Sport Historia

Items

• Victor Copra
  Papiaments Victor Antonio Copra, (Peso – Bodybuilding) Deportista –Dirigente Atministrativo -Dirigente Tékniko. mihó konosí komo Kopertje, Vitochi òf Capreis, a nasé dia 16 di desèmber 1927. Victor a praktiká deportenan manera futbòl, beisbòl, sètmentu di ola, kanamentu, pinpòn, lucha libre, hisamentu di peso i body-building. Na 1953 Vitochi tabata ko fundadó di Curaçaose Gewichtheffers Bond i despues Nederlandse Antilliaanse Gewichtheffers Bond. Den peso Vitochi a okupá e siguiente funshonnan: skout, entrenadó, coach, vise presidente, hefe di delegashon, referee internashonal na e siguiente evenementonan: • 1955 Juego Panamericanos na Mexico i na Alemania, • 1955 Campeonato Mundial na Munchen, Alemania • 1959 Centro Americanos y del Caribe na Caracas, Venezuela • 1959 Juegos Panamericanos na Chicago, U.S.A. • 1961Juegos Bolivariano na Barranquilla, Colombia, • 1961 Campeonato Centro Americano na San Juan, Puerto Rico y del Caribe • 1962 Juegos Centro Americanos y del Caribe na Kingston, Jamaica, • 1966 Juegos Centro Americanos y del Caribe na Rio Piedras Puerto Rico, • 1970 Juegos Bolivariano na Maracaibo,Venezuela, • 1971Juegos Panamericanos na Cali,Colombia, • 1973Campeonato Mundial na Havana, Cuba, • 1974 Campeonato Mundial na Lima Perú. Den body-building Vitochi a funda na 1965 tantu Netherlands Antilles Body Building Association komo Curaçao Body-building Association. Na 1974 Netherlands Antilles Body Building Association a afiliá na Verona, Italia den e organisashon Mundial, International Body Building Federation. Na tal okashon a skohé Vitochi komo vise presidente pa Centro America y Caribe. Komo vise presidente Vitochi a representá Centro America y Caribe na e siguiente kongresonan i Kampeonato Mundial: • 1975 Pretoria na Sud Afrika, • 1976 Montreal na Canada, • 1977 Nimes na Fransia, • 1979 Columbus na Estados Unidos, • 1981Cairo na Egipto, • 1982 Brugge na Belgica • 1984 Las Vegas na Merca CENTRO AMERICA I CARIBE • 1972 Riba Copra su inisiativa a lanta Central American & Caribbean Body- building Federation. Di dicha federashon Sr. Copra tabata vise- presidente,presidente i tesorero. CAMPEONATONAN: • 1973 Cabo Rojo Puerto Rico • 1974 Bridgetown Barbados • 1975 Willemstad Curacao • 1976 San Juan Puerto rico • 1977 Santo Domingo Republica Dominicana • 1978 Port-of-Spain Trinidad & Tobago • 1981 San Juan Puerto Rico • 1982 Mayaguez Puerto Rico, tambe e prome campeonato femenino • 1984 Kinfston Jamaica Sr. Copra tabata sekretario di Curacaose Softball Bond i miembro di N.A.O.C. tesorero di Stichting Sportterrein Brievengat-Sentro Deportivo Korsou 1977-1994.
• Dudley Josepa
  Papiaments Dudley Guniberto Josepa (Karate) Deportista – Dirigente Tékniko a nasé na aña 1958. Dudley na aña 1967 kuminsá práktika deporte di yudo ku su 9 aña serka sr. Leo Floridas den Buurcentrum Steenrijk i esaki a dura mas o ménos 1 aña kaminda el a hanja su grado di banchi hel Dudley no tabata gusta masha e estilo di yudo kaminda bo mester a tene pa asina bo por a hasibo téknika. Despues di dia Dudley a stòp ku yudo na aña 1970 a bai práktika karate na Sportschool Braaf kaminda el a haña lès di karate serka defuntu Ashwin Felix q.e.p.d.. Aki nan tambe Dudley a práktika mas o ménos 1 aña kaminda ela haña e grado di banchi oraño di estilo di karate Shotokan, akinan a trobe Dudley a bolbe stòp pasombra e práktika tabata un poko monótono. Na aña 1973 Dudley a kuminsá train atrobe serka e instruktor di karate sr. Henry Hougon. Dudley a train te ku kabamentu di aña 1975, den periodo di 2 aña Dudley a kompetí den diferente torneonan kaminda den algun di nan tabata tin bon resultado. • 1973 na Kòrsou di 2 lugá ku faha blanku, • 1973 na Puerto Rico den faha blanku te ku bèrdè sin klasifikashon, • 1975 na Aruba promé lugá den kategoria faha bèrdè, i mesun aña na Japon den torneo Mundial di Kyokushinkai (kategoria di faha pretu i maron) sin klasifikashon. Na 1976 Dudley huntu ku algun otro karateka a funda nan mes klup di karate i dun’é nòmber “Curaçao Karate Organization”. Den mesun aña nan a yuda funda tambe”Curaçao Karate Bond” ku Sr. William Millerson komo presidente , ku a kaba di bini bek for di Ulanda, komo. Dudley Josepa por bisa ku e su éksito a kuminsá na momento, ku promé biaha den historia di Korsou karate a bai representá Korsou ku un selekshon di karate, forma pa diferente klupnan di karate di na Kòrsou, kaminda e mes tambe a forma parti di e selekshon na e momento ei. Ku esaki karate a haña un desaroyo nobo ku a resultá den formashon di un selekshon di Kòrsou. Na 1976, Dudley a kompetí pa promé i di dos lugá den Kampeonato di Union Latino Americano del Caribe de Karate kontra (ULCKA) kontra di sr. William Millerson, den kua kompetensia el a keda na di dos lugá. Despues ku den periodo di 1976 te ku 1982 Dudley ta logra gana diferente premio na nivel Pan Americano i Latino Americano na ougùstùs 1982, Dudley despues di a terminá su estudio sekundario tékniko (MTS) a sali pa Hulanda pa bai studia, anto sigui ku su práktikanan di karate tambe ayanan. Dudley a keda Hulanda pa bai studia, anto ku su práktikanan tambe ayanan. Dudley a keda Ulanda el a kompetí den kompetensia di karate den diferente pais logrando resultadonan impreshonante. • 1984 na Maastricht di 3 den Mundial den kategoria di 80 kg, • 1985 na Norwega di 3 di Europa i na Hungria di 2 den Kopa Mundial, • 1985 na Hungaria di 2 den Kopa Mundial den kategoria ménos 80 kg. • 1986 na Scotland di 3 di Europa den e kategoria habri. • 1986 na Scotland di 3 di Europa ku ekipo • 1987 na Hungaria di 2 den Kopa Mundial den e kategoria menos 80 kg, • 1987 na Hungaria Kampeon den kopa Mundial kategoria habrí . • 1988 na Italia di 2 di Europa den kategoria ménos 80 kg. • 1988 na Egypto kampeon Mundial i den kategoria ménos 80 kg, • 1988 na Egypto di 2 di Mundial ku ekipo . • 1989 na Yugoslavia kampion di Europa den kategoria habrí, • 1989 na Yugoslavia di 2 di Europa den kategoria • 1990 na Mexico di 3 Mundial den ekipo • 1992 na Spaña di 3 Mundial den e kategoria ménos di 80 kg • 1993 na Algeria di 3 den Kopa Mundial den e kategoria ménos 78 kg. • 1994 na Malaysia di 2 Mundial den e kategoria di ménos di 80 kg 1994 na Malaysia di 3 di Mundial ku ekipo Aparte di e logronan aki, Dudley a logra di konkistá kampeonato di Ulanda den 14 okashon, den kua tabatin kombinashon di premionan individual i ekipo. Na febrüari 1992 a bai kompetí a regresá Kòrsou i mesora ela bira entrenadó di e selekshon di Kòrsou i Antia i tambe tabata forma parti komo kompetidor aktivo na e mesun momento. Na Kòrsou Dudley a Sali diferente be deportista i entrenadó di aña. E logronan mas importante despues di su regreso Kòrsou tabata. Mester remarka ku no ta karate so Dudley a hasi, pasombra ora ku ela regresá Kòrsou ela kaba 3 estudio kaminda e la optené su diplomanan di. Dudley ta kere firme den tuma tempu pa traha duru i ku un bon programa di preparashon ta e kaminda pa éksito i pa bo por bira kampeon un dia.
• Julius Hellberg
  Papiaments Nòmber : Julius Oscar “Maracucho”Hellburg Fecha Nasementu : 9 yüli 1930 Lugá : Maracaibo , Venezuela Deporte : Sòftbòl/Umpire Nashonalidat : Ulandes A drenta salon di fama na 2009 Penshonado di Gobièrnu Sentral Empleado di gobièrnu durante 38 aña. A traha na diferente departamentu di Gobièrnu: Meteorologische Dienst, Postkantoor Curaçao i Centrale Directie der Posterijen, últimamente na Laboratorium voor de Volksgezondheid. Na Laboratorio den funshon di Administrateur. Kasá ku Maria Ursula Hellburg-Maduro. For di e kasamentu aki a nasé 8 yu, 5 muhé i 3 hòmber, miéntras Julio tin otro 4 yu, 3 muhé i 1 hòmber Introdukshon, periodo di beisbòl Julio, na edat relativamente hóben a yega Kòrsou, ora su famia na aña 1936 a disidí bin biba na Kòrsou. Nan a bai biba den Otrobanda, den Rifwaterstraat. Den bario di Rif, pronto e hóben Julio a haña oportunidat pa sera konosí ku tur e hopi deportenan ku nan tabata práktika riba e terenonan di deporte na Rif. Henter siman despues di skol Julio tabata kore tras di tur sorto di bala riba Rif. Ku no ta bala di futbòl, tabata bala di beisbòl, òf bala di sòfbòl, òf bala di cricket, òf bala di tènis. E korementu tras di bala aki, kisas a pone e fundeshi pa e karera deportivo impreshonante ku Julio tabata destiná pa hunga den deporte di Kòrsou, di Antia Ulandes i internashonal. Kisas tabata koinsidensia òf suerte, ku Julio den su hubentut tabatin e oportunidat úniko di topa ku dirigentenan i deportistanan famoso i sobresaliente den nos deporte, manera frater Andreas di Sithoc, Don Nicho Hurtado, Sr. Juan Pablo Vivas, Sr. Bèto Adriana i Sr. Ergilio Hato, tur di felis memoria, Sr Sixto Vos-Rofina, Sr. Marcel Betrian, Sr. José Alfonso, tur ku di un òf otro manera a kontribuí den formashon di e briante karera di Julio “Maracucho” Hellburg. Julio su bida deportivo aktivo a kuminsá mas ku 70 aña pasa, ora Sr. Juan Pablo Vivas, q.e.p.d., ku tabata biba banda di kas di famia Hellburg den Rifwaterstraat, i ku tabata hungadó di B.B.C. La Fama, tur djadumingu tabata bai wega di beisbòl den Dein òf Heintje Kool ku e hobensitu Julio, ku asina a bira “bat boy” di La Fama. Na skol, promé St. Vincentiusschool, Julio a kuminsá praktiká futbòl aktivamente den DOSKO, i despues e Ia pasa pa St. Thomas College, unda e konosido frater Andreas a tum’é bou di su tutela. Den Sithoc Julio a sigui ku futbòl i tambe a kuminsá ta praktiká beisbòl i sòfbòl. Banda di e deportenan ei, Julio tabata aktivo den tur deporte; ku nan tabata práktika riba Rif: Den Bargesbad: landamentu, basketbòl, tènis, riba vèltnan di deporte: atletismo, futbòl, beisbòl, sòfbòl, cricket, kòrfbal, gemnastik. Kisas ku práktika di e hopi deportenan aki, Julio konsiente òf inkonsientemente a buta e base pa un karera deportivo ku a hib’é na mas ku 20 pais diferente. Di Kòrsou pa Karibe, pa Sur Amérika, pa Sentro Amérika, pa Nort Amérika, pa Europa, pa Asia. Julio a sa di establesé su mes den beisbòl na Kòrsou i den Antia komo un primera base di inigualabel kalidat defensivo, ku a dun’é nòmbernan manera “e artista de primera base” i “plastic man”. Asina impreshonante, asina espektakular, asina fuera di klase e wega defensivo di Julio tabata, ku e historiadónan deportivo, pa duna rekonosimentu i mérito na esaki, a haña nan obligá di trese un diferenshashon den e funshon na primera base. Asina e kronistanan deportivo ta papia di Julio Hellburg, komo e mihó primera base defensivo di tur tempu. Periodo den sòfbòl i arbitrahe, 1944 en adelante Pa straño ku por ta, apesar di tur e hazañanan di Julio den beisbòl, tòg ta su trabou i konosementu profundo di arbitrahe di sòfbòl ku a duna Julio fama i rekonosementu paden i pafó di Kòrsou i Antia. Un karera ku a kuminsá mas ku 70 aña pasá i durante kua, mas ku 40 aña e tabata den direkshon di arbitrahe di sòfbòl na Kòrsou, miéntras e tin aktualmente kasi 20 aña na kabes di arbitrahe den Amérika Latino i Karibe. Mas ku 60 aña di su bida aktivo Julio a dediká na sòfbòl i arbitrahe. 