Julius Hellberg Papiaments
Nòmber : Julius Oscar “Maracucho”Hellburg
Fecha Nasementu : 9 yüli 1930
Lugá : Maracaibo , Venezuela
Deporte : Sòftbòl/Umpire
Nashonalidat : Ulandes
A drenta salon di fama na 2009
Penshonado di Gobièrnu Sentral Empleado di gobièrnu durante 38 aña. A traha na diferente departamentu di Gobièrnu: Meteorologische Dienst, Postkantoor Curaçao i Centrale Directie der Posterijen, últimamente na Laboratorium voor de Volksgezondheid. Na Laboratorio den funshon di Administrateur.
Kasá ku Maria Ursula Hellburg-Maduro. For di e kasamentu aki a nasé 8 yu, 5 muhé i 3 hòmber, miéntras Julio tin otro 4 yu, 3 muhé i 1 hòmber
Introdukshon, periodo di beisbòl
Julio, na edat relativamente hóben a yega Kòrsou, ora su famia na aña 1936 a disidí bin biba na Kòrsou. Nan a bai biba den Otrobanda, den Rifwaterstraat. Den bario di Rif, pronto e hóben Julio a haña oportunidat pa sera konosí ku tur e hopi deportenan ku nan tabata práktika riba e terenonan di deporte na Rif. Henter siman despues di skol Julio tabata kore tras di tur sorto di bala riba Rif. Ku no ta bala di futbòl, tabata bala di beisbòl, òf bala di sòfbòl, òf bala di cricket, òf bala di tènis. E korementu tras di bala aki, kisas a pone e fundeshi pa e karera deportivo impreshonante ku Julio tabata destiná pa hunga den deporte di Kòrsou, di Antia Ulandes i internashonal. Kisas tabata koinsidensia òf suerte, ku Julio den su hubentut tabatin e oportunidat úniko di topa ku dirigentenan i deportistanan famoso i sobresaliente den nos deporte, manera frater Andreas di Sithoc, Don Nicho Hurtado, Sr. Juan Pablo Vivas, Sr. Bèto Adriana i Sr. Ergilio Hato, tur di felis memoria, Sr Sixto Vos-Rofina, Sr. Marcel Betrian, Sr. José Alfonso, tur ku di un òf otro manera a kontribuí den formashon di e briante karera di Julio “Maracucho” Hellburg.
Julio su bida deportivo aktivo a kuminsá mas ku 70 aña pasa, ora Sr. Juan Pablo Vivas, q.e.p.d., ku tabata biba banda di kas di famia Hellburg den Rifwaterstraat, i ku tabata hungadó di B.B.C. La Fama, tur djadumingu tabata bai wega di beisbòl den Dein òf Heintje Kool ku e hobensitu Julio, ku asina a bira “bat boy” di La Fama. Na skol, promé St. Vincentiusschool, Julio a kuminsá praktiká futbòl aktivamente den DOSKO, i despues e Ia pasa pa St. Thomas College, unda e konosido frater Andreas a tum’é bou di su tutela. Den Sithoc Julio a sigui ku futbòl i tambe a kuminsá ta praktiká beisbòl i sòfbòl. Banda di e deportenan ei, Julio tabata aktivo den tur deporte; ku nan tabata práktika riba Rif: Den Bargesbad: landamentu, basketbòl, tènis, riba vèltnan di deporte: atletismo, futbòl, beisbòl, sòfbòl, cricket, kòrfbal, gemnastik. Kisas ku práktika di e hopi deportenan aki, Julio konsiente òf inkonsientemente a buta e base pa un karera deportivo ku a hib’é na mas ku 20 pais diferente. Di Kòrsou pa Karibe, pa Sur Amérika, pa Sentro Amérika, pa Nort Amérika, pa Europa, pa Asia.
Julio a sa di establesé su mes den beisbòl na Kòrsou i den Antia komo un primera base di inigualabel kalidat defensivo, ku a dun’é nòmbernan manera “e artista de primera base” i “plastic man”. Asina impreshonante, asina espektakular, asina fuera di klase e wega defensivo di Julio tabata, ku e historiadónan deportivo, pa duna rekonosimentu i mérito na esaki, a haña nan obligá di trese un diferenshashon den e funshon na primera base. Asina e kronistanan deportivo ta papia di Julio Hellburg, komo e mihó primera base defensivo di tur tempu.
