanta un ekipo di atletismo Sloké huntu ku Glenn MacDonald na Koraal Specht
1998 ta retirá komo sekretario/tesorero di Konfederashon Sentro Amerika I di Karibe di Atletismo despues di 8 aña;
2000 hefe di delegashon di atletismo Olimpiada Sydney, Oustralia
2005 hefe di delegashon mundial di atletismo na Helsinki kaminda
atletanan di Kòrsou a sali na di 5 puesto den relevo 4x100 m
2007 hefe di delegashon kampeonato NACAC na El Salvador;
hefe di delegashon di atletismo Weganan Panamerikano na Rio de Janeiro
2008 miembro honorario di Nederlands Antilliaanse Atletiek Unie;
retiru komo sekretario di Nederlands Antilliaanse Atletiek Unie
2009 miembro komishon renobashon pista di atletismo den SDK
2014 miembro honorario di Curaçaose Atletiek Bond
2016 homenagiando di aña di Federashon Deporte Olímpiko Kòrsou.
-
Gustavo Enrico Martin de Jongh Papiamentu
Nòmber : Gustavo Enrico Martin de Jongh
mihó konosí komo Taffy
Fecha di nansementu : Kòrsou, 25 di ougùstùs 1955
Taffy a praktiká futbòl, deportenan di tiru, bòkseo, sòftbòl i beisbòl, e tabata picher di Superstrike, Groot Kwartier Stars i Royal Scorpions.
Taffy su ramonan di deporte ta beisbòl i sòftbòl.
Taffy ta deportista, dirigente tékniko, periodista deportivo tantu na radio komo den korant.
Ku su 21 aña Taffy a bira manager di Wild Cats Felipe II. Na aña1973 el a kuminsá ku Pichingolo Sòftbòl Team.
Taffy a fungi 40 aña komo manager di Pichingolo i 42 aña komo manager di selekshon femenino di sòftbòl.
Logronan di Taffy komo dirigente tékniko ta:
1974 kampeon klase A ku Pichingolo
1975 kampeon di Kòrsou double A ku Pichingolo
1975 – 1985 kampeon di Kòrsou ku Pichingolo pa 10 aña konsekutivo
1976 kampeon i medaya di oro ku selekshon di Antia na
weganan CONCACAS ku selekshon femenino di Antia
komo coach tersera base
1977 kampeon di Kòrsou ku Wild Cats Felipe II, kampeon di Antia ku Wild Cats Felipe II, tékniko di aña di Kòrsou
1978 kampeon selekshon húbenil femenino na Bahamas komo
coach
1986 sup kampeon di Kòrsou ku Pichingolo
1989 coach di aña di Kòrsou
1992 sup kampeon di Kòrsou ku Pichingolo
- medaya di plata i bròns na weganan CAC
- sup kampeon Pan Americano ku selekshon hubenil
- 4 lugá weganan Pan Americano na Bahamas
- 2x kampeon i sup kampeon ku Pichingolo KIA i Pichingolo Nissan
- 30 pa 31 aña kampeon di Kòrsou di 1975 te ku 2005/2006
Paisnan ku Taffy a bishitá ku sòftbòl:
Hapon, Italia, Brasil, Canada, Perú, Merka i Ulanda
Taffy a haña rekonosimentu di Honor di Curaçao Little League Softbòl.
-
Raoul Romero Alias Papiamentu
Naam: Raoul Romero Alias
Geboortedatum: Curaçao, 10 juli 1948
Raoul is verslaafd aan dammen. Hij kocht zelfs een paar conga's om congales te nemen. De slagen op de conga's waren echter te agressief, waardoor Raoul besloot te stoppen met dammen en verder te gaan met zijn damspel.
Damdiploma van de Koninklijke Nederlandse Damvereniging (1978)
Nationaal lerarendiploma van de Curaçaose Dambond (1991)
Werelddiploma damleraar (1996)
Diploma jeugddamleider en damtrainer (1999)
Scheidsrechtersdiploma (2004)
Oprichter en voorzitter van Damclub Amsterdam (1985-1989)
Secretaris van de Curaçaose Dambond (1989-1991)
Voorzitter damschoolstrategie (1993)
Secretaris van de Pan-Amerikaanse damfederatie (1994-1995)
Voorzitter van de Pan-Amerikaanse Schaakfederatie (1995-1997)
Voorzitter van de Pan-Amerikaanse Schaakfederatie (1995-1997)
Secretaris van de Curaçaose Dambond (1999-2000)
Voorzitter van de Pan-Amerikaanse damfederatie (1999-2011)
Vicevoorzitter van de Werelddamfederatie (2001)
Voorzitter van de Curaçaose Dambond (2002-2016)
Internationale deelname:
1978, 1980, 1981, 1987 1994, 1997, 1998, 2016, 2019 in Nederland;
1993, 1995 Guadeloupe;
2007 in Suriname;
2009 in Bangkok;
2010 in Miami;
2016 in Polen;
2017 Spanje, Tsjechië, Cuba en de VS;
2018 Ivoire,
2019 Italië, België en Tsjechië
Lokale betrokkenheid
Raoul werd 8 keer kampioen op de stuwdam of stroomversnelling van Curaçao en ongeveer 10 keer tweede.
-
Marcel Dominico Brigitha Papiamentu
Naam: Marcel Dominico Brigitha
beter bekend als Chelo
Geboortedatum: Curaçao, 19 september 1940
Marcel wijdde zich aan de koningssport voetbal en had geen interesse in honkbal.
Marcel begon in Mahuma en verhuisde vervolgens naar Vesta. Op 17-jarige leeftijd speelde Marcel in de hoogste divisie van het wereldvoetbal in Curaçao.
Marcel ging daarna spelen voor zijn buurtclub Mahuma in de hoogste divisie en beëindigde zijn voetbalcarrière in Veendam in 1968.
Marcel begon met honkbal in de buurt van Mahuma en ging kijken naar de trainingen van het team uit Chicago. Hier begon Marcels passie voor honkbal.