60 Aña, un bida humano ta pasa nos dilanti. Bida di un hòmber simpel i humilde, pero ku sin embargo ta resaltá pa e hopi trabou konsiensudo ku e la hasi inkansabel i desinteresá pa desaroyo di arbitrahe i anotashon di sòfbòl, i ku ademas ta imponé rèspèt pa su konosementu profundo di reglanan di sòfbòl i téknika di arbitrahe. Un hende ta atkirí e konosementu aki solamente, si e ta disponé di e talento pa uni ophetividat ku un filosofia alegre di bida. No tin sufisiente palabra pa deskribí e briante karera di Julio den arbitrahe di sòfbòl. E karera el ta íntimamente ligá ku desaroyo i floresementu di nos sòfbòl i arbitrahe. Hopi di e hendenan ku tabatin e suerte di traha hopi serka di Julio, ta konsiente di e forsa grandi pero trankilo ku semper tabata sali for di e gran pionero aki. Julio semper tabata e dirigente, ku internamente tabata ser guia pa un kurason ku ta yen di sentimentu, pero ku sin embargo eksternamente tabata dominá e arte di kombiná kabes i kurason den un punto di bista ku tabata ophetivo, sin ku esaki e tabata ofendé e sensibilidat humano. Julio banda di su konosementu profundo di regla di sòftbòl, téknika di arbitrahe i kapasidat grandi komo ùmpayer, ta poseé tambe e don di fantasia. Tabata hustamente e fantasia aki ku a permití Julio introdusí un sistema nobo den arbitrahe, dunando e persona di ùmpayer i e trabou di Umpayer un dimenshon nobo, un lugá propio den arbitrahe i wega moderno di sòfbòl, ku su estilo masha personal, pekuliar i bistoso di indiká straik i ponche. Julio Hellburg, a hiba su estilo rònt mundu; Area di Karibe, Sur Amérika, Amérika Sentral, Nort Amérika i Europa. Den mas ku 20 pais Julio a sa di imponé su estilo yamativo i alegre di arbitrahe, ganando rekonosimentu i fama na unda ku e Ia aktua. Den tur pais e fanatikada di sòfbòl tabata aploudí su estilo, i tur hende, ku a mir‘é traha komo ùmpayer, ki ora ku nan top’é tabata imitá su estilo di indiká straik den siñal di aprobashon i saludo. Ta poko ùmpayer den historia largu di mas ku 100 aña di sòfbòl a bira asina popular serka fanátiko, hungadó i dirigente pa su aktuashon, miéntras ningun por presumí tantu nòmber di kariño ku e fanátikonan a dun’é, manera Julio tin. Ata algun di nan: Bonaire : Do-re-mi Colombia : Arbitro escalera Pto Rico : Electric boogey Merka : : The Riser Venezuela : El Molino Ulanda : Scheidsrechter met een vleugel Scheidsrechter met een robot arm Promé salida di Julio pa eksterior komo Umpayer Lo tuma demasiado tempu pa duna un enumerashon di e hopi méritonan digno di menshon di Julio Hellburg. Sin embargo, lo ta bon pa para ketu un ratu na algun di e hopi éksitonan ku Julio a logra den arbitrahe di sòfbòl. Tabata na 1968 ku Julio ta keda nombrá pa señor Clovis Lodewijks, Presidente di Curaçaose Softball Bond, pa aktua komo Umpayer na un torneo di sòfbòl femenino na St. Thomas, Virgin Island. Na St. Thomas, Julio ta hasi gala di su gran kapasidat den arbitrahe, ganando simpatia i atmirashon di dirigente, fanátiko i hungadó, i no a straña ningun hende ora Julio a keda enkargá ku e wega final entre Kòrsou i St. Thomas V.I.. Julio ta bira asina e promé Umpayer di sòfbòl ku ofisialmente ta biaha pa eksterior pa dirigí wega. No tin duda ku e demostrashon di arbitrahe ku Julio a duna na St. Thomas, a habri e porta di arbitrahe internashonal pa ùmpayernan di Kòrsou. Julio, for di 1965, huntu ku señor Hubert Fleming q.e.p.d., riba inisiativa di señor Clovis Lodewijks, tabata duna lès den regla na ùmpayer di sòfbòl di Kòrsou. Pa hasi dunamentu di lès mas fásil, Julio a tuma riba su mes pa tradusí gran parti di e reglanan di sòfbòl na Papiamentu. Durante hopi aña Julio a sigui ku e famoso klínikanan riba regla den Zeemanshuis na Otrobanda, i despues den Landhuis Hel na Saliña. For di e klínikanan aki a sali hopi di e ùmpayernan internashonal ku kua Kòrsou tabata i ta konta: manera Silvio Leonora+, Willy Willems, Marcelino Barry+, Virgilio Poulina+, Gilbert Poulina, Oswin Ortela, Kenneth Bosk, Franklin Hermanus i Emaldo Henson. Tambe e sekso femenino a haña preparashon den e klínikanan aki, for di kua a sali e promé dos ùmpayer femenino den historia di sòfbòl di Kòrsou, ku ta: sra. Donata Fullinck i sra. Grada Gosepa, i tambe e promé skordónan femenino manera: Donata, Grada, Uki, Sylvia, Sylvania, Jenny, Meredith, Diana i otronan. Fundashon di un Asosiashon di Umpayer i Skordó Den añanan setenta, Julio a mira e nesesidat pa organisá tur ùmpayer i skordó di sòfbòl den un asosiashon i huntu ku Willy Willems i Oswin Ortela e Ia lamta un asosiashon di Umpayer i skordó, bou di e nòmber di: “Umpire and Scorer Assosiation of Softball,(U.S.A.S.)”, miéntras e Ia bira su promé presidente. E interesnan di prinsipalmente e ùmpayernan tabata i ta ainda asina dividí, ku te awe Julio no por a logra e union ku tantu e ta anhelá den arbitrahe. Promé kurso na Kòrsou pa formashon dl ùmpayer dl sòfbòl Julio no a laga ningun di e hopi problemanan ku tin den deporte i arbitrahe di sòfbòl desanim’é i na 1984, riba inisiativa di Sr. Celfnied Homoet (q.e.p.d.), presidente di Asosiashon di Sòfbòl di Kòrsou i ku koperashon di Federashon di Deporte di Kòrsou a kuminsá ku e promé kurso rekonosé na Kòrsou pa formashon di Umpayer di sòfbòl. Mester tabata un momento di orguyo i satisfakshon profundo pa Julio, ora nba 27 di òktober 1984 den Zeilclub Asiento, e Ia entregá 13 ùmpayer diplomá na C.S.B. i dfto. sr. Homoet, ekspresando e deseo, ku e ùmpayernan diplomá aki, lo forma e base pa e infrastruktura di sòfbòl, ku Sr. Celfried Homoet+ tabatin asina tantu na pechu, i bira e plataforma for di kua arbitrahe di sòfbòl lo por operá den futuro. Ku mas energia Julio a sigui ta profundisá den reglanan di sòfbòl i mekánika di arbitrahe. Ta manera e tabata sa, ku destino tabatin kosnan grandi prepará p’e den arbitrahe di sòfbòl i ku historia di sòfbòl tabatin su bista pone riba dje. Promé Yu di Kòrsou/Antiano ku ta bira Umpire-In-Chief di un kampeonato internashonal Añanan ochenta a bira e dékada di konsagrashon di Julio. Despues di aktuashonnan destaká komo ùmpayer na Venezuela, Puerto Rico i Colombia, señor Clovis Lodewijks den su funshon di Presidente di Konfederashon Panamerikano di Sòfbòl, CONPASA, ta nombra Julio, Umpire-In-Chief di e di II Kampeonato Panamerikano di Sòfbòl femenino na Lima, Perú. Julio ta bira asina e promé Yu di Kòrsou, e promé Antiano pa desempeñá e funshon haltu e importante aki, pero tambe di hopi responsabilidat. Julio a pasa su prueba di kandela ku éksito. Suerte, i no poko tabata esun di Julio, di tin un Yu di Kòrsou den persona di sr. Clovis Lodewijks den un funshon gerensial hopi haltu den sòfbòl mundial, ku sin duda a duna Julio e oportunidat i konfiansa pa subi riba e kaminda di arbitrahe internashonal. Un kaminda difísil i eksigente ku Julio a kana ku determinashon i siguransa, demostrando na tur momento i na tur kaminda su kapasidat di ùmpayer i kalidat di dirigente. Julio no a defroudá e konfiansa ku Sr. Lodewijks a depositá den dje. Ku mas energia i determinashon e Ia kuminsá traha riba un karera den arbitrahe, ku no tin su igual ni paden ni pafó di Kòrsou. lnstruktor sertifiká pa ISF Aña 1987 ta hiba Julio Indianapolis, Merka, komo asistente di Sr. Merle Butler den e di X Weganan Deportivo Panamerikano. Julio ta sobresalí den su funshon di árbitro-en-hefe asistente. No a tarda muchu ku Federashon Internashonal di Sòfbòl ta yama Julio pa otro funshon mas importante den arbitrahe di sòfbòl ora e keda nombrá instruktor ofisial pa arbitrahe di Federashon Internashonal di Sòfbòl. Na novèmber 1987 na Repúblika Dominikano i mart 1988 na Guatemala Julio huntu ku Merle Butler ta dosente na e promé i di dos seminario internashonal pa arbitrahe di sòfbòl. Kisas ta bon pa mi splika un ratu, kiko ta un seminario. Un seminario ta e kurso di nivel mas haltu di arbitrahe, kaminda ùmpayernan di sòfbòl, despues di pasa un eksamen den regla di wega di sòfbòl i téknika di arbitrahe por haña e titulo di Umpayer diplomá di Federashon Internashonal di Sòfbòl, e titulo mas haltu ku un ùmpayer por optené Julio ku den pasado den diferente okashon a aktua komo árbitro-en-hefe den kampeonatonan internashonal di sòfbòl, semper den eksterior, na 1988, den e eksitoso kampeonato Sentro Amerikano i di Karibe(CONCACAS), organisá na Kòrsou, ta haña oportunidat pa awor dilanti di e pueblo di Kòrsou, demostrá su gran kapasidat di ùmpayer i dirigente, den funshon di árbitro-en-hefe di e grandioso evento aki. Coppa Intercontinentale na Bussolengo, ltalia Den 1989, Julio pa promé be den su largu i eksitoso karera ta bula frontera di nos kontinente i ta biaha pa Bussolengo, Verona, ltalia, pa partisipá komo ùmpayer den “Coppa Intercontinentale”. Aki un be mas a keda demostrá, e fama di kua Julio ta gosa mundial den arbitrahe, ora den reunion tékniko di e prestigioso torneo aki, e keda nombrá árbitro-en-hefe. Durante dos dia Julio ta duna klínika na e ùmpayernan for di Merka, China, Taiwan, Italia, Oustralia, Ulanda i Puerto Rico, ku mester a partisipá den e torneo aki. Julio tabatin den e torneo aki un aktuashon sobresaliente ku a kondusí na su designashon komo e mihó ùmpayer di Coppa Intercontinentale. Apénas bèk for di Italia, ku ata Julio tin ku biaha pa Hondúras, pa durante un siman largu dirigí e Promé Kurso Internashonal di arbitrahe di sòfbòl na Tegucigalpa. Riba biahe di regreso pa Kòrsou Julio ta pasa Costa Rica unda e ta duna un klínika di dos dia na ùmpayernan di sòfbòl di e pais ei. Nombramentu komo Intérprete di Regla di Sòfbòl pa Latino Amérika i Karibe Den desèmber 1989 Julio ta biaha pa Paraná, Argentina, pa dirigí arbitrahe di e di Ill Kampeonato Panamerikano di Sòfbòl maskulino den funshon di árbitro-en-hefe. Banda di a duna 3 dia di klínika na e Umpayernan ku a intervení den e kampeonato, Julio tabatin tambe ekselente aktuashon komo ùmpayer, dunando kátedra di arbitrahe den e finalísimo partido entre Merka i Canada. Na Argentina Julio ta logra e koronashon di su karera komo Umpayer, ora Presidente di Federashon Internashonal di Sòfbòl, Sr. Don Porter durante kongreso di Konfederashon Panamerikano di Sòfbòl selebrá na Paraná, Argentina, nombra Julio Intérprete di Regla i árbitro-en-hefe Regional di Federashon Internashonal di Sòfbòl pa área di Amérika Latino i Karibe. E funshon mas haltu den arbitrahe mundial despues di esun di e Direktor di Umpayer e Intérprete di Regla di FIS, Sr. Merle Butler. Mihó Umpayer di sòfbòl di Kòrsou, i 3 biaha siguí “Hues di Aña”. Ounke nan sa bisa, ku ningun hende ta profeta den su mes pais, tòg, deporte di Kòrsou no a keda sin rindi homenahe na Julio Oscar Hellburg pa su dedikashon kontinuo na, i logronan grandi den arbitrahe paden i pafó di Kòrsou. For di 1985 te 1989, durante 5 aña siguí, Asosiashon di Sòfbòl di Kòrsou ta nombra Julio komo e mihó ùmpayer di sòfbòl di aña, miéntras na 1987, 1988 i 1989, durante tres aña konsekutivo Julio a keda distinguí pa Curaçaose Sport Federatie ku premiashon di “HUES Dl AÑA”. E logro di Julio aki, no tin paralelo den arbitrahe di sòfbòl na Kòrsou. Kondekorashon “RIDDER IN DE ORDE VAN ORANJE NASSAU” Na 1988 Riba Aña di La Reina, ta komplasé Su Mahestat Reina Beatrix kondekorá Julio Oscar Hellburg “RIDDER IN DE ORDE VAN ORANJE NASSAU” pa e hopi i bon trabou ku Julio a desplegá pa su pais den su funshon di empleado públiko. Distinguí ku C.SF. AWARD. Umpayer na Kampeonato Mundial di Sòfbòl Na 1990, Julio ta biaha pa Aruba i Bonaire pa duna klínika na ùmpayernan di sòfbòl. Na aprel 1990 Julio ta keda distinguí ku e “C.S.F. Award” pa su dedikashon durante mas ku 25 aña komo dirigente deportivo. Na yüni, Julio ta logra un di su aspirashonnan mas grandi ora e keda nombrá komo Umpayer na e di VII Kampeonato Mundial di Sòfbòl femenino na Normal, Illinois, Merka. Aki Julio ta imponé su estilo bistoso i alegre di ùmpayá i ta bira un atrakshon na kampeonato mundial. Na ougùstùs Julio ta kuminsá na Kòrsou ku e di Ill Kurso pa Formashon di Umpayer di Sòfbòl bou di ouspisio di SEDREKO. lnstruktor di Umpayer na Habana. Cuba – Proposishon pa kambio di reglanan di sòfbòl Despues di un aña di relativo poko aktividat internashonal, 1991 ta bira un gran aña pa Julio. Den luna di mei, Julio ta haña e enkargo honroso pa biaha pa Cuba, e pais mas avansá den deporte den nos region, pa na Habana dirigí un klínika di arbitrahe di sòfbòl pa prepará e ùmpayernan kubano pa e weganan