Periodo den sòfbòl i arbitrahe, 1944 en adelante
Pa straño ku por ta, apesar di tur e hazañanan di Julio den beisbòl, tòg ta su trabou i konosementu profundo di arbitrahe di sòfbòl ku a duna Julio fama i rekonosementu paden i pafó di Kòrsou i Antia. Un karera ku a kuminsá mas ku 70 aña pasá i durante kua, mas ku 40 aña e tabata den direkshon di arbitrahe di sòfbòl na Kòrsou, miéntras e tin aktualmente kasi 20 aña na kabes di arbitrahe den Amérika Latino i Karibe. Mas ku 60 aña di su bida aktivo Julio a dediká na sòfbòl i arbitrahe. 60 Aña, un bida humano ta pasa nos dilanti. Bida di un hòmber simpel i humilde, pero ku sin embargo ta resaltá pa e hopi trabou konsiensudo ku e la hasi inkansabel i desinteresá pa desaroyo di arbitrahe i anotashon di sòfbòl, i ku ademas ta imponé rèspèt pa su konosementu profundo di reglanan di sòfbòl i téknika di arbitrahe. Un hende ta atkirí e konosementu aki solamente, si e ta disponé di e talento pa uni ophetividat ku un filosofia alegre di bida.
No tin sufisiente palabra pa deskribí e briante karera di Julio den arbitrahe di sòfbòl. E karera el ta íntimamente ligá ku desaroyo i floresementu di nos sòfbòl i arbitrahe. Hopi di e hendenan ku tabatin e suerte di traha hopi serka di Julio, ta konsiente di e forsa grandi pero trankilo ku semper tabata sali for di e gran pionero aki. Julio semper tabata e dirigente, ku internamente tabata ser guia pa un kurason ku ta yen di sentimentu, pero ku sin embargo eksternamente tabata dominá e arte di kombiná kabes i kurason den un punto di bista ku tabata ophetivo, sin ku esaki e tabata ofendé e sensibilidat humano.
Julio banda di su konosementu profundo di regla di sòftbòl, téknika di arbitrahe i kapasidat grandi komo ùmpayer, ta poseé tambe e don di fantasia. Tabata hustamente e fantasia aki ku a permití Julio introdusí un sistema nobo den arbitrahe, dunando e persona di ùmpayer i e trabou di Umpayer un dimenshon nobo, un lugá propio den arbitrahe i wega moderno di sòfbòl, ku su estilo masha personal, pekuliar i bistoso di indiká straik i ponche. Julio Hellburg, a hiba su estilo rònt mundu; Area di Karibe, Sur Amérika, Amérika Sentral, Nort Amérika i Europa. Den mas ku 20 pais Julio a sa di imponé su estilo yamativo i alegre di arbitrahe, ganando rekonosimentu i fama na unda ku e Ia aktua. Den tur pais e fanatikada di sòfbòl tabata aploudí su estilo, i tur hende, ku a mir‘é traha komo ùmpayer, ki ora ku nan top’é tabata imitá su estilo di indiká straik den siñal di aprobashon i saludo.
Ta poko ùmpayer den historia largu di mas ku 100 aña di sòfbòl a bira asina popular serka fanátiko, hungadó i dirigente pa su aktuashon, miéntras ningun por presumí tantu nòmber di kariño ku e fanátikonan a dun’é, manera Julio tin. Ata algun di nan:
Bonaire : Do-re-mi
Colombia : Arbitro escalera
Pto Rico : Electric boogey
Merka : : The Riser
Venezuela : El Molino
Ulanda : Scheidsrechter met een vleugel
Scheidsrechter met een robot arm
Promé salida di Julio pa eksterior komo Umpayer
Lo tuma demasiado tempu pa duna un enumerashon di e hopi méritonan digno di menshon di Julio Hellburg. Sin embargo, lo ta bon pa para ketu un ratu na algun di e hopi éksitonan ku Julio a logra den arbitrahe di sòfbòl. Tabata na 1968 ku Julio ta keda nombrá pa señor Clovis Lodewijks, Presidente di Curaçaose Softball Bond, pa aktua komo Umpayer na un torneo di sòfbòl femenino na St. Thomas, Virgin Island. Na St. Thomas, Julio ta hasi gala di su gran kapasidat den arbitrahe, ganando simpatia i atmirashon di dirigente, fanátiko i hungadó, i no a straña ningun hende ora Julio a keda enkargá ku e wega final entre Kòrsou i St. Thomas V.I..