In 1958 werd Mahuma kampioen in een jeugdkampioenschap, met Marcel als onderdeel van het team. Wilfrido Valerian bracht Nutricia onder zijn hoede met spelers van Marchena Braves, Karpatula, Mahuma, Mundu Nobo (die later Viceroy werd), Ford en Royal Scorpions "Mr. Baseball" en de rest is geschiedenis. In dit team speelde Marcel jarenlang een leidende rol. In 1965 werd hij voor het eerst kampioen van de Antillen. In 1966 begon het team aan zijn reeks kampioenschappen op Curaçao, die hij in 1966, 1967, 1968, 1969, 1971, 1972, 1973, 1974, 1974, 1981, 1985, 1985, 1993, 2002, 2004, 2008, 2011 en 2012 won. Tot 1974 maakte Marcel deel uit van deze successen, zowel als speler als later als manager.
Op Aruba speelde Marcel een wedstrijd tegen Heineken die 15 innings duurde. Marcel kreeg een staande ovatie voor zijn verdediging in het outfield.
1965: honkbalspeler van het jaar voor Hector Rosario, leider in gescoorde punten,
nummer 3 in gestolen honken.
1966: geselecteerd om Curaçao/Antillen te vertegenwoordigen op de internationale wedstrijden in Aruba, Curaçao, Puerto Rico, Venezuela,
Cuba, Costa Rica, Panama, Nederland en Italië.
Als manager reisde Marcel mee met de selectie naar Nederland en Italië.
Marcel behaalde als trainer of manager kwalificatie voor Sta. Maria, Mahuma en Wild Cats in de dubbel A. Marcel ontving zelfs aanbiedingen om naar Nederland te gaan, maar omdat hij net getrouwd was en ook voor zijn moeder zorgde, weigerde Marcel.
Marcel heeft al veel bereikt en volgens Marcel is er nog veel meer te bereiken.
-
Wilfrido Manuel Coffi Papiamentu
Nòmber : Wilfrido Manuel Coffi
Fecha di nansementu : Kòrsou, 17 di yüni 1954
Wilfrido su deporte prinsipal ta futsal, pero tambe Wilfrido a praktiká karate, futbòl, siklismo i sòftbòl.
1984 Wilfrido a djòin e ekipo di Ocean View ku a lanta den Mari Pampun, organisashon ku el a dirigí pa 30 aña.
1986 – 2014 presidente di Ocean View, awor tin tres tim senior den
kampeonato nashonal di futsal
1989 fundadó i presidente di futbòl di salon Kòrsou, Fefusak
1996 – 2014 organisá mas ku 24 kampeonato
1996 – 2010 kofundadó i presidente di FURSAL Antia (Boneiru, Kòrsou i
St. Maarten)
1998 CurFutSal ta bira miembro di CSF;
partisipashon na kongreso di Fifusa na Venezuela komo
miembro
1999, 2000, 2001, i 2002 organisá kampeonato hubenil
2000 risibí “wild card”di FIFUSA pa partisipá na mundial di Bolivia; partisipashon na kongreso di Fifusa na Paraguay;
ku selekshon di Antia a partisipá na mundial na Bolivia;
kofundadó i vise presidente di CONCACFUTSAL na Méhiko
2003 ku selekshon di Kòrsou a partisipá na mundial na Paraguay
2010 Kòrsou i St. Maarten ta afiliá komo pais na Asosashon
Mundial di futsal.
Siklismo:
2015 – 2020 sekretario general i Relashon Internashonal di Curaçaosche
Wielerbond
2016 partisipá na kongreso di COPACI na Venezuela
2017 partisipá na kongreso di UCI na Noruega
2017 partisipá na kongreso di COPACI na Santo Domingo
2018 partisipá na kongreso di COPACI na Cuba
2019 partisipá na kongreso di COPACI na Méhiko
2018 hefe di delegashon di Curacaosche Wielerbond na weganan
di ODECABE, Colombia
2020 nombrá komo “miembro honorario” pa Curaçaose Wielerbond.
-
William Walter Millerson Papiamentu
Un biaha mas Federashon Deporte i Olímpiko Kòrsou (FDOK) tabatin e plaser di instalá otro deportista mas ku a destaká riba tereno deportivo den e salon di fama di Kòrsou.
Na e okashon aki a toka turno na e tremendo deportista sr. William “Junior” Millerson. Debí na situashon di salu di sr. Millerson i tambe e reglanan rondó di COVID-19, famianan huntu ku direktiva di FDOK a disidí di hasi e seremonia di instalashon den forma virtual den seno familiar priva.
Pa e okashon speshal aki tabata presente den e sala di salon di fama den edifisio di FDOK promé minister i alabes minister di Ensenansa, Siensia, Kultura i Deporte sr. Eugene Rhuggenaath, Minister di Finansa sr. Kenneth Gijsbertha, Minister di Desaroyo Sosial, Labor i Bienestar sr. Hensley Koeiman, Representante di Minister di Desaroyo Ekonómiko sr. Xiomar Pedro, Minister di Tráfiko, Transporte i Planifikashon Urbano sra. Zita Jesus-Leito i miembro di direktiva di Karate Bond Sr. Franklin Martis, presidente di komishon nominashon di salon di fama sr. Franklin Mathilda i direktiva di FDOK Sr. Rignaal Francisca komo presidente a presedí e seremonia.
Tabata un momentu emoshonante pa sr. Millerson i su famia na momentu ku su yunan a tuma e pin i oorkonde na nòmber di nan tata pa asina ofisialmente sr. Millerson a keda instalá den e salon di fama di deporte di Kòrsou.
Direktiva di FDOK kier a hasi uso di e oportunidat aki pa un biaha mas felisitá sr. Millerson i famia pa su instalashon den salon di fama. Un danki na famia i tur ku di un manera of otro a hasi realisashon di e seremonia virtual aki posibel. Sr. Millerson danki na tur e añanan di bo bida dediká na deporte di Kòrsou.