Panamerikano ku lo keda selebrá na Cuba. Na yüli 1991, Julio ta partisipá komo miembro di Komishon di Reglanan di wega, na e di XV Kongreso di Federashon Internashonal di Sòfbòl ku ta keda organisá na Kòrsou. Pa e Kongreso aki, Julio pa intermediashon di Federashon Antiano di Sòfbòl ta entregá 32 proposishon pa kambio di regla, di kua 19 ta keda aprobá. Prome Umpire-In-Chief no-Merikano di Weganan Deportivo Panamerikano Durante e di XI Weganan Deportivo Panamerikano selebrá na Habana, Cuba, Julio ta buta un eslabón importante mas na su briante karera, ora e keda nombrá árbitro-en-hefe di e weganan Panamerikano. Den e historia largu di Weganan Deportivo Panamerikano, semper ta un ùmpayer Merikano bon kalifiká i di hopi eksperensia ku tabata haña nombramentu komo árbitro-en-hefe. Julio pa su kapasidat di arbitrahe, eksperensia i pa su konosementu di regla i mekánika di arbitrahe ta kibra e tradishon aki, ora e bira e promé ùmpayer ku no ta Merikano, ku ta haña e honor di risibí nombramentu komo “Ümpire-In-Chief” di Weganan Deportivo Panamerikano di Cuba. Korekshon di reglanan na Spañó i diferente klínika di arbitrahe Den kuminsamentu di sèptèmber, Julio ta haña e enkargo di Federashon Internashonal di Sòfbòl pa korekshon di e redakshon di e reglanan nobo di sòfbòl tantu den e vershon Ingles komo Spañó. Despues di kumpli ku e enkargo aki, Julio un be mas ta biaha pa eksterior, pa Medellin, Colombia, kaminda durante un siman largu e ta duna lès den regla di sòfbòl i mekánika di arbitrahe na ùmpayernan di Sur Amérika. Durante 1992, Julio ta dediká tempu den organisashon di klínika pa duna splikashon na e Umpayernan lokal riba e hopi kambionan den e reglanan nobo di sòfbòl i algun kambio den mekánika di arbitrahe. Na òktober Julio ta bai Guatemala pa dirigí e di Ill seminario pa arbitrahe di sòfbòl. Seminario Valencia i Kongreso na Taiwan 1993 ta bira un aña di hopi aktividat pa Julio. Den luna di mart e tin ku biaha pa Valencia, Venezuela, pa dirigí e di IV seminario pa arbitrahe di sòfbòl. Na mei 1993, Julio ta asistí na e di XVI Kongreso di Federashon Internashonal di Sòfbòl na Taiwan komo miembro di Komishon di regla¬nan di wega. Na e Kongreso aki tambe Julio ta hasi 6 proposishon pa kambio di regla di wega, di kua 3 ta keda aprobá. Julio na Ulanda i retiro for di arbitrahe internashonal aktivo Den luna di yüni, Julio ta bal Quito, Ecuador, pa duna un klínika riba arbitrahe i tambe instrukshon riba téknika di pichamentu den sòfbòl. Julio no a kaba di yega drechi for di Ecuador, ku até na yüli, rumbo pa Haarlem, Ulanda, kaminda e ta partisipá komo ùmpayer den “Intercontinental Cup Haarlemse Softbal Week”. Julio ta impreshoná ku su estilo di indiká straik, i mesora nan ta dun’é e nòmber “scheidsrechter met een robot arm”. Na Ulanda tabata momento di hopi alegria pa Julio, ora hopi mama i tata promé i despues di wega tabata trese nan yu pa fula e man drechi di Julio, p’asina kombensé nan ku no tabata trata di un “robot arm”. Pero tambe tabata momento di tristesa, ora Julio, den un seremonia emoshonal ku su koleganan ùmpayer ulandes, italiano i merikano a organisá p’e, a disidí di buta un punto tras di su briante karera di Umpayer internashonal aktivo. Korekshon di reglanan di sòfbòl, i diferente biahanan pa eksterior Pa motibu di e hopi diskrepansianan ku tabatin den e reglanan di wega den e vershon Ingles i Spañó, den ougùstùs, Julio ta risibí e enkargo di Federashon Internashonal di Sòfbòl, pa traha un tradukshon nobo di e vershon na Spañó ku ta kompletamente den liña ku e vershon na Ingles. Julio ta kumpli ku e enkargo aki na satisfakshon di Federashon Internashonal di Sòfbòl. Apénas, Julio a kaba ku e enkargo aki, ku até na kareda ku maleta pa bai Mexico. Na Mexico e ta dirigí e di V seminario pa arbitrahe di sòfbòl i despues ta drenta den su otro funshon di árbitro-en-hefe di e di IV Kampeonato Panamerikano di sòftbòl maskulino. Na novèmber, Julio ta biaha pa Puerto Rico pa dirigí e di VI seminario pa arbitrahe di sòfbòl i despues ta sirbi di delegado di selekshon femenino di sòfbòl antiano na di XII Weganan Sentro Amerikano i di Karibe. Aña 1994 ‘n kuminsá drechi, ku den yanüari, Julio ta biaha pa eI Salvador, pa duna un klínika na Umpayernan di Amérika Sentral i pa dirigí arbitrahe di sòfbòl di e di V Weganan Sentro Amerikano den funshon di árbitro-en-hefe. Na yüni, Julio ta bai Bahia Blanca, na Argentina pa dirigí e di VII Seminario pa arbitrahe di sòfbòl i asina kuminsá prepará e ùmpayernan di Sur Amérika pa e Weganan Panamerikano di 1995 na Argentina. Julio a kuminsá 1994 ku biahamentu i ta sera aña ku biahamentu ora den desèmber e biaha pa Guatemala pa un be mas den funshon di árbitro-en-hefe dirigí arbitrahe di e di Ill kampeonato Panamerikano di sòftbòl femenino. Proposishon pa kambionan di regla di sòfbòl i UIC na XII Weganan Deportivo Panamerikano Estudio kontinuo di reglanan di wega di sòfbòl tin komo resultado ku Julio hopi be ta haña un òf otro motibu pa trese kambio den reglanan di sòfbòl. Pa e di XVII Kongreso di Federashon Internashonal di Sòfbòl ku a keda organisá den yüli 1995 na Puerto Rico, Julio a entrega 11 proposishon pa kambio di regla, di kua 7 a keda aprobá. Na 1995 Julio ta biaha pa Paraná, Argentina, pa un be mas den funshon di árbitro-en-hefe dirigí arbitrahe di sòfbòl den e di XII Weganan Deportivo Panamerikano. Despues di regresá for di Argentina, Julio ta kuminsá ku e di Ill Kurso pa Formashon di Umpayer di Sòfbòl, bou di ouspisio di Gobièrnu di Kòrsou, SEDREKO. Den 1996, Sr. Matos, Presidente di Arubaanse Softball Bond ta manda buska Julio pa duna lès na e ùmpayernan ku mester partisipá den Kampeonato di Sòfbòl di Aruba. Durante 5 dia largu Julio ta duna klínika den regla i téknika di arbitrahe. Sòfbòl Slo Pich i fundashon di FUSSOKO Durante añanan 1996 pa 1999, Julio ta konsentrá su atenshon riba sòfbòl hubenil i sòfbòl eskolar. Banda di esei e ta duna oido na un apelashon ku Liganan di sòfbòl Slo Pich ta hasi na su persona pa yuda den e diferente komishonnan di e liganan i tambe pa duna konseho riba reglanan di wega, i reglamento di kampeonato. Julio ta aktivo komo Árbitro-en-hefe i tambe Umpayer di Liga 40, Liga Tra’i Seru i Liga Van Engelen, i despues tambe Liga Uni Tur. Pa por trese un standarisashon den maneho di arbitrahe den Slo Pich, Julio ta funda un federashon di Umpayer i skordó di Slo Pich, bou di nòmber di: “FEDERASHON DI UMPAYER I SKORDO Dl SOFBOL SLO PICH Dl KORSOU, “FUSSOKO”, i ta bira su promé presidente. Tradukshon reglanan ofisial di sòfbòl den Papiamentu E hopi difikultatnan ku Julio a eksperensiá den su trayektoria den deporte di sòfbòl na Antia Ulandes i Aruba den konosementu i komprendimentu di reglanan di sòfbòl serka gran parti di deportista, tékniko i ùmpayer, na 1997 a índusí Julio pa tradusí na Papiamentu e Reglanan Ofisial di Sòfbòl di Federashon Internashonal di Sòfbòl. E tradukshon no tabata fásil, i despues di un trabou inmenso na 1998 e buki di regla na Papiamentu a keda publiká ekstraofisialmente. Na kuminsamentu di aña 2000 e buki di regla aki den nos lenga vernákulo a keda publiká ofisialmente. Julio a bisa semper, ku e buki di regla na Papiamentu lo ta e korona di mas balor riba su karera deportivo. Nos ta kere firmemente ku Julio ku e buki di Reglanan Ofisial di Sòfbòl na Papiamentu, a krea un monumento pa su mes den kua e ta inmortalisá su mes pa deporte di sòfbòl. Orador na Simposio Pa su konosementu profundo di historia i desaroyo di sòfbòl na Kòrsou, Julio ta haña un invitashon di S.B.C. Sigui Gosa, klup di kua e ta kofundador, pa ta orador na un simposio den kua e mester a elaborá riba e tópiko “SOFBOL SLO PICH, UN DEPORTE PAROTIN ?. Julio den su manera karakterístiko a duna un eksposishon ekselente, i a mustra riba e transishon di sòfbòl Slo Pich na Kòrsou, di un deporte rekreativo pa un deporte kompetitivo i a base di sifra a mustra riba kresementu kuantitativo i kualitativo di Slo Pich. Sekretario General di CONPASA Den mes aña 1999, sr. Clovis Lodewijks, Presidente di CONPASA ta nombra Julio Sekretario General di e importante Confederaciôn Panamericana de Softbol. Den e funshon aki Julio ta biaha pa Winnipeg, Canada pa asistí na e di XIII Weganan Deportivo Panamerikano. Aki Julio ta keda nombrá sekretario den e importante Komishon Tékniko, ku tin ku dirigí e weganan di sòfbòl di e weganan aki. Bèk for di Winnipeg, Canada, Julio ta bolbe keda elegí, den Direktiva di Curaçaose Softball Bond, i un biaha mas e ta pasa pa okupá e importante puesto di sekretario Vershon nobo buki di regla na Spañó Pa e konosementu ku Julio tin di reglanan di sòfbòl i pa su dominio di e.o. Spañó e Ingles, Julio ta kumpli ku un mandato hopi pisá di Federashon Internashonal di Sòfbòl pa koregí i revisá e Reglanan Ofisial di Sòfbòl den su vershon na Spañó pa aña 2000, i pa trese esaki den liña ku e vershon na Ingles. Miembro di Salon di Fama di I.S.F. Na 2001, Julio durante Kongreso di Federashon Internashonal di Sòfbòl na Tampa, Florida, U.S.A. unánimamente ta keda elihí pa drenta Salon di Fama di I.S.F. . Un aña despues na Kòrsou, durante seremonia di selebrashon di Hubileo di Oro di Asosiashon di Sòfbòl di Kòrsou, Julio ta keda introdusí pa Presidente i Sekretario General di Federashon Internashonal di Sòfbòl den Salon di Fama di I.S.F.. Den añanan 2000 Julio ta kontinuá ku su biahanan pa eksterior pa kumpli den su funshon tékniko, sea pa sirbi komo Umpire-In-Chief di Kampeonatonan Panamerikano; pa dirigí Seminarionan di Arbitrahe na Repúblika Dominikano, Puerto Rico, Colombia i Guatemala, òf sea den su funshon atministrativo Julio ta sirbi komo sekretario di Komishon Tékniko na Kampeonatonan Panamerikano na Santo Domingo, Rep. Dominikana; Maracay, Venezuela; Guatemala i Rio de Janeiro, Brasil. Na 2007 Presidente Porter di ISF ta nombra Julio komo mediador di ISF pa solushoná un konflikto den organisashon di sòfbòl na Aruba. Den e funshon aki Julio tabatin ku biaha na diferente okashon pa Aruba, i ku satisfakshon por bisa ku tin progreso den e mediashon. 2008 ta marka pa Julio dos akontesimentu importante, ora den di X Kongreso di Konfederashon Panamerikano di Sòfbòl e keda elihí unánimamente komo Promé Vise Presidente di e Konfederashon aki, ku ta esun di mas grandi i prestigioso di Kontinente Merikano. Algun luna despues Julio ta keda nombrá komo Miembro di Komishon Tékniko pa Weganan Olímpiko na Beijing China, i na ougùstùs 2008 Julio ta biaha pa China pa kumpli ku e trabou importante den Komishon Tékniko di Sòfbòl. Periodo largu komo dirigente atministrativo For di edat hóben Julio tabata enbolbí den trabou atministrativo di deporte. Julio fuera di tabata hungadó di B.B.C. Lucky Strike, tabata tambe sekretario di e klup aki. Mas despues Julio a bira sekretario tambe di su klup di futbòl di bario S.V. Riverside. Aki Julio a buta un base pa hasi karera komo un sekretario vitalisio den kasi tur organisashon deportivo i no deportivo di kua e tabata miembro. For di 1948 te ku 2008, durante kasi 60 aña siguí, Julio tabata Sekretario na Kòrsou di diferente klup repartí e.o. den e siguiente organisashonnan: B.B.C. Lucky Strike; S.V. Riverside; S.B.C. Caballeros; S.B.C. Sigui Gosa; A.B.V.O.;Asosiashon di Sòfbòl di Kòrsou; Federashon di Sòfbòl di Antia Ulandes; Federashon di Deporte di Kòrsou, miéntras internashonal for di 1998 te ku 2008, kasi 10 aña, Julio tabata Sekretario General di Konfederashon Panamerikano di Sòfbòl. Na 2008 Julio a keda elihí Promé Vise Presidente di CONPASA i asina a yega un fin na e karera largu i eksitoso di Julio Sekretario. Na diferente okashon Julio tabata delegado prinsipal di selekshon femenino di Sòfbòl di Antia Ulandes na kampeonatonan regional di sòfbòl..