Julio ta bira asina e promé Umpayer di sòfbòl ku ofisialmente ta biaha pa eksterior pa dirigí wega. No tin duda ku e demostrashon di arbitrahe ku Julio a duna na St. Thomas, a habri e porta di arbitrahe internashonal pa ùmpayernan di Kòrsou. Julio, for di 1965, huntu ku señor Hubert Fleming q.e.p.d., riba inisiativa di señor Clovis Lodewijks, tabata duna lès den regla na ùmpayer di sòfbòl di Kòrsou. Pa hasi dunamentu di lès mas fásil, Julio a tuma riba su mes pa tradusí gran parti di e reglanan di sòfbòl na Papiamentu. Durante hopi aña Julio a sigui ku e famoso klínikanan riba regla den Zeemanshuis na Otrobanda, i despues den Landhuis Hel na Saliña. For di e klínikanan aki a sali hopi di e ùmpayernan internashonal ku kua Kòrsou tabata i ta konta: manera Silvio Leonora+, Willy Willems, Marcelino Barry+, Virgilio Poulina+, Gilbert Poulina, Oswin Ortela, Kenneth Bosk, Franklin Hermanus i Emaldo Henson.
Tambe e sekso femenino a haña preparashon den e klínikanan aki, for di kua a sali e promé dos ùmpayer femenino den historia di sòfbòl di Kòrsou, ku ta: sra. Donata Fullinck i sra. Grada Gosepa, i tambe e promé skordónan femenino manera: Donata, Grada, Uki, Sylvia, Sylvania, Jenny, Meredith, Diana i otronan.
Fundashon di un Asosiashon di Umpayer i Skordó
Den añanan setenta, Julio a mira e nesesidat pa organisá tur ùmpayer i skordó di sòfbòl den un asosiashon i huntu ku Willy Willems i Oswin Ortela e Ia lamta un asosiashon di Umpayer i skordó, bou di e nòmber di: “Umpire and Scorer Assosiation of Softball,(U.S.A.S.)”, miéntras e Ia bira su promé presidente. E interesnan di prinsipalmente e ùmpayernan tabata i ta ainda asina dividí, ku te awe Julio no por a logra e union ku tantu e ta anhelá den arbitrahe.
Promé kurso na Kòrsou pa formashon dl ùmpayer dl sòfbòl
Julio no a laga ningun di e hopi problemanan ku tin den deporte i arbitrahe di sòfbòl desanim’é i na 1984, riba inisiativa di Sr. Celfnied Homoet (q.e.p.d.), presidente di Asosiashon di Sòfbòl di Kòrsou i ku koperashon di Federashon di Deporte di Kòrsou a kuminsá ku e promé kurso rekonosé na Kòrsou pa formashon di Umpayer di sòfbòl. Mester tabata un momento di orguyo i satisfakshon profundo pa Julio, ora nba 27 di òktober 1984 den Zeilclub Asiento, e Ia entregá 13 ùmpayer diplomá na C.S.B. i dfto. sr. Homoet, ekspresando e deseo, ku e ùmpayernan diplomá aki, lo forma e base pa e infrastruktura di sòfbòl, ku Sr. Celfried Homoet+ tabatin asina tantu na pechu, i bira e plataforma for di kua arbitrahe di sòfbòl lo por operá den futuro.
Ku mas energia Julio a sigui ta profundisá den reglanan di sòfbòl i mekánika di arbitrahe. Ta manera e tabata sa, ku destino tabatin kosnan grandi prepará p’e den arbitrahe di sòfbòl i ku historia di sòfbòl tabatin su bista pone riba dje.