---------------------------------------------------------
CV BALUARTE
Sr. William (Junior) W. Millerson
Fecha di nasementu: 10 di yanüari 1953
Profeshon: HTS elektrónika
Trabou: Manager ACI Management N.V
Grado den karate: 8 Dan den estilo Wado
* 1973 te 1976 Kampeon di Hulanda den peso medio
* 1973 i 1975 Sup kampeon di Europa den peso medio
* 1975 Kampeon di Europa den estilo Wado
* 1975 Kampeon di Hulanda den kategoria habri
* 1973 te 1976 Den revista Black belt, number 6 riba e tòp 10 mihó bringadónan di karate di Europa
* 1975 Di 3 lugá ku e ekipo di Hulanda den mundial di
Karate na Long Beach, California.
* 1976 i 1979 Kampeon di kampeonato Latino Amerikano i USA na respektivamente Santo Domingo y El Salvador.
* 1977 No. 4 na kampeonato mundial na Tokyo, Hapon.
E tempu ei ta un kategoria open so ta tin. Tabata premia number 1 te ku 8.
* 1979 No. 3 den kampionato Panamerikano di PAKF na
Buenos Aires, Argentina
* 1981 Kampion di e promé kampionato ofisial Panamerikano tene aki na Kòrsou, ganando den final di e famoso Billy Blanks, fundador di Taebo.
* 1977 te 1984 Partisipashon na 4 kampeonato mundial komo atleta,coach i delegado.
* 1976 te 1992 Trainer/coach di selekshon di Kòrsou i Antia Hulandes
* 1986 te 1993 Sekretario general de PUKO (Panamerican Union of Karate do Organizations)
* 1993 te 2013 Presidente di PKF antes PUKO (Panamerican KaraFederation)
* 1987 te 1998 Presidente di CSF
* 1994 Visepresidente di WKF (World Karate Federation)
* 1997 te 2013 Presidente di NAOC.
* 1998 te 2014 Promé visepresidente di WKF
* 2007 te 2011 Den direktiva di ODECABE(Organización Deportivo Centro Americano y del Caribe)
* 2011 A risibí kondekorashon real “Ridder in de orde van Oranje Nassau.
* 2012 Den direktiva di ACODEPA (Asociación de Confederaciones Deportivas Panamericanas).
* 2013 Promové pa di 8 Dan den Karate estilo Wado
* 2013 Nombra presidente honorario pa Bida di PKF (Panamerican Karate Federation)
*2017 Presidente di Parlamento
Fundador di CuKarBo (Curaçao Karate Bond) i ku un interupshon chikitu Presidente di CuKarBo for di aña 76 te ku awor.
Den kurso di añanan a duna klínika di karate na Argentina , Barbados, Brasil, Kánada, Chile, China, Costa Rica, Cuba, Italia, La República Dominicana, El Salvador, Guatemala, Guyana, Hulanda, Merka, Panamá, Puerto Rico, St Lucia, Sürnam, Trinidad, i Venezuela.
-
Michael Anthony Carl Arvelo Papiamentu
Nòmber : Michael Anthony Carl Arvelo
Fecha di nansementu : Kòrsou, 6 di novèmber 1957
Michael su pashon ta biyar maske el a praktiká ahedres den Capablanca, ténis di mesa den ekipo di St. Thomas College i natashon den ekipo di Sithoc.
Michael a siña hunga biyar tantu pool i karambola serka dfm Boeiboei St. Jago.
18 di desèmber 1988 Michael huntu ku Freddy Wanga ta pone e fundeshi loke awe ta Federashon Biyar Kòrsou, despues a bin komprendé ku nan a rebibá e federashon ku tabata fundá for di 1955.
1989 – 2016 pa 27 aña largu okupando e puesto di di direktor deportivo i
relashonista públiko, tambe na tres okashon presidente.
1991 organisadó di promé torneo individual Best of the best ku premio di mil florin;
ta yuda lanta federashon na Aruba, Boneiru i St. Maarten
1993 introdukshon di sistema di liga
1994 liga ta bira parti di ofishal di federashon liga bola 9;
kampeonato mundial na Chicago komo timekeeper:
instruktor sertifiká
1995 introdukshon di sistema di ranking
2000 – 2016 partisipá na kampeonato Pan Amerikano pa 14 aña
2004 organisá kampeonato Pan Amerikano bola 9 na Kòrsou
2010 logra rekonosimentu i afiliashon na organisashonnan mundial
2017 dirigí arbitrahe na kampeonato Pan Amerikano na Argentina i
Nicaragua; duna kurso di árbitro na Nicaragua;
entrenadó di ekipo nashonal femenino na Nicaragua
2018 dirigí arbitrahe na kampeonato Pan Amerikano na Argentina;
duna kurso di árbitro na Argentina
Rekonosimentunan:
2003 St. Maarten pool & billiard players federation
2007 Federación Domincana de clubes sociales, culturales i deportivos
2010 dirigente atministrativo di FDOK
2017 wes di aña di FDOK
2018 instructor arbitros y dirigente technico y arbitrahe, Argentine
-
Eelco Marcolino Gonet Papiamentu
Nòmber : Eelco Marcolino Gonet
Fecha di nansementu : Kòrsou, 24 di yanüari 1951
Eelco a kuminsá su karera deportivo hungando futbòl, vòlibòl i pin pòn na skol básiko, mas despues beisbòl, sòftbòl i basketbòl na St. Thomas College.
Eelco a partisipá na kampeonato di vòlibòl di St. Thomas College bou di direkshon di Geoffrey Goede i futbòl bou di direkshon di Eugène Testing.
Ora ku a invitá Eelco pa hunga basketbòl, el a namorá di e deporte aki.
Ronny Schoop a funda Olympic i aki Ronny huntu ku Geoffrey Goede i Eugène Testing a bira manera coach i mèntòrnan pa bida pa Eelco.