• Errol Rooi
  Papiaments Nòmber : Errol Robert Rooi Fecha Nasementu : 5 yüni 1953 Lugá : Kòrsou Deporte : Volibol Fayesé : 27 mart 2008 A drenta salon di fama na 2009 Sr. Errol Roberto Rooi: A nasé na Kòrsou dia 5 di yüni 1953 I a fayesé djaweps 27 di mart 2008 na Hulanda. E tabata kasa ku sra. Petronella A.M. Vermeulen, for di kua matrimonio a nasé un yu’i hòmber. Na tur Errol, tabata tin 3 yu’i. Oriana i Thaisa de Ley i David Vermeulen. Na aña 1965 e la haña e oportunidat pa representá su skol “St. Paulus College”, den vòlibòl i mesora Errol a kuminsá destaká. Na vários okashon Errol a bira kampion di vòlibòl eskolar. Komo prospekto di vòlibòl, Errol a haña un oportunidat na aña 1969 pa bai hunga den Super Cleaning tim di Bruder Herbert. Na aña 1972, Errol a bira kampion di Kòrsou i Antia ku Super Cleaning. Na aña 1973, Errol a haña invitashon pa bai hunga vòlibòl na Puerto Rico. Na aña 1974, Errol a hunga den selekshon di Antia na Juegos Centro Americano y del Caribe. Na aña 1978, Errol a hunga den sekshon Antiano, den Panamerikano na Colombia. Na aña 1978, Errol a bai Hulanda i a hunga den divishon máksimo pa e tim “Brevok”. Den e mesun aña 1978, Errol a hunga vòlibòl pa selekshon di Hulanda kontra e sekshon di Estádos Unídos. Na aña 1980, Errol Rooi a hunga pa e selekshon di Hulanda ku a finalisá di 4 den kompetensia Europeo na Alemania. Na aña 1981, Hulanda a bira kampion den kompetensia Europeo na Skandinavia i Errol a keda skohe komo “Most Valuable Player”. Na aña 1981, ku Errol Rooi na kabes, Hulandes despues di 25 aña ta logra di gana di Alemania. Na aña 1983, Errol Rooi a bira kampion di Hulanda ku e tim “Starlift”, kua tim a bai kampionato Europeo i bira kampion. Na aña 1983, Antia a pidi Errol Rooi pa hunga pa selekshon di vòlibòl na Mexico pa gana klasifikashon pa Cuba. Errol a haña suspenshon di 2 aña serka Federashon Internashonal di Vòlibòl. Na aña 1989, Errol Rooi ta regresá e tim di “Brevok”, ku e la kuminsá kuné na Hulanda. Di aña 1990-1994, Errol a bini un temporada bek Kòrsou. Na aña 2008, pa ta eksaktamente, djaweps 27 di mart 2008, Errol Roberto Rooi ta fayesé na Hulanda. Entiero a tuma lugá na Hulanda, riba djaweps 3 di aprel 2008.
• Soraida Juliana
  Papiaments Soraida Eretilia Juliana Fecha Nasementu : 18 yuli 1960 Lugá : Kòrsou Deporte : Sòftbòl A drenta salon di fama na 2009 For di aña 1973, Soraida ta forma parti di e tim resien funda “Pichingolo”. For di aña 1976 te ku 1991, Soraida a hunga den klase dobl’é A den e ekipo di “Pichingolo”. Ku e klup aki, Soraida a bira kampion 17 biaha den 18 aña. Na aña 1988, Soraida tabata ganadó mayoria di premio individual den Kampionato Centro Amerikano i Del Caribe na Kòrsou. Na aña 1988-1999, Soraida a Sali kampion invikto despues di a pèrdè titulo e promé aña, kampionnan di Antia ku “Pichingolo”. Na aña 1991, Soraida a stòp di hunga bala pero a regresá den 1994, kaminda e la hunga solamente den Kopa di Reino den 1994. Na aña 1995, Soraida a partisipá na Kampeonato di Softball Dobl’é A. Añanan históriko di Soraida • 1975 Kampion bate klase A • 1976 Nominado pa deportista Hubenil di aña International Medaya di oro Kampionato Sentro Amerikano i di Karibe na San Salbador • 1978 Hungadó mas valioso AA Kampion picher International Partisipashon den selekshon na Medellin Colombia (C.A.C.) • 1979 Hungadó mas valioso AA Kampion picher AA International Kampion Hit Kampion doblete Porsentahe Hits atmití Kampion slugging Medaya di bròns ku selekshon Hubenil na Mexico City • 1981 Hungadó mas valioso AA Kampion picher AA Kampion honronero AA • 1982 Kampion picher i mas valioso International Partisipashon den selekshon na Sonora, Mexico i Cuba 8 di yanüari 1983; No hit, no run tira riba Normal Illinios, na Sabana Ball Park • 1983 Hungado mas valioso AA Kampion picher AA Kampion honronero AA Kampion bate Triple Korona international Promé dama pa dal homerun over di fence di e parke Polideportivo na Maracau (Venezuela) kontra picher Betty Segara di Puerto Rico. • 1988 Deportista di aña (senior) otorgá pa CSF • 1995 Laurel di oro, komo muestra di rekonosimentu. Rekòrtnan Internashonal: • 1984 International Medaya di bròns na Puerto Rico (C.A.C.) • 1986 International Partisipashon na weganan Sentro Amerikano i di Karibe na Santiago, Repúblika Dominikana • 1987 Kampion honronero AA International Partisipashon na weganan Panamerikano na Indianapolis, Merka Subkampion bate Mas kareda empuhá Kampion honronero na kampionato Panamerikano na Perú Medaya di bròns • 1988 Hungadó mas valioso AA Kampion honronero AA International Kampion bate Kampion kareda empuhá Hungadó mas valioso Kampion doblete konektá Kampion slugging Kampion tripel na kampionato Sentro Amerikano i di Karibe na Kòrsou Medaya di plata • 1989 Partisipashon na kampionato Interkontinental na Verona, Italia • 1990 Kampion bate AA ] Hungadó mas valioso AA ] Tripel korona Kampion honronero AA Nominado pa deportista di aña Plaka di mérito otorgá pa BC Buena Vista komo dama mas destaká den sòftbòl International Partisipashon na e di 7 kampionato Mundial na Normal Illinois, Merka • 1992 Promé dama pa saka bala over de fence den leftfield di Suvek Ball Park (Sòftbòl intergubernamental) • 1993 International Medaya bròns na Puerto Rico Modified pich Panamerikano • 1994 Kampion Kopa di Reino (Pichingolo) • 1995 Plaka di mérito otorgá pa SEDREKO i Tele Curacao pa bon trabou hasi na bienestar di hubentut. Kampion bate AA Kampion honronero AA Kampion tripel korona Kampion kareda empuhá 4 òktober 1995: Un rekòrt di dos homerun den un wega kontra e picher di Rissing Trotters ku ta Jacqueline Sophia. Logronan komo tékniko: • 1989 Kampion klase B ku Pichingolo chikí Pichingolo a promové pa klase A Sub-kampion ku selekshon di softball hubenil na Puerto Rico • 1990 Pichingolo chikí sub-kampion klase A • 1991 Pichingolo chikí kampion klase A i a promove pa klase AA • 1992 Kampion Liga Vruminga ku Budget Video Kampion Little League ku Kiwanis • 1993 Kampion Liga Vruminga ku Las Palmas Kampion Little League ku Kiwanis Terser puesto na Panamá ku selekshon di Little League Di tres lugá Latino Amerikano beisbòl L.L. na Panamá • 1995 Kampion Little League Ku Kiwanis Na aña 1995, Soraida ta retirá ofisialmente for di SoftbolKompetitivo Na aña 2001, Soraida ta kuminsá ku liga streanan di ayera. (slow pich) Na aña 2001 The Champions Sub-kampion Na aña 2002 The Champions Kampion Na aña 2003 The Champions Sub-kampion Na aña 2004 The Champions, terser lugá “Kampion Picher 5-1” Na aña 2006 The Champions Leage “liga 35+”(picheo Modifiká) Na aña 2006 The Champions di tres lugá Na aña 2007 The Champions kampion Na aña 2008 The Champions terser lugá “Kampion Picher 6-0” Na aña 2002 The Champions a organisá e promé Dutch Caribbean Lady Sòftbòl Tournemant Na aña 2002 Kòrsou, The Shampiòn “Kampion “MVP” Na aña 2003 St. Maarten, The Champions, Kampion “Kampion Bate” Na aña 2004 Boneiru, The Champions “Kampion” Na aña 2005 Aruba, The Champions “Kampion” Na aña 2006 Kòrsou, The Champions “Kampion” Na aña 2007 Boneiru, The Champions “Sub-Kampion” Na aña 2008 Aruba, The Champions “Sub-Kampion” Na aña 2002, 18 di mei Curaçaose “Little League Sòftbòl ta nombra promé kampionato Little League “Liga Soraida Juliana”
• Niels Liberia
  Papiaments Niels Francisco Liberia Nòmber : Niels Francisco Liberia Nanse : 4 yüni 1938 Lugá : Kòrsou Deporte : Basketbòl Fayesé : 31 mei 1998 A drenta salon di fama 2009 Niels Francisco Liberia a nase dia 4 yüni 1938 komo e promé yu di e pareha Vicento Libria i Petra Sillé Niels a kuminsá práktika deporte di Basketbòl komo junior siendo alumno di St. Thomas College miembro di SITHOC (SINT THOMAS COLLEGE) den prinsipio di anan 50. Semper Niels su empeño tabata pa deporte di Basketbol keda eksistí. E eksperensia ku ela a sinti di loke Basketbol a nifiká pe e tabata deseá pa tur hóben, partikularmente e hóben mas humilde i di ménos rekurso, pasombra no tin mester di muchu kos pa práktika básketbòl. Esta un bal, un renchi den kura banda di kas, o pega kantu di kualke palu den bario o riba kualke vèlt na unda ku ta. Komo hungando ya den e tim di ‘senior”di SITHOC, Niels a partispa den diferente selekshon ku a representá tantu Korsou y komo Antia Ulandes na Aruba,Venezuela 9valencia), Sürnam i Colombia. Despues ku direktiva di Sithoc a apuntá Niels komo entrenadó di e ekipo junior di Sithoc., den añanan 69/70 NIELS A LANTA EKI[O DI Sithoc-damas i Olympic-damas. Na Sint Thomas College den Hoogstraat Niels tabata train Sithoc-damas tur djadumingu di 10 or pa 12’or bin bek bin train Olympic-dams di 4 or pa 6 or di atardi. E promé hende ku tabata yega vèlt tabata Niels mes i e tabata masha pisa ora hungadónan yega lat. Konsekuentemente training tabata kuminsá presis na tempu. Bou di liderazgo di Niels, for di promé salida i durante di 5 aña konsekutivo, Sithoc damas a titulá kampion den ramo femenino i mayoria biaha Olympic tabata sigui komo sub-kampion. Den añanan 70/80 Niels a funshoná komo entrenadó i coach prinsipal di selekshon di Korsou i di Antia na e.o weganan di reino na Sürnam i Ulanda,weganan Sentro Amerikano i di Caribe na Salbador , Colombia i Panamá (Aunke el train e tim ku a bai El Salbador e mes no por a kompaña nan pa motibu di luto inesperá den famia ). Na aña ’84 selekshon di damas di Korsou a titulá kampion na Aruba bou di “coaching” prinsipal di Niels asistí pa Cedric Mambre. Na diferente okashon ku tabatin barkunan di Marina merikano di bishita, federashon di Basketbòl tabata forma selekshon pa hunga kontra di e tripulante i Niels tabata keda apuntá komo coach di e selekshon. Niels tabata kere ku deporte na skol den bario ta masha importante pa formashon total di e hóben. Pa asina tene e hóben aktivo i for di tentashon di maldat. Niels tata mantené pa su mes un lista di inventarisashon di tur vèlt den tur bario. Den su tempu liber e tabata kore rònt i kaminda e tabata mira hóben ta hunga básketbòl tabata keda para kantu,opservá nan pa despues yama nan diskutí movidanan aktuashon i aktitut. Despues ku e deporte di basketbòl a kai, algun lider deportivo a lanta Organisashon di basketbòl pa hubentut ‘(ORBAHU)” CSF a apuntá Niels komo miembro di e komishon ku despues mester a formalisá Basketbòl aliento for di fundashon bai Federashon. Den e periodo di transishon di 1996 Niels a forma parti di CUBAFE Niels a sigui diferente kurso di kapasitashon: • Di ‘La Organizacion Deportiva Panamericana; Solidarid Americana “Certificado de Participacion”na sèptèmber 1976. • Di ‘International Olympic Committee”na Mexico City, Sertifikado di Capacitacion”(Novèmber 1976). Niels a risibí siguiente rekonosimentu • Aprel 1971 Skalchi di plata di Olympic- damas • Òktober 1991, Plaka di mérito di komishon Basketbòl Otrabanda • Desèmber 1991, plaka di mérito di CUBAFE • Plaka di mérito di FEBEKO pa su kooperashon duna na Beisbòl di Korsou • Novèmber 2003 Fundashon ku a manehá fasilidatnan di deporte a nombra e Sala Multifunshonal di Deporte na Suffisant na SALA MULTIFUNSHONAL-NIELS LIBERIA
• Ricardo Elhage
  Papiaments Ricardo Elhage Nòmber : Ricardo Elhage Fecha Nasementu : 30 ougùstùs 1931 Lugá : Kòrsou Deporte : deportista/ dirigente Beisbol A drenta salon di fama na 2009 Sr. Ricardo Tabata kasa, den kual matrimonio a nase 7 yu’i. Kuater (4) yu’i muhé i tres (3) yu’i hòmber. Pa algun aña sr. Ricardo Elhage a fungí komo hefe na “Buro Nederlandse Antillen Sportaangelegenheden”. E tabata “Ministro di Edukashon, Deportivo, Kultura i Rekreashon di Antia Hulandes. Sr. Ricardo Elhage, a práktika “Basketbòl i Baseball”. E logro mas grandi deportivo di sr. Ricardo Elhage ta ku e la traha “Tio Daou Ballpark”. Sr. Ricardo Elhage tabata presidente di: NAOC, NABAFE i FEBEKO i tambe miembro di: IBA, ODECABE i COPABE. Aktualmente sr. Ricardo Elhage ta presidente di: Sta. Rosa Indians Baseball Club i Stichting Tio Daou Ballpark Sr. Ricardo Elhage, a haña e siguiente kondekorashonnan: • Ridder in de Orde van de Nederlandse Leeuw • Gouden Medaille Europees Parlement • Orden de Andres Bello Primera Clase • Olympic Order
• Geoffrey Goede
  Papiaments Nòmber : Geoffrey Alan Goede Fecha Nasementu : 7 aprel 1941 Lugá : Kòrsou Deporte : Vòlibòl Deportista/Árbitro/Dirigente A drenta salon di fama na 1997 Geoffrey tin un trayektoria largu den Vòlibòl i ta envolví den práktikamente tur loke a pasa den vòli for di komienso di e deporte aki. Geoffrey tabata interesá den tur aspekto di Vòli i a destaká tambe den tur, pues tantu komo hungadó di Selekshon, Árbitro Internashonal, Entrenadó i Dirigente Atministrativo lokal i Internashonal. Geoffrey a inisiá su karera den Lucky Masters ku 16 aña na 1957. El a forma parti di selekshon for di 1959 te ku 1972 i a partisipá na práktikamente tur torneo- i kampionatonan Internashonal durante di e periodo aki. Komo hungadó el a partisipá na Weganan Sentro Amerikano i di Karibe na añanan 1966 i 1970. Komo Árbitro Geoffrey a logra su diploma na 1961 i na 1973 a slag pa “Kandidato Árbitro Internashonal” na Bucaramanga-Colombia. Na 1976 Geoffrey ta bira e promé Árbitro Internashonal di Kòrsou i di Antia Hulandes . Geoffrey ta e úniko Árbitro di Kòrsou ku a “flùit” na Weganan Bolivariano na Barquisimento-Venezuela na 1981. Komo Árbitro Internashonal Geoffrey a partisipá na kampionato di NORCECA na 1977 na Sto. Domingo i na e Weganan Sentro Amerikano i di Karibe na Santiago-Cuba na 1982. Aki e tabatin un aktuashon destaká i a wòrdu apuntá pa “flùit” e wega final maskulino entre Cuba i Mexico. Pa mas ku 20 aña largu Geoffrey a funshoná komo entrenadó di vários klup e.o. Lucky Masters, Electronics, Toyoya, L&M. Olympic (Dama i Kabayero) i a yuda vários ekipo mas den nan preparashon tékniko. Na 1975 Geoffrey ta haña su diploma di “Kantidaat Oefenmeester” na Ulanda. Geoffrey a funshoná komo lider di vários kurso pa entrenadó i árbitro di Vòli na Kòrsou. Komo Dirigente di Vòli Geoffrey tabata Presidente di Lucky Masters pa mas ku 16 aña . Na 3 okashon e tabata miembro di Direktiva di CUVOBO/FEVOKO(Federashon Vòlibòl Kòrsou) ( 1963 – 1964: 1974 – 1976: 1981-1984) di kual e último dos periodonan el a okupá e puesto di Presidente. Di 1981-1983 i di 1998 pa 2002 e tabata den direktiva di NAVOBO (Federashon di Vòli di Antia Hulandes) i na 2001 e tabata den direktiva di CAZOVA (Federashon di Vòlibòl di Karibe). Geoffrey tabata kofundador di Vòlibòl Hubenil na 1979 i Presidente di Komishon Vòlibòl na 1979 i 1980. Pa vários aña e tabata miembro di e komishon di Vòlibòl Eskolar. Durante Presidensha di Geoffrey Vòlibòl a konosé su añanan mas eksitoso. Tambe Geoffrey tabata dosente di Kursonan di A.B.O. i bestuurskader. Tambe el a funshoná un periodo korto den Direktiva di Komité Olímpiko di Antia Hulandes i for di 1982 te 1999 e tabata miembro di direktiva di C.S.F. Geoffrey na varios okashon tabata miembro di komishonnan ku tabata traha riba sistemanan pa maneho di deporte di Kòrsou. Huntu ku Frank Mathilda e a traha e base pa Nochi di Premiashon di CSF. Den Vòlibòl e tabata presidente di e komishon Organisadó di selebrashon di e di 8 lustro di FeVoKo i na vários okashon el a presidí komishonnan Vòlibòlistanan. Pa hopi aña Geoffrey tabata miembro di Stichting Sporttereinen Brievengat (SDK). Geoffrey a bira Miembro di Honor di Federashon Vòlibòl Kòrsou, FEVOKO, na 1995 Na 1997 Geoffrey a ser instalá komo Miembro di Salon di Fama di CSF i na mart 2002 el a ser kondekorá komo Ridder in orde van Oranje Nassau. Dia 28 di mei 2012 Geoffrey a lansa su website “HISTORIA DI VÒLIBÒL” i opsekiá esaki komo su regalo na Mundu di Vòlibòl i di deporte en general. Geoffrey ta konsiderá esaki e regalo di mas grandi ku e por a duna su deporte favorito VÒLIBÒL.