Promé Yu di Kòrsou/Antiano ku ta bira Umpire-In-Chief di un kampeonato internashonal
Añanan ochenta a bira e dékada di konsagrashon di Julio. Despues di aktuashonnan destaká komo ùmpayer na Venezuela, Puerto Rico i Colombia, señor Clovis Lodewijks den su funshon di Presidente di Konfederashon Panamerikano di Sòfbòl, CONPASA, ta nombra Julio, Umpire-In-Chief di e di II Kampeonato Panamerikano di Sòfbòl femenino na Lima, Perú. Julio ta bira asina e promé Yu di Kòrsou, e promé Antiano pa desempeñá e funshon haltu e importante aki, pero tambe di hopi responsabilidat. Julio a pasa su prueba di kandela ku éksito. Suerte, i no poko tabata esun di Julio, di tin un Yu di Kòrsou den persona di sr. Clovis Lodewijks den un funshon gerensial hopi haltu den sòfbòl mundial, ku sin duda a duna Julio e oportunidat i konfiansa pa subi riba e kaminda di arbitrahe internashonal. Un kaminda difísil i eksigente ku Julio a kana ku determinashon i siguransa, demostrando na tur momento i na tur kaminda su kapasidat di ùmpayer i kalidat di dirigente. Julio no a defroudá e konfiansa ku Sr. Lodewijks a depositá den dje. Ku mas energia i determinashon e Ia kuminsá traha riba un karera den arbitrahe, ku no tin su igual ni paden ni pafó di Kòrsou.
lnstruktor sertifiká pa ISF
Aña 1987 ta hiba Julio Indianapolis, Merka, komo asistente di Sr. Merle Butler den e di X Weganan Deportivo Panamerikano. Julio ta sobresalí den su funshon di árbitro-en-hefe asistente. No a tarda muchu ku Federashon Internashonal di Sòfbòl ta yama Julio pa otro funshon mas importante den arbitrahe di sòfbòl ora e keda nombrá instruktor ofisial pa arbitrahe di Federashon Internashonal di Sòfbòl.
Na novèmber 1987 na Repúblika Dominikano i mart 1988 na Guatemala Julio huntu ku Merle Butler ta dosente na e promé i di dos seminario internashonal pa arbitrahe di sòfbòl. Kisas ta bon pa mi splika un ratu, kiko ta un seminario.
Un seminario ta e kurso di nivel mas haltu di arbitrahe, kaminda ùmpayernan di sòfbòl, despues di pasa un eksamen den regla di wega di sòfbòl i téknika di arbitrahe por haña e titulo di Umpayer diplomá di Federashon Internashonal di Sòfbòl, e titulo mas haltu ku un ùmpayer por optené
Julio ku den pasado den diferente okashon a aktua komo árbitro-en-hefe den kampeonatonan internashonal di sòfbòl, semper den eksterior, na 1988, den e eksitoso kampeonato Sentro Amerikano i di Karibe(CONCACAS), organisá na Kòrsou, ta haña oportunidat pa awor dilanti di e pueblo di Kòrsou, demostrá su gran kapasidat di ùmpayer i dirigente, den funshon di árbitro-en-hefe di e grandioso evento aki.
Coppa Intercontinentale na Bussolengo, ltalia
Den 1989, Julio pa promé be den su largu i eksitoso karera ta bula frontera di nos kontinente i ta biaha pa Bussolengo, Verona, ltalia, pa partisipá komo ùmpayer den “Coppa Intercontinentale”.
Aki un be mas a keda demostrá, e fama di kua Julio ta gosa mundial den arbitrahe, ora den reunion tékniko di e prestigioso torneo aki, e keda nombrá árbitro-en-hefe. Durante dos dia Julio ta duna klínika na e ùmpayernan for di Merka, China, Taiwan, Italia, Oustralia, Ulanda i Puerto Rico, ku mester a partisipá den e torneo aki. Julio tabatin den e torneo aki un aktuashon sobresaliente ku a kondusí na su designashon komo e mihó ùmpayer di Coppa Intercontinentale. Apénas bèk for di Italia, ku ata Julio tin ku biaha pa Hondúras, pa durante un siman largu dirigí e Promé Kurso Internashonal di arbitrahe di sòfbòl na Tegucigalpa. Riba biahe di regreso pa Kòrsou Julio ta pasa Costa Rica unda e ta duna un klínika di dos dia na ùmpayernan di sòfbòl di e pais ei.