Olympic a keda fundá na 1968/1969 i a bira kampeon e mesun aña di nan divishon i pasa pa promé divishon. Miembronan di e team aki a bira “amigunan pa semper”, entre otro Papi Labast (q. e. p. d.), Diego (Ito) Markwell, Randy Wiel, Edward Catalina, Remy Sillé, Stanley Betrian, Ruben Minguel, Randy Hollander i diferente amigu mas. Olympic ta un di e mihó ekiponan den historia di basketbòl di Kòrsou di tur tempu, dominando basketbòl di 1973 pa 1981. Eelco a hunga basket di 1972/1973 te 1998. El a hunga den selekshon di Kòrsou i di Antia na Sürnam, Guyana, Santo Domingo, Panama (weganan Sentro Amerikano i di Karibe), Venezuela.
Di 1990 – 2000 Eelco a trese timnan di diferente universidat Kòrsou atraves di Lee Frederick. Na 1997 organisando promé kampeonato na honor di Niels Liberia. Durante 7 aña Eelco a organisá Randy Wiel Basketball Camp ku diferente invitado di Merka.
Ku 25 aña CUBAFE a enkargá Eelco ku e tarea pa ta coach di selekshon di Kòrsou kontra di University of Ponce, Puerto Rico.
Eelco tabata miembro di direktiva di CUBAFE i tambe den “Commissie Ondersteuning Basketbal Ontwikkeling”na 2006.
Eelco a dirigí clinics na Pittsburgh.
Na 2004 Eelco a traha huntu ku e. o. Walter Davis, Richard Lien di Kroatia, Hans Dekkers i Kaparounakis Kostas. Eelco ta coach sertifiká di Latino Amerika i Karibe di Pan American Sports Organization International Basketball Coaches Development Program.
Eelco ta konsehero di CUBAFE.
-
Henk Alfons d'Arnault Papiamentu
Henk ”Henky” Alfons D’Arnault a nasé dia 2 di òktober 1942.
Henky a sera konosí ke e deporte di vòli na Xaverius College, partisipando komo hóben den weganan di skol kontra di skolnan e.o. Radulphus College i Peter Stuyvesant.
Den e weganan Henky a midi forsa kontra di e grandinan di e tempu ei Eda Halabi, Ivan Asjes, Geoffrey Goede, Harold Casper.
Durante un di e partidonan Harold “Pototo” Casper a serká Henky pa hasi un “try out” den e ekipo kampion di Kòrsou Sithoc, ku a resultá un éksito. Ku Sithoc Henky a titulá no ménos ku 14 okashon kampion huntu ku hungadónan manera Toy Leend, Henky de Haseth, Harold Samson, Dito Ravenstein.
Henky su karera tabata impreshonante komo hungadó, árbitro, entrenadó i dirigente. Komo hungadó Henky a partisipá na “Juegos Centro Americanos y del Caribe” na Panama na aña 1970 i na Santo Domingo na aña 1974.
Komo árbitro na aña 1976 Henky a sali esun mas destaká. Na aña 1977 Henky a siguí un kurso pa árbitro internashonal na Santo Domingo. Na aña 1978 Henky a flὺit wega durante C.A.C. na Medelin, Colombia. Na aña 1980 Henky a optené su karnèt ofisial di árbitro internashonal. Na aña 1982 Henky a partisipá komo árbitro na C.A.C. na Santiago de Cuba, na aña1985 Henky a flὺit durante di NORCECA na Santo Domingo tambe durante Torneo Internashonal pa selebrá 10 aña di Independensha di Sürnam. Na aña 1988 Henky a bira miembro di Komishon di Arbitrahe di NORCECA i asina a partisipá na NORCECA na aña 1989 na Puerto Rico. Henky tabata árbitro aktivo di Federashon di Vóliból pa mas ku 35 aña.
Henky na aña 1981 tabata entrenadó di selekshon húbenil na kampeonato na Costa Rica. For di aña 1978 Henky tabata forma parti di direktiva di FEVOKO na masha hopi okashon. Henky tabata tambe un bon pelotero komo pitcher di Antillanos, Chicago, Firestone i Super Shell di aña 1961 te 1970. Di aña 1980 te ku aña 1983 Henky tabata coach di Alpha Zelbo ku pa tres aña konsekutivo a titulá kampion di Kòrsou den beisbòl.
14 di desèmber 1985 Henky a ser instalá komo miembro di honor di FEVOKO. Kampeonato 2013/2014 a ser dediká na Henky.
Henky a partisipá na 4 “Juegos Centro Americanos y del Caribe” aña 1970 komo hungadó i na aña 1978, 1982 i 1986 komo árbitro.
-
Eric Anthony Gregorio Ogenia Papiamentu
Eric Anthony Gregorio Ogenia a nasé dia 12 di aprel 1954.
Na aña 1964 ora a fundá Xaverianen Eric tabata un di e promé nan ku a afiliá. Eric nunka a praktiká vòlibòl organisá si e deportenan di baseball, futbòl i atletismo. Despues di Eric su regrego for di Ulanda, el a bolbe ku Xaverianen ku e ekipo femenino na e momento ei a kibra e dinastia di Amstel Volleymaster.
For di aña 1980 bin ariba Xavarianen bou di mando di Eric a bira e organisashon di mas grandi den vòlibòl lokal i e timnan maskulino superior a partisipá den final for di aña 1984.
Eric su trayekto komo dirigente a kuminsá na aña 1983 ora el a djòin Boy Doran den direktiva di vòlibòl.
Di 1984 pa 1986 Eric tabata presidente di KVH huntu ku Cheryl Royer, Edson Ersilia, Efren Candelaria i Truus Isidora.
Eric a presidí Federashon di vòlibòl di Kòrsou di 1985 pa 1986 i di 1989 pa 1991. Di aña 1991 pa 1994 Eric a forma parti di direktiva den diferente funshon. Di 2004 pa 2005 Eric tabata forma parti di direktiva di FEVOKO promé komo presidente suplente despues komo presidente. Tambe den direktiva di NAVOBO promé komo tesorero na aña 2003 i despues komo presidente te na momento ku Antias a stop di eksistí na aña 2010.
Bou di presidensha di Eric a organisá dos kampeonato di CAZOVA maskulino infantil na aña 2010 aki Kòrsou a sali kampeon i a klasifiká pa NORCECA infantil. Na aña 2012 a organisá CAZOVA femenino infantil na Kòrsou. Dos torneo klasifikashon pa kampeonato mundial di FIVB akin a Kòrsou. Eric a forma parti di direktiva di CAZOVA ku ta asosashon subzonal di vòlibòl di nos region komo tesorero.