• Wilhelm Canword
  Papiaments Nòmber : Wilhem Rudolph Canword Fecha Nasementu: 11 yüli 1932 Lugá : Deporte : Futbòl Deportista/Dirigente/Tékniko Fayesé : Q.e.p.d. A drenta salon di fama na 1997 Na aña 1947 Wilhem Canword a kuminsá su karera deportivo. Na edat di 14 aña e ta debutá den e tim hubenil di S.U.B.T. Presidí pa sr. Antoine Maduro Q.e.p.d. Pa motibu ku S.U.B.T. Junior tabata falta hungadó den defensa, Wilhem ta kambia di posishon di “rechtsbuiten” pa esun di “full back” posishon ku el a mantené te na final di su karera komo futbolista ku a terminá na aña 1962. Ya na 1948 Wilhem, komo hungadó “reserve ” ta bira Kampion di Kòrsou ku e promé onsena di S.U.B.T. pa asina inisiá un karera briante komo futbolista. Na 1995 Wilhem ta forma parti di e selekshon di Antia ku a partisipá na e Weganan Olímpiko di Helsinki-Finlandia. Durante su karera, Wilhem a sali na 4 okashon futbolista di aña i su ekipo S.U.B.T. a establesé un rekòrt di gana 6 kampionato invikto, sin pèrdè un partido ni lokal ni internashonal. Wihelm a establesé un rekòrt di anotá 16 gol den partido den kual S.U.B.T. a derotá e ekipo di Jong Curaçao ku skor di 32-0. Na 1959 Wilhem ta risibí un oferta i ta bai hunga futbòl profeshonal ku e ekipo N.E.C. na Ulanda te ku 1962, aña ku e ta retirá komo futbolista aktivo i ta kuminsá un karera komo entrenadó, despues di a sigui kursonan di entrenadó na Zeist i a optené e diplomanan di Entrenadó di Futbòl E i D.Wilhem a kuminsá entrená e ekipo di S.U.B.T. pa despues bai traha ku e ekipo di Scherpenheuvel.Di 1964 te 1969 Wilhem a konkista e titulo di kampion di Korsou 3 biaha i e titulo di kampion di Antia 2 biaha ku e ekipo di Scherpenheuvel. Na 1970 Wilhem ta keda asigná Entrenadó di e Selekshon di Futbòl di Antia y ta logra Medaya di Oro den un kampeonato Internashonal na Barbados. Na 1974 Wilhem ta bolbe komo Direktor Tékniko di S.U.B.T. i ta kontinuá ku un karera den e époka de “Fedeprof” den kual S.U.B.T. ta logra sea e titulo Kampion o Sub-Kampion.Den e temporada aki Wilhem a logra e titulo Kampionil ku S.U.B.T. durante di 5 aña sigui. Na Trinidad Wilhem ta risibí su Diploma di “Entrenadó di Futbòl di F.I.F.A”. Na Brazil Wilhem ta risibí su Diploma di “Entrenadó di Futbòl Profeshonal Mundial” i un Karnèt ku ta inkorpor’é den e “Sindikato di Entrenador-Atletanan di Estado di Rio di Janeiro-Brasil”.a aña 1975 Wilhem a wòrdu kondekorá pa Su Mahestat la Reina Juliana ku Medaya di Oro den Órden di Orange Nassau
• Ramoldo Martis
  Papiaments Romoldo Cristino Martis Nòmber : Romoldo Cristino Martis Fecha Nasementu : 31 mei 1945 Lugá : Kòrsou Deporte : Sòftbòl A drenta salon di fama na 1997 Na aña 1960 Romoldo Martis na edat di 15 aña a kuminsá práktika e ramo di deporte di sòftbòl ku su amigunan.Na 1991 e ta bira kofundador di e klup di sòftbòl Sta. Rosa White Sox/Presto Light Na 1962 e klup ta partisipá pa promé biaha na kampionato ofisial di sòftbòl. Den su promé aña Romoldo a kuminsá hunga n’e posishon di 2da base y shortstop i despues a bira Apicher kual posishon el okupá durante 20 aña largu. Komo picher el a logra tur su éksitonan tantu riba nivel lokal komo internashonal. Su promé kontakto ku picheo tabata na aña 1966 ku na Venezuela e Gerente General di Banko Metroplolitano, Señor Molina siñ’é algu di picheo na momento ku su ekipo Sta. Rosa White Sox/Cockspur tabata di bishita na e pais aki pa realisá algun wega amistoso. Despues di su regreso na Kòrsou, Romoldo a sigui desaroyá riba su mes y ku boluntat y dedikashon e la bira un di nos mehor pichernan di sòftbòl maskulino ku a haña rekonosimentu tantu lokal komo internashonal. Durante su karera komo picher, Romoldo a logra hiba su klup na e titulo kampionil, tantu di Kòrsou komo di Antia y na nivel internashonal Romoldo a logra gana 3 medaya : 2 di Oro y 1 di Plata. Na 1978 na Medellin-Colombia, tabata Romoldo su labor ku a pone ku Antia a gana Medaya di Oro den e Weganan Sentro Amerikano y di Karibe. Na 1983 na Cartegena-Colombia, Romoldo a pone ku Antias ta gana Medaya di Plata den Kampionato Panamerikano di Sòftbòl. Na aña 1987 Romoldo ta retirá komo hungadó aktivo y ta bai dediká su tempu na trabou di instruktor di picheo. Den e funshon aki el kompaña diferente selekshon Antiano na kompetensianan Internashonal. Tambe Romoldo a duna klínika di Picheo riba solisitut di e Konfederashon Sentro Amerikano i di Karibe di Sòftbòl na diferente pais, e.o. Repúblika Dominikana, Cuba, Hondúras, Costa Rica y Boneiru. E satisfakshon di mas grandi pa Romoldo ta ku e ta wòrdu rekonosé komo un Instruktor di Picheo di Sòftbòl di alto nivel. Esaki ta wòrdu manifestá públikamente pa e Ex-Presidente di e Federashon di Sòftbòl di Sto. Domingo, Señor Freddy Vallego despues ku e ekipo maskulino di Sto. Domingo a bira kampion den e Kampionato Sentro Amerikano i di Karibe ku a tuma lugá na 1983 na Cartagena – Colombia.
• Jan Boutmy
  Papiaments Nòmber : Jan Adolf Boutmy Fecha Nasementu : 10 desèmber 1930 Lugá : Ulanda Deporte : Esgrima A drenta salon di fama na 1995 Tabata na aña 1946 ku Jan a kuminsá dediká su mes ku seriedat na e ramo di deporte di esgrima . Su promé representashon pa Kòrsou tabata na aña 1948 na Aruba. Na 1949 den un torneo na Guatemala, Jan a gana su promé Medaya di Oro den kompetensha di Sabel. Den e Weganan Sentro Amerikano i di Karibe di 1970, Jan a gana un total di 8 Medaya (4 Oro i 1 Plata i 3 bròns). Riba tereno nashonal Jan a gana 22 titulo den añanan 1951 pa 1974. Komo esgrimista Jan a kompetí den e siguiente paisnan: Cuba; Guatemala; Venezuela; Mexico; U.S.A; Brasil;Colombia; Canada;Puerto Rico; Japon; Fransia; Jamaica; i Panamá. Riba nivel atministrativo Jan tabata kofundador di De Musketiers na Kòrsou i Beau Geste na Aruba na 1950 . Na aña 1969 Jan tabata kofundador di Curacaose Scherm Bond i Arubaanse Scherm Bond i a fungi komo Presidente di Curaçaose Scherm Bond durante añanan 1985 i 1986. Jan a okupá e puesto di Presidente di Nederlands Antilliaanse Scherm Bond for di 1978 te ku 1986. Tambe e tabata Vise-Presidente di Union de Esgrima Centro Americano i del Caribe for di 1983 te ku 1991. Jan a bira Rèfri Internashonal den e Weganan Pan-Amerikano ku a tuma lugá na Chicago na aña 1959. Den su kalidat di Rèfri, Jan a bishita e.o: U.S.A.; Venezuela; Puerto Rico; Mexico; Colombia; Alemania,; Ulanda i Guadaloupe. Jan a keda inkorporá den Direkshon Tékniko di Weganan Regional i Mundial for di 1972 te ku 1991. Jan a fungi komo Ofishal di e Weganan Pan-Amerikano na Mexico; na San Juan- Puerto Rico; na Caracas-Venezuela; na Indianapolis -U.S.A i na Habana- Cuba. Tambe Jan a fungi komo Ofishal den e Weganan Olímpiko di Munchen i di Los Angeles. Na 1993 Jan a keda eligí komo DEPORTISTA DI AÑA di Kòrsou. Kada 4 aña e weganan ta kai bou di IOC * Weganan Bolivariano * Weganan Centro Amerika * weganan Panamerikano * Weganan Olimpiko * Kampeonatonan ta kai bou di Federashon Lokal i Intenrashonal esaki ta tuma lugá tur aña. Jan Boutmy a diferente weganan internashonal Bolivariano Games: 1973 Panama ,Panama – Representá FIE (International Fencing Federation). 1989 Maracaibo, Venezuela – Direktor Tékniko Weganan Na Sentro Amerikano VIII 1959 Caracas, Venezuela – Competitor IX 1962 Kingston,Jamaica – Competitor X 1966 San Juan, Puerto – Competitor XI 1970 Panama,Panama – Competitor XII 1974 Mexico,Mexico – President of the Jury XIII 1978 Medellin, Colombia – President of The Jury XIV 1982 Havana, Cuba – D.T. (Directory Technique) XV 1986 Havana, Cuba – D.T. (for the first timethe venue was shared (Dominican Republic) The fencing event tookplace in Cuba. XVIII 1998 Maracaibo,Venezuela – President of the Jury XXI 2010 Mayaquez, Puerto Rico – Member of Pan AmericanOlympians Pan American Games II 1969 Chicago,U.S.A. – Competitor IV 1963 Sao Paulo, Brasil – Competitor V 1967 Winnipeg, Canada – Competitor VI 1971 Cali, Columbia – Competitor VII 1975 Mexico,Mexico – President of the Jury VII 1979 San Juan Puerto Rico – President of the Jury IX 1983 Caracas,Venezuela – President of the Jury X 1987 Indianapolis, U.S.A – President of the Jury XI 1991 Havana, Cuba – President of the Jury XIV 2001 Dominican,Republic – Formation of the Olympians Associations N.A. Olympic Games: XVII 1964 Tokyo,Japan – Competitor XIX 1968 Mexico,Mexico – Competitor XX 1972 Munich, Germany – President of the Jury XXIII 1984 Los Angeles,U.S.A – President of the Jury XXIV 1988 Seoul, South Korea – Fencing Coach for Aruba XXV 1992 Barcelona.Spain – Invited Guest XXVI 1996 Atlanta U.S.A – Director Fencing Info Desk XXVIII 2004 Athens, Greece – Official XXIX 2008 Beijing, China – Official XXX 2012 London Great Britain ??