Nombramentu komo Intérprete di Regla di Sòfbòl pa Latino Amérika i Karibe
Den desèmber 1989 Julio ta biaha pa Paraná, Argentina, pa dirigí arbitrahe di e di
Ill Kampeonato Panamerikano di Sòfbòl maskulino den funshon di árbitro-en-hefe. Banda di a duna 3 dia di klínika na e Umpayernan ku a intervení den e kampeonato, Julio tabatin tambe ekselente aktuashon komo ùmpayer, dunando kátedra di arbitrahe den e finalísimo partido entre Merka i Canada. Na Argentina Julio ta logra e koronashon di su karera komo Umpayer, ora Presidente di Federashon Internashonal di Sòfbòl, Sr. Don Porter durante kongreso di Konfederashon Panamerikano di Sòfbòl selebrá na Paraná, Argentina, nombra Julio Intérprete di Regla i árbitro-en-hefe Regional di Federashon Internashonal di Sòfbòl pa área di Amérika Latino i Karibe. E funshon mas haltu den arbitrahe mundial despues di esun di e Direktor di Umpayer e Intérprete di Regla di FIS, Sr. Merle Butler.
Mihó Umpayer di sòfbòl di Kòrsou, i 3 biaha siguí “Hues di Aña”.
Ounke nan sa bisa, ku ningun hende ta profeta den su mes pais, tòg, deporte di Kòrsou no a keda sin rindi homenahe na Julio Oscar Hellburg pa su dedikashon kontinuo na, i logronan grandi den arbitrahe paden i pafó di Kòrsou. For di 1985 te 1989, durante 5 aña siguí, Asosiashon di Sòfbòl di Kòrsou ta nombra Julio komo e mihó ùmpayer di sòfbòl di aña, miéntras na 1987, 1988 i 1989, durante tres aña konsekutivo Julio a keda distinguí pa Curaçaose Sport Federatie ku premiashon di “HUES Dl AÑA”. E logro di Julio aki, no tin paralelo den arbitrahe di sòfbòl na Kòrsou.
Kondekorashon “RIDDER IN DE ORDE VAN ORANJE NASSAU”
Na 1988 Riba Aña di La Reina, ta komplasé Su Mahestat Reina Beatrix kondekorá Julio Oscar Hellburg “RIDDER IN DE ORDE VAN ORANJE NASSAU” pa e hopi i bon trabou ku Julio a desplegá pa su pais den su funshon di empleado públiko.
Distinguí ku C.SF. AWARD. Umpayer na Kampeonato Mundial di Sòfbòl
Na 1990, Julio ta biaha pa Aruba i Bonaire pa duna klínika na ùmpayernan di sòfbòl. Na aprel 1990 Julio ta keda distinguí ku e “C.S.F. Award” pa su dedikashon durante mas ku 25 aña komo dirigente deportivo. Na yüni, Julio ta logra un di su aspirashonnan mas grandi ora e keda nombrá komo Umpayer na e di VII Kampeonato Mundial di Sòfbòl femenino na Normal, Illinois, Merka. Aki Julio ta imponé su estilo bistoso i alegre di ùmpayá i ta bira un atrakshon na kampeonato mundial. Na ougùstùs Julio ta kuminsá na Kòrsou ku e di Ill Kurso pa Formashon di Umpayer di Sòfbòl bou di ouspisio di SEDREKO.
lnstruktor di Umpayer na Habana. Cuba – Proposishon pa kambio di reglanan di sòfbòl
Despues di un aña di relativo poko aktividat internashonal, 1991 ta bira un gran aña pa Julio. Den luna di mei, Julio ta haña e enkargo honroso pa biaha pa Cuba, e pais mas avansá den deporte den nos region, pa na Habana dirigí un klínika di arbitrahe di sòfbòl pa prepará e ùmpayernan kubano pa e weganan Panamerikano ku lo keda selebrá na Cuba. Na yüli 1991, Julio ta partisipá komo miembro di Komishon di Reglanan di wega, na e di XV Kongreso di Federashon Internashonal di Sòfbòl ku ta keda organisá na Kòrsou. Pa e Kongreso aki, Julio pa intermediashon di Federashon Antiano di Sòfbòl ta entregá 32 proposishon pa kambio di regla, di kua 19 ta keda aprobá.
Prome Umpire-In-Chief no-Merikano di Weganan Deportivo Panamerikano
Durante e di XI Weganan Deportivo Panamerikano selebrá na Habana, Cuba, Julio ta buta un eslabón importante mas na su briante karera, ora e keda nombrá árbitro-en-hefe di e weganan Panamerikano. Den e historia largu di Weganan Deportivo Panamerikano, semper ta un ùmpayer Merikano bon kalifiká i di hopi eksperensia ku tabata haña nombramentu komo árbitro-en-hefe. Julio pa su kapasidat di arbitrahe, eksperensia i pa su konosementu di regla i mekánika di arbitrahe ta kibra e tradishon aki, ora e bira e promé ùmpayer ku no ta Merikano, ku ta haña e honor di risibí nombramentu komo “Ümpire-In-Chief” di Weganan Deportivo Panamerikano di Cuba.