Den NORCECA Eric ta forma parti di e komishon finansiero komo ouditor interno te dia di awe. Eric tabata tambe den Curaçaose Sport Federatie komo Segundo tesorero di aña 1993 te aña 2000.
Di aña 2000 pa 2004 Eric a fungi komo tesorero di NAOC.
Tambe a organisá na aña 2006 promé kurso pa coach FIVB nivel I, na aña 2010 kurso di entrenador húbenil, na aña 2012 ku koperashon di NORCECA kurso di sistema elektróniko kaminda por saka diferente dato di hungadó durante wega i tambe e mihó hungadó den diferente area.
Eric a sòru pa vlur pa un kancha di vòlibòl na sala di Don Bosco.
-
Sylvanie Elaine Clarke Papiamentu
Sylvanie Elaine Clarke a nasé dia 10 di febrüari 1959.
For di edat hóben Sylvanie tabata aktivo den deporte di sòftbòl.
Sylvanie a kuminsá hunga sòftbòl den Pichingolo.
Na aña 1976 Sylvanie tabata den selekshon nashonal di Antias ku a sali kampeon na El Salvador.
Na aña 1977 Sylvanie a sali deportista di aña. Sylvanie a bishitá diferente país formando parti di selekshon di Kòrsou na El Salvador, Venezuela, Colombia, Méhiko, Repúblika Dominikana, Estados Unidos, Peru, Ulanda, Cuba, Puerto Rico, Argentina, Guatemala. Sylvanie te un òf e hungadó ku pa mas largu tempu a forma parti di selekshonnan di Antias.
Mayoria parti Sylvanie su karera komo sòftbolista el a pasa ku Pichingolo, pero tambe a forma parti di Blue Angels i Cardenales, tambe den Baranka ku tabata e team kaminda e tabata laborá.
Na aña1995 Sylvanie ta pone un punto na su karera komo sòftbolista aktivo.
Sylvanie den añanan 70 a kuminsá siña skor beisbòl. Serka señor Hubert Fleming, di felis memoria, el a profundusá den e material di “scoring”.
Sylvanie mester a skuchá weganan di beisbòl na radio, skor e weganan i despues hiba nan pa Hubert koregí.
Sylvanie a bai diferente tereno di bala tur djasabra pa praktiká “scoring”. Despues di a skor hopi wega di klase A, el a pasa pa skor beisbòl AA.
Pa CUSCA Sylvanie a skor mas ku 10 aña, momentu ku CUSCA a stop, Sylvanie tambe a stop di skor beisbòl.
Na aña 1993 Sylvanie a kuminsá duna lès di “scoring” riba petishon di señor Clovis Lodewijks.
Hopi aña Sylvanie tabata e persona ku tabata saka sifra pa sòftbòl.
Na aña 2004 presidente di FEBEKO señor Kenneth Gijsbertha a aserká Sylvanie pa saka sifra di beisbòl. Sylvanie a siguí hasi esaki tambe pa FEBEKO bou di presidensha di señores Armin Konket i Thakai Doran.
Sylvanie a duna lès di “scoring” na mas ku 100 persona na Kòrsou, Aruba, Boneiru i St. Maarten.
Na aña 2006 Sylvanie a duna seminario na Sao Paolo, Brasil, representando International Softball Federation, I.S.F.
Na aña 2007 durante di un seminario na Panama, Sylvanie a risibí su sertifikado di “scorer” di International Baseball Federation, I.B.F. Awe Sylvanie ke yama un danki speshal na señores Clovis Lodewijks, Kenneth Gijsbertha, organisashonnan di Pichingolo, Blue Angels, Cardenales, CUSCA i Curaçao Sòftbòl Bond.
-
Wenfrid Pablo Jakoba Papiamentu
Wenfrid “Wenny” Pablo Jakoba a nasé dia 15 di yanüari 1950.
Wenny a kuminsá hunga baseball ku 8 aña den bario di St. Helena i Sta. Maria.
Wenny ta ko fundador di Santa Maria Giants na aña 1966.
Wenny a hunga baseball pa 10 aña den e ekipo di Santa Maria, kaminda ku Santa Maria a promové na aña 1969.
Na aña 1976 Wenny a pasa pa e ekipo di Wild cats komo kapitan
Wenny a hunga den diferente selekshon Antiano i a partisipá na diferente kampeonato i tambe kampeonatonan internashonal.
Huntu ku e ekipo di Wild Cats Wenny a bira diferente aña konsekutivo kampeon.
Despues Wenny a bira coach di tantu Wild Cats komo di selekshon Antiano. Despues Wenny a bira manager di Wild Cats pa algun aña.
Den mediano di añanan 80 Wenny a retirá for di baseball.
Di e periodo di 1969 te ku su retiru for di baseball Wenny a representá tantu Kòrsou den ekipo komo Antias den selekshon na numeroso okashon na diferente kompromisonan deportivo entre otro na: Santo Domingo, Venezuela, Cuba, Puerto Rico, Ulanda, Colombia, Panama.
-
Hubert Dominicus Jansen Papiamentu
Hubert Dominicus Jansen, a nasé dia 20 di desèmber 1933.
Hubert su karera komo dirigente di deporte a kuminsá dia Hubert tabata tin 18 aña el a bira sekretario di basketball team Aquino. Tres aña despues Hubert a asumí e puesto di sekretario di Curaçaose Basketball Bond (CUBAFE). Hubert ta tambe ko-fundadó di Nederlands Antilliaanse Basketball Federatie (NABAFE), kaminda Hubert a sirbí e federashon komo vise presidente.
No muchu tempu despues petishon a drenta pa Hubert postulá su mes pa miembro di direktiva di Curaçaose Voetbal Bond (CVB) i a bira segundo sekretario, despues sekretario i finalmente presidente di Curaçaose Voetbal Bond, kual Hubert a dirigí pa 2 aña. Debí ku Hubert no tabata muchu di akuerdo ku algun dirigente pa e forma ku nan ke a bini ku futbòl pagá na Kòrsou, Hubert a bandoná e deporte rei komo dirigente.