• Eduardo Ravenstein
  Papiaments Nòmber : Edgardo “Dito” Jose Ravenstein Fecha Nasementu : 27 ougùstùs 1949 Lugá : Kòrsou Deporte : Vòlibòl A drenta salon di fama na 1995 Na aña 1963 Edgardo (Dito) Ravenstein na edat di 14 aña a kuminsá su karera den e ramo di deporte di Vòlibòl den e ekipo di Nevada ku despues a bira Wescar. Na aña 1965 na edat di 16 aña Dito a keda selekshoná pa hunga pa e ekipo nashonal di Vòli di Kòrsou i di Antia Ulandes i a partisipá den kalidat di hungadó den tur Kampeonato Internashonal i na Weganan Regional te na aña 1981 ora ku e mester a retirá forsosamente pa motibu di leshon. Dito a partisipá den e selekshon di Vòli di Antia Ulandes den 4 di e Weganan Sentro Amerikano i di Karibe, organisá den añanan 1966-1970-1974 i 1978. Tambe Dito a partisipá den 2 kampeonato di Vòlibòl organisá pa NORSECA pa añanan 1977 i 1981. Na 1971 Dito a keda kontratá pa hunga vòli “semi-profesional” na Puerto Rico den e ekipo di Caguas. Despues di a regresá for di Puerto Rico, Dito a pasa pa e ekipo Kampeon di Sithoc, pa kual ekipo el a keda hunga te ku e fecha ku leshon a pone un fin na su briante karera di vòli. Dito a hunga vòli na e siguiente paisnan: Puerto Rico, Panamá, Sürnam, Colombia, Mexico,, Santo Domingo ,U.S.A. i Aruba. Dito tabata un tremendo hungadó durante hinter su karera ku un karakter i komportashon ehemplar tantu riba komo pafó di tereno di wega. Durante vários años Dito a fungi komo rèfri i tambe komo entrenadó di vòli den e ekipo femenino di Wescar. Na 1965 a risibí e alto distinshon, ora el a keda nombra komo MIEMBRO DI HONOR di Federashon di Vòlibòl Kòrsou.
• Randy Wiel
  Papiaments Nòmber : Urnic Renfred “Randy” Wiel Fecha Nasementu : 21 aprel 1951 Lugá : Kòrsou Deporte : Basketbòl A drenta salon di fama na 1995 Randy Wiel su logronan deportivo 1964-1967 Kampeon di natashon schoolslag 100 y 200 meter komo miembro di zwemvereniging Sithoc bou di direkshon di Benny Leito 1967-1970 Kampeon di 100 200 meter den Atletismo komo miembro di Atletiek-vereniging Olympic bou di direkshon di Wendell Prince y Anthony Minguel. 1968 Medaya di oro 100 y 200 meter den Koninkrijksspelen (tene na Paramaribo ) 1968-1970 Kampeon di 100 y 200 meter sprint komo miembro di P.S.V (Politie Sport Vereniging) den Kuerpo Polisial. 1968-69-70 Kampeon di Korsou den Basketbal komo miembro di e team Olympic (St Thomas College) 1971-1973 Kampeon di Aruba den Basketbal komo miembro di e team RITZ 1972 Atleta di aña Na Aruba 1973-1974 Miembro di Basketbal team Beverly Hills den Liga profesional di Caracas Venezuela. 1975-1979 Basketbal i Atletiek na Universidat di North Carolina, saliendo 4 times ACC Champions y 2x Finals di NCAA. 1979-1985 Basketbal profeshonal Amstelveen (Kinzo) y Leiden (Elmex) na Hulanda. 1985-1993 Asistènt Basketbal coach wth Dean Smith at the University of North Carolina. 1993 National NCAA Champion with the University of North Carolina. 1991-1992 Dutch Olympic coach for the summer Olympics in Barcelona 1993- Head coach at Univ of North Carolina in Asheville N.C 1996 Coach of the year in the Big South Conference 1996 2001 Named Head Coach for Middle Tennessee State University 2004-2009 Named Head Basketball Coach for Eiffeltowers in Holland 2005-2006 Nederlands Kampeon met Eiffeltowers, Den Bosch 2007 Inducted in the Dutch Basketball Hall of fame as the only person to win the tournament as a Player in 1982 and as a Coach in 2006 2007 Champions of the Nederlandse beker (Dutch up finals) 2007 Nederlands kampioen met Eiffeltowers Den Bosch voor de tweede keer. 2009 To present Named headcoach for Rotterdam Basketball
• Edmundo Eustaquio Confesor
  Papiaments Nòmber : Edmundo Eustaquio Confesor Fecha Nasementu: 12 desèmber 1922 Lugá : Kòrsou Deporte : Futbòl Fayesé : Q.e.p.d. Deportista/Dirigente Tékniko A drenta salon di fama na 1994 Edmundo Eustaquio Confesor mihó konosí komo “SOL” su karera futbolístiko na skol bou di guia di Frater Fidelius. Na aña 1941 el a forma parti di e Selekshon di Antia ku a partisipá den e Weganan Sentro Amerikano i di Karibe na Costa Rica. Sol a fungi komo Direktor Tékniko di e Selekshon di futbòl di Antia ku a gana Medaya di Oro den e Weganan Sentro Amerikano i di Karibe na Jamaica. Na 1962 Confesor ta haña e oferta pa fungi komo Entrenadó di futbòl di Cuba i di Puerto Rico. Sol a skohe pa Puerto Rico ku a presentá ku un oferta mas akseptabel. Durante di 10 aña Confesor a yuda pa drecha e futbòl di Boneiru ku a yega na un nivel bastante alto i a logra un empate ku e Selekshon di Kòrsou den un torneo eliminatorio. Na 1978 Sol a dirigí Selekshon Hubenil den e Weganan di Reino i a logra Medaya di Oro. Na 1989 el a dirigí e selekshon Antiano di futbòl den Pre-Mundial. Tambe Sol a funshoná komo Komentarista Deportivo tantu na Z-86 komo na Radio Caribe for di 1976 te ku 1985. Distinshon risibí: – “Medaya di Oro Den Orden Di Oranje Nassau” – Plaka di mérito otorgá pa Gobièrnu di Kòrsou – C.S.F. AWARD pa su dedikashon pa mas di 25 añasirbiendo deporte. – Plaka di mérito otorgá pa Radio Hoyer.
• Rafael Jozefa
  Papiaments Nòmber : Rafaël Fernando ”Raffy” Jozefa Fecha Nasementu : 1 mart 1950 Lugá : Aruba Deporte : Beisbòl A drenta salon di fama na 1994 Rafael Fernando Jozefa mihó konosí komo Raffy Jozefa a kuminsá su karera di beisbòl na Aruba den Little League di U.S. Keds. Na aña 1967 el a subi pa Beisbòl Klase AA hungando pa e ekipo di Heineken di Aruba. Su Promé aktuashon den representashon di Antia tabata na aña 1968 na Hulanda i Italia. Na 1979 Raffy ta logra su promé tripel korona ku BBC Royal Skorpions. Kampeon di Kòrsou i Antia. Den e aña ei Raffy ta kibra su mes record di homerun ku 16. Den 19 temporada di beisbòl na Kòrsou Raffy a sali Lider di bateo ( 9 biaha) Lider den homerun (8 biaha) Lider den kareda empuhá (11 biaha) Raffy a forma parti di e Selekshon di Aruba for di 1967 te ku 1969. Di esun di Kòrsou for di 1970 te ku 1988 i pa e selekshon di Antia Raffy a hunga for di 1967 te ku 1988. Na Aruba na aña 1970 Raffy a wòrdu Selekshoná tantu pa forma parti di Selekshon di Beisbòl komo esun di vòlibòl. Finalmente el a opta pa keda ku beisbòl. Distinshon risibí: _ Plaka di mérito otorgá pa FEBEKO _ Plaka di mérito otorgá pa Z-86 _ Plaka di mérito otorgá pa Radio Hoyer _ Plaka di mérito otorgá pa BBC Sta .Rosa Indians _ Plaka di mérito otorgá pa BBC Wild Cats _ Plaka di mérito otorgá pa Royal Scorpions
• Henry Prince
  Papiaments Nòmber : Henry Prince Fecha Nasementu : 16 òktober 1920 Lugá : Kòrsou Deporte : Atletismo Deportista/Dirigente Atministrativo A drenta salon di fama na aña 1994. Sr. Henry Prince den su hubentut a praktiká e ramo di deporte di atletismo i su espesialidat tabata Salto Largu. Henry a kuminsá su karera komo Dirigente Deportivo for di 1948, tempu ku el a keda inkorporá den Direktiva di Asosiashon di Atletismo di Antia Ulandes. Na aña 1952 Henry Prince a keda eligí den direktiva di federashon Antiano pa Edukashon Físika (N.A.B.L.O.) ku despues a bira Komité Olímpiko di Antia Ulandes (N.A.O.C.). Sr. Prince tabata Kofundador i Presidente di Curacaose Schiet Bond. Na 1981 Sr. Prince a asumí e puesto di Presidente di Komité Olímpiko di Antia Ulandes, posishon ku el okupá te na aña 1993. Na 1981 Henry a keda eligí komo tesorero di e organisashon Deportivo di Weganan Sentro- Amerikano i di Karibe (ODECABE), puesto ku e ta okupá te ku e fecha di awe. DISTINSHON RISIBI: • “OFFICIER IN DE ORDE VAN ORANGE NASSAU” • “OORLOGS HERINNERINGS KRUIS” • “C.S.F. -AWARD” pa su dedikashon pa mas ku 25 aña sirbiendo deporte.
• Jose Maria Mathilda
  Papiaments Nòmber : Jose Maria “Jo” Mathilda Fecha Nasementu : 28 òktober 1921 Lugá : Kòrsou Deporte : Futbòl Deportista /Dirigente Atministrativo A drenta salon di fama 1992 Jose Maria Mathilda mihó konosí komo Djo Mathilda tata natural di 3 yu’i (1 yui Hòmber in 2 yu’i muhé. Tata deportivo di mas ku 6000 hóben di Santa Maria su bario stima. “Ku awendia ta konsistí di hendenan di rònt Korsou ku a bin biba den e bario ku a krese masha tantu mes, manera e’la splika .Un siudadano ku rèspèt pa tur hende. Rèspèt pa grandi i chikí. Komo rekonosimentu pa su gran trabou su Mahestat La Reina a kondekor’é ku medaya di oro den Orde di Oranje na 1972.Pa su dedikashon na deporte di Futbol i hubentut di Korsou en general i komo miembro di direktiva di “Curacaose Voetbalbond” CVB en partikular, na 1967 a nombre’ Miembro di Honor di CVB. Esakinan ta dos rekonosementu di mérito for di un lista di mas ku 12 i ademas vários plaka di honor otorgá na e gran yu tera aki. Ku meresidamente a haña su lugá tambe den salon di fama di CSF (Curacaose Sport Federatie). Ku orguyo e mes ta konta ku e la a nase, lanta i semper a biba den Santa Maria.”Trahando pa Formashon di Hubentut di Santa Maria, mi a traha pa hubentut di henter Korsou. Dedikando tempu na Hubentut, mi a yuda forma esnan ku a bin karga responsabilidat despues. I esei mi ta hasi te ainda, pero na otro manera “. Na 1937 un chabalitu di apénas 13 aña, ku su amiguitunan, a lanta un di Futbol den Santa Maria. Un Santa Maria muchu mas chikitu ku awendia. E hobensitu di e tempu ei, “Jo Mathilda” tabata kòrda ku e fecha kla te dia djawe: 11 yanüari 1937. E klup su nòmber DTS, Door Trainen Sterk’. Nan a afiliá mesora na CVB i a kuminsá hunga den Kompetitie . E hobensitu “Jo Mathilda” a bira miembro di direktiva i asta Presidente di DTS ora e tabatin apénas 15 aña di edat . Tabata un smak pa mira un presidente hobensitu na karson kòrtiku ta dirigí reunion di miembronan di direktiva di basta mas edat kuné. Anto na òrdu. “Pero tabatin rèspèt” Tabata tempu di guera i e hóbennan mester a bai den “dienst”. “Hungadónan di DST no tabata haña ferlòf di nan superiornan pa partisipá na weganan di kampeonato . E superiornan tabata di otro ekipo (SUBT). Resultado: DST a Sali for di CVB (bònt) legumai kompetitie” i disidí di sigui hunga bala djis pa smak. 20 yüni 1948 e hóbennan di DST huntu ku hungadónan di VELOX (pa Velosidat) di Mahuma a Sali riba baiskel pa Westpunt un djasabra mèrdia Aya nan a drumi na playa pa lanta su manisé bon tempran bai Wacawa ku baiskel, topa un guia ku a subi Seri Jose Maria Mathilda mihó konosí komo Djo Mathilda tata natural di 3 yu’i (1 yu’i Hòmber in 2 yu’i muhé. Tata deportivo di mas ku 6000 hóben di Santa Maria su bario stima. “Ku awendia ta konsistí di hendenan di rònt Korsou ku a bin biba den e bario ku a krese masha tantu mes, manera ela splikabo siudadano ku rèspèt pa tur hende. Rèspèt pa grandi i chikí. Komo rekonisimentu pa su gran trabou su Mahestat La Reina a kondekor’é ku medaya di oro den Orde di Oranje na 1972.Pa su dedikashon na deporte di Futbol i hubentut di Korsou en general i komo miembro di direktiva di “Curacaose Voetbalbond” CVB en partikular, na 1967 a nombr’é’ Miembro di Honor di CVB. Esakinan ta dos rekonosementu di mérito for di un lista di mas ku 12 i ademas vários plaka di honor otorgá na e gran yu tera aki. Ku meresidamente a haña su lugá tambe den salon di fama di CSF (Curacaose Spòrt Federatie). SU DESEO DI MAS GRANDI – Mas koperashon ku nos hóbennan: Di komersio por ehèmpel. Tin ku ta yuda, pero por mihó Yuda nos hóbennan. Si no hasi algu pa nan, kiko lo para di nan aki poko dia? Yuda nos lidernan ku ta pone nan mes disponibel pa yuda nos hubentut. Mas lider ku smak pa dediká na nos hubentut. Gobièrnu so no por hasi tur kos. Nos tur mester duna un man. Laga kada ken yuda kaminda i manera e por. Kumpli ke debernan di klup manera por ehèmpel pagamentu di kontribushon. Rekonosé esfuerso i trabou di oro. Duna Cesar loke ta di Cesar i koperá na bienestar di nos pais. Tambe e ta fundadó i Promé Presidente di e klup di futbòl VESTA. VESTA (Vriendschap Eendracht Sterken Tegen Alles) tabata e di 13 klup di Futbol ku a lanta den Sta. Maria entre yanüari 1937 i yanüari 1948. Tur klup tabata lanta kibra . P’esei e hóben fundadonan riba seri’ Kristof a hasi un promesa solem pa lucha ku alma i kurpa pa keda huntu i mustra ku V.E.S.T.A. a bini pa keda. I nan a kumpli ku Jose Mathilda na kabes 45 aña largu ela dirigí V.E.S.T.A. òf pa ripití su palabranan. “Jo Mathilda a sirbi su klup komo presidente. Komo lider konsiente , dia el a pasa presidensia pa Sr. Millis M.A. Prens,i pa sigurá kontinuidat den direktiva, el a a aseptá puesto di promé sekretario. Un dirigente ku tabata hasi tur kos pa su klup. No effort too big, no job too small” Tur kos e tabata hasi . Skirbi karta , tene lugá na ordu, kumpli ku mil i un detaye pa V.E.S.T.A. , anto ainda sobra tempu pa O.R.F.I.C. (durante 50 aña) CVB 1959-1967). Ademas e ta un di e mihó futbolistanan ku Sta. Maria a konosé entre 1937 i 1960. Djo Mathilda a forma parti di e selekshon di futbòl di Kòrsou ku a gana medaya di bròns den e di V weganan Sentro Amerikano i di Karibe di Barranquilla Colombia, na aña 1946. Tambe el a forma parti di e selekshon di futbòl di Kòrsou ku a partisipá den e di VIII kampeonato Sentro Amerikano i di Karibe ku a tuma lugá na Kòrsou na aña 1957. Riba nivel internashonal Djo Mathilda a representá CVB komo delegado den e dos Kampeonato Norte, Sentro Amerikano i di Karibe di futbòl ku a tuma lugá na 1965 na Guatemala. Su satisfakshon di mas grandi? “..ku 99% di e hóbennan ku a pasa den mi man awe ta hende disiplina. Ounke mi a ta severo ku nan, nan ta apresiá . Nan ta blo puntra si mi ta bini bek Mi ta bisa No! Boso tin un bon direktiva. Mi por pasa keiru kuminda. Si mester di konseho mi t’ei. Pero pa traha manera ántes No! Awor ta tempu pa otronan sigui. Mi ta kontentu di por a traha pa mi bario Santa Maria. Asina mi a traha pa mi isla Korsou tambe! Mi ta kontentu di or a traha pa hubentut. Asina mi por a kontribuí na eduká nos futuro generashon. Distinshon risibí: _ Miembro honorario di Curaçaose Voetbal Bònt _ “Medaya di Oro Den Orde di Oranje Nassau”. _ C.S.F. AWARD pa su dedikashon di mas ku 25 aña sirbiendo deporte. _ Presidente Honorario di S.V. VESTA _ Plaka “Mihó Lider di aña 1989 “otorgá pa ORFIK. ku nan I te na laira aya ku salida di solo den bunita naturalesa di nos isla nan ta yam’é Vesta. Djo Mathilda a forma parti di e selekshon di futbòl di Kòrsou ku a gana medaya di bròns den e di V weganan Sentro Amerikano i di Karibe di Barranquilla Colombia, na aña 1946. Tambe el a forma parti di e selekshon di futbòl di Kòrsou ku a partisipá den e di VIII kampeonato Sentro Amerikano i di Karibe ku a tuma lugá na Kòrsou na aña 1957. Riba nivel internashonal Djo Mathilda a representá CVB komo delegado den e dos Kampeonato Norte, Sentro Amerikano i di Karibe di futbòl ku a tuma lugá na 1965 na Guatemala.
• Marcel Jose Betrian
  Papiaments Naam: Marcel Jose Betrian Geboortedatum: 26 april 1928 Locatie: Curaçao Sport: Gewichtheffen, Atleet/Technisch Manager Hij werd in 1992 opgenomen in de Fame Hall of Fame. Marcel Jose Betrian begon op 16-jarige leeftijd met gewichtheffen. Hij is medeoprichter van de Curaçaose en Antilliaanse Gewichthefbonden. Bij verschillende kampioenschappen, de Centraal-Amerikaanse en Caribische Pan-Amerikaanse en Wereldkampioenschappen, was Marcel coach van de Antilliaanse delegatie en internationaal scheidsrechter. Marcel was 8 jaar lid van de raad van bestuur van het Antilliaans Olympisch Comité. Als coach van het nationale team van Curaçao en de Antillen heeft Marcel verschillende kampioenen voortgebracht, zowel op lokaal niveau, Antilliaans, Midden-Amerikaans en Caribisch, Pan-Amerikaans en een wereldrecord in de pers, gevestigd door Jossy Flores in São Paulo-Brazilië in 1963. Vorig jaar werd Marcel 42 jaar actief in de sport. Bezette functies: – Coach van Curaçao en de Antillen van 1974 tot 1975 – Lid van de Technische Commissie van de American Caribbean Center Decoration van Gewichtheffen van 1959 tot 1974. – Coach van het Nederlandse Gewichthefteam van 1977 tot 1983. – Lid van de Technische Commissie van de Nederlandse Gewichthefbond van Gewichtheffen van 1977 tot 1983. – Lid van de Regelcommissie van de Nederlandse Gewichthefbond van 1977-1983.
• Enith Brigitha
  Nòmber : Enith Brigitha Fecha Nasementu : 15 aprel 1955 Lugá : Kòrsou Deporte : Natashon A drenta salon di fama na 1992 Enith Brigitha na edat di 9 aña a kuminsá práktika e ramo di deporte landamentu. Na edat di 12 aña el a representá Kòrsou ku éksito den kompetensha di landamentu den Weganan di Reino, konkistando medaya di plata.. Ku su 15 aña Enith ta gana medaya di oro pa Kòrsou den Weganan di Reino di 1970. Na 1971 Enith ta gana su promé medaya di oro pa Ulanda den kompetensha entre Ulanda i Alemania na Keulen-Alemania. Den klasifikashon final di e di XX Weganan Olímpiko di 1973 na Münich, Alemania Enith ta figura entre e 8 mihó landadónan femenino di mundu. Enith a gana 2 medaya di plata i 2 di bròns pa Ulanda den e promé Kampeonato Mundial di landamentu di 1973 na Bélgrado-Checoslvakia. Den e XXI Weganan Olímpiko di 1976 na Montreal-Canada, Entih a kompetí pa Ulanda, ganando 2 medaya di bròns. Distinshon risibí: _ Deportista Femenino di aña 1973 nombrá pa Asosiashon di Kronistanan Deportivo di Ulanda. _ Deportista Femenino di aña 1975 nombrá pa Asosiashon di kronistanan Deportivo di Ulanda. _ Miembro honorario di Nederlandse Zwembond _ Miembro honorario di klup di landamentu “Het IJ” _ “Ridder Den Orden Di Oranje Nassau”
• Pedro Odulio Willems
  Nòmber : Pedro Odulio Willems Fecha Nasementu : 29 aprel 1916 Lugá : Kòrsou Deporte : Futbol (Rèfri di FiFa ) Dirigente Atministrativo Fayesé : 29 novèmber 2002 A drenta Salon Fama na aña 1989 Pedro Odulio Willems , mihó konosí komo Doe Willems a okupá vários puesto den direktiva di Federashon di Futbòl di Kòrsou (C.B.V.) Primeramente e tabata Direktor di kampeonato i luego tesorero di e Federashon. Doe tabata e fundador di e klup”Hercules” den dékada 20. Den kura di misa di Sta. Famia doe huntu ku su amigunan, e.o. Papachi Riguad,Joki van Utrecht Jose Pinedo (ruman di Checu Pinedo) i George Curiel tabata práktika i e pues “Hercules” a bira miembro di CVB. Dia 09-02-1945 Doe a drenta Direktiva di CVB komo miembro di dia 06-12-1945. Doe a bira lider di kampionato i dia 31-01-1946 Doe a bira promé sekretario i lider di kampeonato di CVB. Doe a resultá no solamente un bon tesorero, pero tambe tabata un bon organisadó di e kampeonato sinku esaki tabata pèrdè atrakshon di e públiko i tabata enkargá ku sakamentu tur siman di e órgano ofisial di CVB. Despues di 13 aña den direktiva di CVB, ku fundashon di NAVU dia 05-09-1958. Tambe Doe tabata tesorero di Nederlands Antilliaanse Bond voor Lichamelijke Opvoeding (NABLO) ku despues a splits den N.A.O.C., Stichting Zwembad Curaçao Doe tabata e promé tesorero di Nederlands Antilliaanse Voetbal Unie (N.A.V.U) i tambe tabata forma parti di Direktiva di Stichting Sporttereinen Brievengat. Doe a keda enkargá ku e propiedat ku tabata Stadion Mundu Nobo, Stadion di Rif regalo di Shell Curacao. Di 1979 te ku 1988. Doe tabata sekretario di e fundashon i SporttereinenBrievengat i Suffisant (donashon Shell). Pa tur su trabou dediká na deporte na Korsou . Doe a risibí e kondekorashonnan . DOE WILLEMS Kondekorashon risibí 1963 Miembro Honorario di CVB 1964 Bondsridder di KNVB 1964 Ridder den Orde di Oranje Nassau. 1977 Offisier den Orde Nassau 1988 Miembro Honorario di Navu !989 Miembro Honorario di NAOC Riba nivel Internashonal Doe a okupá e puesto di Tesorero di Confederación Centroamericano y del Caribe de Futbòl (CONCACAF).
• Walter van Rosburg
  <h3> Papiaments </h3> Nòmber : Walter Jose Maria Antonio van Rosberg Fecha Nasementu: 5 òktober 1921 Lugá : Kòrsou Deporte : Futbòl Fayesé : Q.e.p.d. A drenta salon di fama na 1989 Walter Jose Maria van Rosberg, a destaká komo un di nos mehor Rèfrinan di Futbòl i a okupá e puesto di dirigente atministrativo den vários Organisashon Deportivo den nos pais. Den su Hubentut Walter tabata kiper den “Hercules” di 1936 pa 1940 i 1941 pa 1943 Walter tabata kiper di e tim di Schutterman stashoná na Habaai. Na aña 1939 Walter a bira rèfri di CVB i na 1941 el a flùit su promé wega den A-klasse e tempu ei divishon mayó i a kontinuá te na 15-06-69. Dia 6 -12-1945 Walter a bira miembro di Direktiva di CVB. Na aña 1946 Walter a bai Hulanda ku e promé delegashon DI FUTBOL Antiano ku a bishita Hulanda komo kabes(lider) di tal delegashon. Di aña 1946 te 1960 Walter tabata Visepresidente di CVB. Dia 19-01-48 Walter ta bira tambe Visepresidente di Asosiashon di Rèfri di CVB(CVBS). Na aña 1951 Walter a bira Rèfri di FIFA i na 1954 a risibí su FiFA badge. For di aña 1960 te 1971 Walter tabta presidente di CVB. Na aña1962 Walter tabata presidente di CVB. Na 1962 Walter a haña kondekorashon komo in de Orde van Oranje Nassau. Dia 01-03-1968 Sr. van Rosberg a risibí FIFA’s Referee Special Award. Den Reunion General di CVB dia 24-09-1971 Sr. Van Rosberg a bira miembro honorario di CVB. Na 1971 Sr. Van Rosberg a keda nombra tambe komo miembro Honorario di CVBS (Curacaosche Bond Voetbal Scheidsrechter), Curaçaose Voetbal Bònt, Nederlands Antilliaanse Voetbal Unie. Dia 10-09-1972 Sr. Van Rosberg ta keda elihí komo presidente di NAVU na lugá di Sr. M. Maduro. Ku a retirá. Di 1972 te 1986 Sr. van Rosberg tabata tambe visepresidente di NAOC. Dia 18-04-1975 Sr. van Rosberg a risibí un plaka di mérito di Gobièrnu Insular di Korsou. Na aña 1978 Sr. van Rosberg a keda promové komo officier den Orde van Oranje Nassau. Dia 03-02-1985 Sr.van Rosberg a risibí Olympic Order di plata di Komité Olímpiko Internashonal. Dia 10-02-1988 Sr. van Rosberg ta keda kondekorá komo miembro honorario di NAOC i dia 04-11-1988 Sr. van Rosberg ta keda nombra komo miembro honorario di NAVU. Durante e periodo ku Sr. W van Rosberg tabata dirigí wega di Futbol e tabata ser konsiderá komo mihó rèfri ku Korsou tabatin. Walter a sigui un kurso di instruktor di Rèfri na Suisa i komo rèfri e tabata tin vários aktuashon tantu riba nivel lokal komo internashonal. WALTER VAN ROSBERG  Miembro Honorario di Nederlands Antilliaanse Voetbal Unie  Miembro Honorario di Nederlands Antilliaans Olympisch Comite  Olympisch Order in Silver otorgá pa Komité Olímpiko Internashonal.  1978 Officier den ORDE VAN ORANJE NASSAU.  1962 Ridder in de Orde van Oranje Nassau .  01-03-1968 FIFA referee Special Award  Miembro Honor di CVB  24-09-1971 Miembro Honorario di Curaçaose Voetbal Bònt  1971 Presidente di Honor CBVS.  18-04-1975 Plaka Meritorio di Gobiernu di Korsou komo rekonosimentu durante 25 aña na bienestar d i korsou komi dirigente deportivo.  03-02-1984 Olympic Order di Plata  1946-1960 Vise Presidente di CVB  1960 1971 Presidente di CVB  1959-1971 Vise presidente di NAVU  1971 -1988 Presidente di NAVU Despues Walter a okupá e puesto di Vice Presidènt di Nederlands Antilliaans Olympisch Comite i Curaçaose Sport Federatie. Aktualmente Walter ta miembro di Board òf Appeal di F.I.F.A.