Hubert pa hopi aña a fungi komo sekretario di Komité Olímpiko di Antia Ulandes (NAOC).
Na 1977 huntu ku defuntu Hubert “Ibi” Schoop a fundá e organisashon di futbòl infantil (ORFIK).
Hubert a fungi tambe komo sekretaio i presidente di Royal Scorpions BBC i tambe pa un periodo kòrtiko komo vise presidente di Federashon di Baseball di Kòrsou.
Loke hopi hende no sa ta ku tempu ku Hubert tabata traha na Landhuis Hel komo enkargado na “Afdeling Volksontwikkeling & Cultuur” riba su proposishon a kambia e nòmber pa SEDREKO, ke men Hubert a traha e nòmber aki ku ta nifiká “Servisio pa Deporte i Rekreashon Kòrsou”, kaminda el a traha te ora Hubert a baha ku penshon dia 20 di desèmber 1989.
Na 1990 Hubert a risibí su kondekorashon real komo “Ridder in de Orde van Oranje Nassau”.
Hubert ta gradisido na deporte ku a dun’é e oportunidat di por a biaha kasi rònt mundu.
Hubert ke a gradisí dos persona ku lastimamente no tei mas ku nos riba e mundu aki ku ta su señora Poppy i su mentor den deporte Pedro Odulio “Doe” Willems.
-
Renato Giovanni Anasagasti Papiamentu
Renato “Nato” Giovanni Anasagasti a nasé dia 18 di sèptèmber 1960.
Pa motibu ku mama tabata praktiká deporte Nato huntu ku su rumannan a kuminsá tira bala den kurá di kas ku wante traha di paki di habon “Tide”.
Nato a kuminsá hunga beisbòl na edat di 8 aña.
Na aña 1972 Nato a bai ku promé selekshon di little league di Kòrsou pa weganan di Centro Americano y del Caribe. Nato a kunimsá hunga beisbòl AA ku 17 aña i a stop na aña 2010.
Nato a sali 9 biaha kampeon di Kòrsou, ku Wild Cats komo 8 aña kampeon konsekutivo di Kòrsou, di kual 7 aña siguí Nato a fungi komo manager/player i un aña kampeon ku e tim di Royal Scorpions. Nato a hunga den ekiponan di Marlboro, Sta. Maria, Blue Hawks, Royal Scorpions i Wild Cats.
Nato a sali kampeon bate doble A na añanan 1989, 1991 i 1993.
Kampeon home run: aña 1990. Kampeon RBI añanan 1989 i 2000.
Hungadó mas balioso: añanan 1991, 2000, tambe di 1st Dutch Caribbean Aruba i Antillean Championship na St. Maarten. Kampeon pitcher 1999 i 2000. Wante di oro mihó primera base aña 1999, wante di oro mihó pitcher aña 2000.
Na aña 1979 Nato a dal e promé hit na inougurashon di Sentro Deportivo durante weganan di Reino, un aña despues Nato a gana komo pitcher e promé wega ofishal di dòbel A den Sentro Deportivo, un aña despues 1980 Nato a hunga den Royal Scorpions kontra Wild Cats den final ku un públiko den historia di baseball di 13 mil alma.
Den su karera Nato a bishitá hopi país representando Kòrsou e.o. Aruba, Puerto Rico, Venezuela, Ulanda, Cuba, St. Maarten, U.S.A. Italia, Méhiko, San Salvador, Suesia.
Na aña 2000 direkto tékniko, deportista senior maskulino, kopa Beto Adriana otorgá pa Curaçaose Sport Federatie.
Nato a risibí tambe Laurel di Oro komo hungadó ehemplar ortogá pa PRESDA.
Kampeonato Liga di Baseball Pre-Infantil a keda dediká na Nato komo muestra di apresio i disiplina pa logronan den deporte.
-
Nazario Bernardus Martijn Papiamentu
Nazario Bernardus Martijn a nasé dia 2 di yüli 1958.
Nazario a kuminsá ku natashon na aña 1973 ora ku Monique Maria a fundá Bulado Swim Club na pir di Marie Pampoen. Nazario tabata un landadó aktivo te aña 1986.
Nazario tabata empleá na Deporte Sedreko for di 1985 te ku su fayesimentu e aña aki 2019.
Nazario a optené su diploma di swim teacher, swim coach i diving coach na Springfield College na U.S.A.
Diploma di swim teacher A i B na Kòrsou, tambe diploma di EHBO.
Diploma di swimming teacher na Instituto Nacional de Deporte na Venezuela.
Diploma curso ODEPA na Argentina.
Diploma FINA level 1 na Grecia.
Diploma FINA level 2 na St. Lucia.
Nazario a optené vários sertifikado den landamentu: coach level 1-4 ASCA, level 4 ASCA, level 5 ASCA, USRPT na Kansas City, USA, tambe Nazario a partisipá na First World Clinic Coaches na Hawai.
Nazario a fungí komo assistant head coach di Bulado Swim Club Curaçao, na Carifta Games na Barbados i Carifta Games na Jamaica.
Komo head coach Nazario a fungí di Bulado Swim Club, selekshon di Antias na Méhiko, selekshon di Antias CCCAN Games na Méhiko, Universade na Turkia, Universade na Bangkok, Universade na Rusia, Universade na Hong Kong, C.I.S.C. na Aruba, Weganan di Reino na Ulanda, YPA atletanan na Colombia I kompetenshanan di NACO.
Nazario tabata fundadó i head coach di Typhoon Swim Club.
-
Eva Marie Tujeehut-Suriel Papiamentu
Eva Marie “Amy” Tujeehut-Suriel a nasé dia 8 di sèptèmber 1961.
Amy a kuminsá praktiká basketball ku 14 aña ku Dragons, ganando kampeonato di Kòrsou i di Antias.
Tambe Amy a praktiká vòlibòl ku team di Universidat i Xaverianen entre 1983 i 1985 ganando kampeonato di Kòrsou i Antias.
Amy a kuminsá praktiká Teakwondo na aña 1980 logrando “blackbelt” na aña 1982. Amy tabata aktivo te ku aña 2007, ganando diferente torneo di “Poomse” i torneonan internashonal.
Amy a partisipá na:
1982 Ponce, Puerto Rico medaya di oro welter weight
1987 Barcelona, Spaña
1988 Lima, Peru medaya di plata light weight
1989 Seoul, Sur Korea
Haiti medaya di oro light weight
1990 Bayamon, Puerto Rico medaya di bròns light weight
1991 Atenas, Gresia
1993 New York, U.S.A. di 8 lugá
1994 Valencia, Venezuela medaya di bròns light weight
1995 Mar del Plata, Argentina
-
Hubert Simon Zimmerman Papiamentu
Hubert “Ibi” Simon Zimmerman a nasé dia 3 di novèmber 1951.
Ibi a kuminsá ku e deporte di bòkseo ku 15 aña huntu ku famia i amigunan den aña 1966. Nan a kuminsá ku Boca Boxing Club.
Ibi a hasi su debut profeshonal na aña 1974 i a gana hopi faha i título kampeonil entre otro di Kòrsou, Ulanda, Inter America na 1988 na US Virgin Islands e Inter Continental light heavyweight despues di a gana Tomas Ruiz Polo.
Komo un di e promé boksdónan profeshonal kampeon di Kórsou Ibi tin un rekòr di 30 ganá i solamente 5 pèrdí.
E peleanan ku Ibi a bringa a tuma lugá na Kòrsou, Ulanda, Francia, Trinidad & Tobago, Aruba, US Virgin Islands, St. Maarten.
Ibi a bringa kontra di kontrikantenan di Turkia, Austria, Luxembourg, Bélgika, Alemania, Slovenia, Bosnia i Herzegovina, Inglatera, Jamaica, Francia, Algeria, Aruba, Colombia, Venezuela Trinidad & Tobago, Merka, St. Maarten, Italia i Ulanda.
Ibi su dos ultimo peleanan tabata kontra di dos kampeon grandi konosí di Ulanda.
Na aña 1981 Ibi a gana e kampeon Europeo Pedro van Raamsdonk pa medio di “knock out”. Na aña 1992 Ibi a pèrdè su delaster pelea kontra e kampeon mundial “Fast Eddy” Smulders. Esaki no tabata un bèrgwensa pasó e Smulders eksperenshá e tempu ei tabata 12 aña mas yòn i invikto.
Famia Zimmerman di Boca Sami ta konosí komo famia boksdó. Ibi su rumannan mas chikí ku ta Chucu i Cheo Zimmerman tambe a gana titulonan internashonal di bokseo.
Ibi ta un di e fundadónan di Boca Boxing Club, kaminda Ibi mes ta aktivo komo entrenadó.
-
Gilbert Ciro Snijders Papiamentu
Gilbert “Gibi” Ciro Snijders, mihó konosí komo “Gibi”, a nasé dia 9 di desèmber 1940.
Gibi a práktika diferente deporte manera futbòl, atletismo, vòlibòl, basketbòl l, baseball, landamentu yudo, tènis pero e deporte prinsipal tabata bowling.
Na aña 1957 te 1961 na Radulphus College a forma parti di selekshon di skol, na aña 1960 den selekshon nashonal komo keeper.
1957 Giba ta kuminsá praktiká yudo i na aña 1960 ta haña faha pretu, 1ste dan i Gibi tabata asistènt trainer di su ruman Eddy Snijders.
Na aña 1955-1957 “kogelstoten” den atletismo. Aña 1957-1958 tènis na kancha di Suffisant, despues di 1980-1990 riba kancha di CSC.
Landamentu tambe Gibi ta praktiká for di 1955 pa tene su mes den kondishon.
Gibi ta afiliá na aña1958 na klup Athene di basketbòl, despues di 1 aña Gibi a forma parti di selekshon nashonal di Kòrsou i a representá Kòrsou na Carabobo, Venezuela komo e hungadó mas hóben di e selekshon.
Komo dirigente atministrativo Gibi tabata presidente di tantu Curaçao Bowling Association i Nederlands Antilliaanse Bowling Federatie. Gibi ta presidente honorario i miembro konsehero
Den futbòl Gibi tabata president di SITHOC pa 4 aña.
Den natashon Gibi tabata vise presidente na aña 2002 i a yuda organisá CISC.
Pa 3 aña largu Gibi tabata presidente di Little League Liga Pabou.
Na aña 2001 Gibi a ser eligí durante reunion annual di CONCECABOL komo parti di direktiva durante e ultimo 8 aña komo vise presidente, despues di 14 aña konsekutivo den direktiva Gibi ta retirá.
Na aña 2002 durante reunion general Pan American Bowling Confederation Gibi ta ser elegí pa forma parti di direktiva, kaminda el a fungi pa 12 aña konsekutivo.
Yudo tambe Gibi a yuda i tabata asistente trainer pa mas ku 25 aña.
Den futbòl Gibi tabata rèfri di promé divishon pa 5 aña, Gibi ta retirá debí ku el a drenta direktiva di SITHOC.
Komo logronan internashonal Gibi tin masha masha hopi mes. Tambe Gibi a haña hopi rekonosimentu lokal.
-
Efigenio Adriano Braafhart Papiamentu
Nòmber: Efigenio Adriano Braafhart mihó konosí komo PengPeng
Fecha nasementu: 8 sèptèmber 1949
Lugá: Curaçao.
Mi a kuminsá hasi yudo na 1974 na Sportschool Braaf na Orionweg.
Na 1975, mi a kuminsá duna lès na muchanan chikitu pa Sr. Braaf.
E mesun aña den luna di òktober durante di kampionato di Kòrsou mi a kibra mi èlebog.
Mi a keda un aña inaktivo komo kompetidor pero a keda duna lès.
Na 1976, mi a bolbe kompetí den kategoria di middle-weight.