• Guillermo Pardo
  Papiaments: Nòmber : Guillermo Crescensio Pardo Fecha Nasementu : 14 sèptèmber 1920 Lugá : Kòrsou Deporte : Futbòl Fayesé : 15 mart 1996 A drenta salon di fama na 1989 Guillermo Cresensio Pardo, mehor konosí komo Guillermito, Guillermito ku su 13 aña a kuminsá hunga futbòl den e ekipo hubenil di RKSV Jong Holland i for di e tempu ei nunka a bandoná fila di e ekipo aki. Ku su 15 aña Guillermito ta pasa pa e promé onsena di e ekipo aki sin ku e tabata tin mester di hunga promé den segundo team manera tabata normal pa e otro hungadónan. E aktuashon sobresaliente di Guillermito den ramo di e deporte aki a pone ku e futbolista aki ku apénas 15 aña ta debutá na 1935 den Selekshon Nashonal di Kòrsou. Debí na su talento, su habilidat den dominio di e bala i su pasonan a la perfekshoná, e futbolista aki ta mantené su posishon den Selekshon Nashonal di Kòrsou te ku aña 1944. Guillermito tabata tin aktuashon ku Selekshon di Kòrsou na Costa Rica i Venezuela. Na tur e dos paísnan aki Guillermito tabata tin un aktuashon sobresaliente i a risibí oferta di kontrakt. Tambe Guillermito a entrená bou di guia di e brasilero Pedro Da Cunha pa despues sirbi komo asistente. Guillermito a bishita Hondúras na 1957 ku Selekshon di Kòrsou den e funshon aki. Sin duda nos mester konsiderá Guillermito Pardo komo un di nos pilarnan grandi den futbòl den tur tempu.
• Guillaume Hamson
  Papiaments: Nòmber : Guillaume Samuel Hamson “Sam Buntin” Fecha Nasementu : 1 òktober 1925 Lugá : Repúblika Dominikana Deporte : Sòftbòl A drenta salon di fama 1987 Sam na edat di 6 aña a muda for di Rep. Dominikana pa Aruba i na 1950 Sam a bini Kòrsou pa traha pa CPIM ku despues a bira SHELL. Su karera deportivo a kuminsá na Aruba na edat di 14 aña tempu ku el a kuminsá bati bala pa algun dama di B.G. ku tabata hunga sòftbòl di rekreashon. Kasi mesun tempu algun amigu na Aruba, Ruben Phillips, Big Jim i Ramon huntu ku Sam a lanta un tim di baseball Baly-Ruth di kual e tabata manager, Baly -Ruth a gana tur wega i kampeonato di nan tèmpo. Na 1950 Sam a bini Kòrsou. Mesora el a buska kontakto ku klupnan lokal i a djòin Unídos, un tim di Penstraat kaminda el a bai biba. Manager di Unídos tabata Aston Gumbs. No a tarda muchu ku Sam a wòrdu nombra manager di Unídos. Unídos no tabata un ekipo fuerte , pero e tabata konosí pa su motivashon. Sam tabata catcher i 4 bate. Den Unídos Sam huntu ku Aston Gums a kuminsá ku Unídos Jr. , un klup ku a produsí hopi super estrea. Di Unídos Sam a kambia pa Bolívar ku despues a bira Amstel pa manager e klup aki. Di Bolívar Sam a sigui pa Victory ku awe ta Royal Scorpions i tambe for di baseball. Sam su karera di Sòftbòl a kuminsá mes momentu ku el a yega Kòrsou na 1950. Huntu ku Aston Gumbs el a kuminsá ku Sòftbòl klup Unídos ku a dura te ku 1957 ora ku Sòftbòl a terminá na Kòrsou pa motibu di pleitu entre un klup i Federashon. Den e tempu ei Sam su estreanan tabata Rubia Hoek, Altagrasia Gittes, Amelia Riem i Ofelina Gumbs ruman di Aston Gumbs. Na 1962 Sam a drenta Sòftbòl atrobe ora ku Celfried Homoet a buska su ayudo pa train un tim di sòftbòl di algun hobensita. For di e momentu ei Sam su kas tabata tereno di sòftbòl. Na 1968 Sam su tim Rising Trotters ta sali sub-kampion i di 1970 te ku 1974 kampeon di Kòrsou. Den mesun tempu nan a sali tambe kampeon di Antia. Riba tereno di aktividat hubenil Sam, huntu ku Juancho Josefina i Boy Jansen a kuminsá ku un liga Stimulans ku a traha mayoria di e hungadónan di aktualidat. E liga aki a hunga 15 aña i Sam su klup Rising Trotters a gana e kampeonato aki 10 biaha. Riba tereno internashonal durante su karera Sam a risibí vários rekonosementu entrenan: Na 1975 Miembro meritorio di C.S.B. Na 1976 Kodekor tékniko di aña Na 1977 Tékniko sobresaliente di C.S.B. Na 1982 Ere-medaille in goud di La Reina Juliana Sam durante su karera deportivo a distinguí su mes pa su forma korekto ku e ta trata su hungadónan i direktiva. Sam no ta huma ni bebe!!!!!!!!!!!!! Na e momento aki Sam ta yuda direktiva den e parti tékniko i organisashon manera , marka vèlt, drecha bar i drecha material. Sam ta un persona masha honesto i leal , i tambe Sam ta miembro di e kuerpo di umpire ku a hasi 25 aña.
• Hector Curiel
  Papiaments: Nòmber: Hector Publio Curiel Fecha Nasementu: 2 Novèmber 1936 Lugá: Kòrsou Deporte: Peso A drenta salon di fama na 1987 Na edat di 16 aña Hector a kuminsá su karera deportivo komo bòksdó i a bringa kuater pelea komo amatùr, kual peleanan el a gana. Esaki a tuma lugá den añanan 1953 / 1954. 1955 : Den e aña aki Hector a kuminsá práktika e deporte di Peso i despues di dos luna a sa di bira kampeon di Kòrsou i Antia den e kategoria Bantam (56kg). 1956 : Kampeon di Kòrsou i Antia den kategoria Bantam. 1957 : Kampeon di Kòrsou i Antia den kategoria Bantam 1958 : Kampeon di Kòrsou i Antia den kategoria BantamNr. 9 den 18 partisipante na Kampeonato Mundial na Stockholm, Suesia. 1959 : Kampeon di Kòrsou i Antia den kategoria Bantam. Ganadó medaya di plata den VIII Weganan Sentro Amerikano i di Karibe na Caracas, Venezuela.Nr. 4 na Weganan Panamerikano na Chicago, Merka.Durante e Weganan aki Hector a sa di pone marka Panamerikano den e modalidat di Clean & Jerk, kual marka a keda pará pa 12 aña 1960 : Kampeon di Kòrsou i Antia den kategoria Bantam.Ganando medaya di oro den e Kampeonato Sentro Amerikano i di Karibe di Peso na Caracas, Venezuela. Nr. 10 den 24 partisipante durante Olimpiada Mundial na Roma, Italia. 1961: Kampeon di Kòrsou i Antia den kategoria Bantam. Ganadó medaya di oro den II Kampeonato Sentro Amerikano i di Karibe di Peso na San Juan, Puerto Rico. 1962: Kampeon di Kòrsou i Antia den kategoria Bantam. Ganadó medaya di bròns den IX Weganan Sentro Amerikano i di Karibe na Kingston , Jamaica. 1963 : Kampeon di Kòrsou i Antia den kategoria Bantam. Ganando medaya di Plata durante IV Weganan Panamerikano na Sao Paolo,Brazil. Ganadó medaya di oro durante torneo internashonal na St. Domingo . 1964: Kampeon di Kòrsou i Antia den kategoria Bantam. Ganando medaya di oro durante interkambio internashonal Kòrsou Sto. Domingo na Sto. Domingo. Nr. 18 den 28 partisipante durante Olimpiada na Tokio Hapon. 1965: Kampeon di Kòrsou i Antia den kategoria Peso Pluma (60kg). Ganando medaya di oro durante ASU week na Aruba. Ganando medaya di plata den III Kampeonato Sentro Amerikano i di Karibe na George Town , Guyana. 1966: Nr. 4 na X Weganan Sentro Amerikano i di Karibe na San uan, Puerto Rico Kampeon di Kòrsou i Antia den kategoria Peso Pluma. 1967: Kampeon di Kòrsou i Antia den kategoria Peso Pluma Ganando medaya di oro durante torneo internashonal 4 Sentenario na Caracas, Venezuela 1968: Kampeon di Kòrsou i Antia den kategoria Peso PlumaGanando medaya di plata den torneo internashonal III Lustro Cur. Gewichtheffers Bònt na Kòrsou. 1969: Nr. 4 durante Torneo Las Amérika na Mayaguez, Puerto Rico Kampeon di Kòrsou i Antia den kategoria Peso Pluma. 1970: Kampeon i Kòrsou i Antia den kategoria Peso Pluma. Ganando medaya di bròns durante XI Weganan Sentro Amerikano aki.Karibe na Panamá. Hector a gana 4 medaya durante e Weganan aki. Pa promé bes den historia di peso medaya a wòrdu otorgá pa e diverso modalidatnan (Press, Snatch, Clean & Jerk i Total). Nr. 7 den 16 partisipante durante kampeonato Mundial na Ohio, Merka. 1971-1974 Kampeon di Kòrsou i Antia den kategoria Peso Pluma. 1974 : Hector partisipá na XII Weganan Sentro Amerikano i di Karibe na Santo Domingo. 1975 : Despues di tabata Kampeon di Kòrsou i di Antia den kategoria Bantam i Peso Pluma (20 aña) i partisipando na diverso Torneo Internashonal, Kampeonato Regional, Kampeonato Mundial, Weganan Sentro Amerikano i di Karibe, Weganan Panamerikano i Olimpiada Mundial,Hector ta retirá i ta tuma enkargo komo entrenadó di Selekshon Nashonal di Peso, kual funshon e a okupá te 1984 Hector ta partisipá na un kurso di entrenadó i Wes na Caracas Venezuela.Hector ta ser kondekorá ku kondekorashon di La Reina Ere-medalle in Goud pa su méritonan riba tereno deportivo. 1976 : Hector ta kursa estudio pa entrenadó di Peso na Mexico bou di ouspisio di Olímpiko Solidarity. 1978 : Riba ouspisio di Olympic Solidarity Hector ta bolbe tuma parti na un kurso di entrenadó di Peso na Mexico, kual kurso e ta kaba ku éksito. Mester menshoná ku e rekòrtnan ku Hector a pone den e kategorianan ku e a tuma parti te ainda no a ser kibra pa e pesistanan aktual.
• Julio Rooi
  Papiaments: Nòmber : Julio Largion Rooi Fecha Nasementu : 12 ougùstùs 1918 Lugá : Kòrsou Fayesé : 2 aprel 2004 Deporte : Atletismo, Beisbòl, Futbòl, Bòkseo, i Dominó A drenta salon fama na1987 Na edat di 14 aña Julio a kuminsá hunga bala den e ekipo ku yama Argentina Junior. Ku 16 aña Julio a militá den Hilversum i ku su 17 aña Julio a bira miembro di Curacaose Voetbal Bond, komo miembro di e klup Volharding ku tabata hunga den A-klasse. Na mesun edat di 17 aña Julio a kuminsá práktika deportenan di Atletismo i Bòkseo den Villa Maria i alabes e tabata hunga beisbòl den Deportivo Venezuela. Na aña 1938 Julio a efektuá su promé pelea den peso pisa ku 184 liber i a pèrdè pa téknika nòkout den di 4 asalto di mi kontrinkante ku tabata pisa 234 liber. Dos luna despues den su pelea di revancha, Julio a gana di mes un forma den di 3 asalto. Tur Julio se demas peleanan tabata eksibishon komo ta Julio ku Chababa so tabatin den e peso aki na Kòrsou. Riba tereno di futbòl Julio a sigui desaroyá su talentonan i den aña 1940 i 1941 Julio a partisipá den selekshon di Curacaose Voetbal Bond. Entretantu su aktuashon den atletismo tabata hopi eksitoso, tabatin un temporada ku Julio tabata karga 5 rekòrt: Kogel, Disko, Sper, Salto alto i Vijfkamp. Na aña 1944 Julio a forma parti di un delegashon ku a biaha pa Caracas i tuma parti den algun evenementu di atletismo. Aya Julio a kibra dos di su rekòrt ku tabata kogel i salto alto. Aña 1946 Julio a biaha pa Hulanda pa partisipá den e kampeonato Hulandes di atletismo. Promé ku e kampeonato mes tuma lugá Julio a partisipá na diferente torneonan di fogeo na diferente suidat manera ;Den Haag, Dordrecht, Rotterdam, Leiden, i Hoorn. Den e toreneonan di fogeo Julio a logra hopi éksito pero den e weganan ofisial si kos a kambia un poko ya komo aki Julio mester a enfrentá e mehor atletanan di Hulanda. Na 1946 Julio a partisipá na e Weganan Sentro Amerikano i di Karibe ku a tuma lugá na Baranquilla, Colombia, na unda Julio a logra un di 6 puesto riba sper. Na final di su eksitoso karera komo atleta den e ramonan di atletismo, beisbòl , futbòl, bòkseo Julio a kuminsá traha tambe komo dirigente tantu tékniko, atministrativo i komo umpire den beisbòl i rèfri i den bòkseo profeshonal. Julio a biaha na vários okashon komo dirigente ku diferente selekshon i a bishita diferente pais den nos region. Na final di su karera komo dirigente den beisbòl Julio a fungi komo manager di Santa Rosa Indians i manager di e selekshon di beisbòl di Kòrsou. Aktualmente Julio ta partisipando den e deporte di dominó den e federashon di Kòrsou komo un di e mehornan, tantu riba nivel nashonal komo internashonal. Julio ta presidente di e klup di dominó Los Veterano presidente di e federashon Antiano di dominó i miembro di direktiva di e federashon internashonal di dominó. Esaki pues ta un historia deportivo di sr.Julio Rooi ku ta wòrdu konsiderá un di nos mehor atleta all–a-round ku Kòrsou a produsí.