Mi a bira kampion di Kòrsou i Antia te ku 1980 e aña ku mi a retirá.
Na 1977, mi a haña mi promé dan ku ta faha pretu (Sho-Dan).
RÈFRI
Mi a sigui duna lès despues di sportschool Braaf, na Asiento i mi propio skol di yudo Samurai.
1982, mi a kuminsá rèfri na Kòrsou.
E mesun aña mi a pasa eksamen pa mi di dos dan (Ni-Dan).
1986, sr. Francisco Mundo, un rèfri Internashonal di Venezuela a bin yuda nos ku dunamentu di lès di yudo.
E tabata sorprendí di e manera ku mi tabata rèfri.
For di 1987, mi a wòrdu invitá dor di sr. Mundo pa rèfri kampionatonan di Karibe na Venezuela.
Durante e aña aki mi a haña mi di tres dan (San-Dan).
Na 1992, Sr. Carlos Catalana Callega, direktor di arbitrahe di Federashon Internashonal di Judo (IJF) a wak mi ta rèfri na Venezuela.
El’a puntrami di unda mi ta, i ki nivel di rèfri mi tin.
Mi a kontest’é: di Kòrsou i mi no tin nivel.
El’a bisami IJF tin tres nivel: nivel “C” nivel “B” i nivel “A”.
El’a disidí ku e ta bini Kòrsou despues di Venezuela pa pasa ami so eksamen di rèfri Continental. (IJF B).
Ku otro palabra mi a bula nivel “C” i a hasimi di kuater dan (Yo-Dan).
Mi a bira e promé rèfri Continental di Kòrsou i Antia.
For di e momentu ei mi a rèfri tur pais Panamerikano.
Tur weganan di: Caribe, Sur-, Sentro- i Norteamerika.
Na 1997, mi a kuminsá duna lès na Sentro di Bario Janwe i Klup di Shell, awe Sentro di Rekreativo Suffisant, te ku dia di awe.
Na 1998, mi a wòrdu postulá pa pasa eksamen di rèfri nivel “A” na Repúblika Dominikana.
Nan a lagami rèfri, solamente dos pelea.
Mi a bira rèfri Internashonal “A” i haña mi di sinku dan (Go-Dan).
Siendo rèfri Internashonal mi a rèfri diferente kampionato mundial, den tur sinku kontinente.
Por ehèmpel: Fransia, Alemania, Tailandia, Hulanda, Tunesia ets.
Mi a bira e promé referié Internashonal i mundial di Kòrsou i Antia i a wòrdu konsiderá un di e mehor rèfri Panamerikano.
LOKAL
For di aña 1977, mi a drenta direktiva di Judo Associatie Curaçao (JUASCU) komo komisario.
Na aña 1987 mi drenta den direktiva di Nederlandse Antillianse Judo Federatie (NAJUFE) komo segundo tesorero.
For di aña 1998, mi a fungi komo Presidente, Tesorero, Sekretario, Direktor di arbitrahe i Deportivo, Coach i trainer di JUASCU i NAJUFE te aña 2000.
Durante di e tempu ei ta mi kasa i mi dos yunan tabata organisá kampionato di yudo.
Na aña 2000, a eligí un direktiva nobo i mi a keda tesorero, coach i trainer te ku dia di awe.
Na 2010, JUASCU I NAJUFE a bira Federashon Yudo Kòrsou. (FYK)
Durante di 2010, mi a haña mi di seis dan (Roku-Dan).
Mi klupnan semper a sali na promé lugá den tur kampionato tantu di Kòrsou komo habri di JUASCU, awe konosí komo Federashon Yudo Kòrsou.
Mi a produsí tambe, kampionnan Internashonal.
Nan a bira kampion na: Aruba, Bonaire, st. Maarten, Sto. Domingo, El Salvador, Venezuela i Merka.
Tur bou di mi guia.
Award di USA yudo: 4/6/2008
Baluarte di e deporte di yudo na Kòrsou: 3/11/2007
Wes di aña CSF: 2008 i 2009.
Plaka di mérito di SRS: 9/3/2013
Baluarte di bario di Janwe: 2/6/2016.
Plaka di mérito di Kas di Kultura: 2/6/2016.
Baluarte di Banda Ariba: 3/11/2016.
INTERNASHONAL
Mi a pasa eksamen di nivel “basiko”, nivel “1” i “2” di deporte general na Venezuela, aña 1988, 1989 i 1990, na Puerto Rico.
For di 1998, mi a wòrdu nombra komo tesorero di Konfederashon Yudo di Karibe.(CJC)
Nunka mi no a postulá mi mes pa ningun puesto den direktiva.
Aki tambe mi a okupá tur puesto den direktiva.
Awe mi ta sekretario general di Konfederashon Yudo di Karibe, pa reorganisá yudo den Karibe.
Na aña 2009, mi a stòp di ta rèfri aktivo riba mat.
Mi a wòrdu nombra komo komishonado di arbitrahe di Karibe pa Panamerican Judo Confederacion.
Na mesun momento mi a bira traduktor ofisial di Ingles pa Spañó i vice vèrsá, durante di klínika i kongreso di PJC.
Na 2015, mi a bira Direktor i komishonado di arbitrahe di Suramérika.
Na 2015, mi a haña mi di shete dan di yudo (Hichi-Dan).
Ku esaki mi a bira e promé yudoka ku faha mas haltu na pais Kòrsou i islanan di Caribe hulandes.
Mi a i ta dirigí kampionatonan Pan-Amerikano mi so.
Mi ta eksaminá i evaluá rèfrinan di nivel “C”, “B” i “A”.
Mi ta duna klínika di arbitrahe tantu práktika komo teorétiko.
Mi a logra klasifiká un atleta pa Weganan Olímpiko di London 2012.
Pa Weganan Olímpiko di Rio 2016, mi tabata tin un atleta klasifiká ku “Continetal Couta”, pero el’a wòrdu kita.
Mi a logra na 2016, ku nos ta wòrdu konsiderá komo”Full Member” di nos Federashon Internashonal Yudo (IJF).