Korekshon di reglanan na Spañó i diferente klínika di arbitrahe
Den kuminsamentu di sèptèmber, Julio ta haña e enkargo di Federashon Internashonal di Sòfbòl pa korekshon di e redakshon di e reglanan nobo di sòfbòl tantu den e vershon Ingles komo Spañó. Despues di kumpli ku e enkargo aki, Julio un be mas ta biaha pa eksterior, pa Medellin, Colombia, kaminda durante un siman largu e ta duna lès den regla di sòfbòl i mekánika di arbitrahe na ùmpayernan di Sur Amérika.
Durante 1992, Julio ta dediká tempu den organisashon di klínika pa duna splikashon na e Umpayernan lokal riba e hopi kambionan den e reglanan nobo di sòfbòl i algun kambio den mekánika di arbitrahe. Na òktober Julio ta bai Guatemala pa dirigí e di Ill seminario pa arbitrahe di sòfbòl.
Seminario Valencia i Kongreso na Taiwan
1993 ta bira un aña di hopi aktividat pa Julio. Den luna di mart e tin ku biaha pa Valencia, Venezuela, pa dirigí e di IV seminario pa arbitrahe di sòfbòl. Na mei 1993, Julio ta asistí na e di XVI Kongreso di Federashon Internashonal di Sòfbòl na Taiwan komo miembro di Komishon di regla¬nan di wega. Na e Kongreso aki tambe Julio ta hasi 6 proposishon pa kambio di regla di wega, di kua 3 ta keda aprobá.
Julio na Ulanda i retiro for di arbitrahe internashonal aktivo
Den luna di yüni, Julio ta bal Quito, Ecuador, pa duna un klínika riba arbitrahe i tambe instrukshon riba téknika di pichamentu den sòfbòl. Julio no a kaba di yega drechi for di Ecuador, ku até na yüli, rumbo pa Haarlem, Ulanda, kaminda e ta partisipá komo ùmpayer den “Intercontinental Cup Haarlemse Softbal Week”. Julio ta impreshoná ku su estilo di indiká straik, i mesora nan ta dun’é e nòmber “scheidsrechter met een robot arm”.
Na Ulanda tabata momento di hopi alegria pa Julio, ora hopi mama i tata promé i despues di wega tabata trese nan yu pa fula e man drechi di Julio, p’asina kombensé nan ku no tabata trata di un “robot arm”. Pero tambe tabata momento di tristesa, ora Julio, den un seremonia emoshonal ku su koleganan ùmpayer ulandes, italiano i merikano a organisá p’e, a disidí di buta un punto tras di su briante karera di Umpayer internashonal aktivo.
Korekshon di reglanan di sòfbòl, i diferente biahanan pa eksterior
Pa motibu di e hopi diskrepansianan ku tabatin den e reglanan di wega den e vershon Ingles i Spañó, den ougùstùs, Julio ta risibí e enkargo di Federashon Internashonal di Sòfbòl, pa traha un tradukshon nobo di e vershon na Spañó ku ta kompletamente den liña ku e vershon na Ingles. Julio ta kumpli ku e enkargo aki na satisfakshon di Federashon Internashonal di Sòfbòl. Apénas, Julio a kaba ku e enkargo aki, ku até na kareda ku maleta pa bai Mexico. Na Mexico e ta dirigí e di V seminario pa arbitrahe di sòfbòl i despues ta drenta den su otro funshon di árbitro-en-hefe di e di IV Kampeonato Panamerikano di sòftbòl maskulino. Na novèmber, Julio ta biaha pa Puerto Rico pa dirigí e di VI seminario pa arbitrahe di sòfbòl i despues ta sirbi di delegado di selekshon femenino di sòfbòl antiano na di XII Weganan Sentro Amerikano i di Karibe.
Aña 1994 ‘n kuminsá drechi, ku den yanüari, Julio ta biaha pa eI Salvador, pa duna un klínika na Umpayernan di Amérika Sentral i pa dirigí arbitrahe di sòfbòl di e di V Weganan Sentro Amerikano den funshon di árbitro-en-hefe. Na yüni, Julio ta bai Bahia Blanca, na Argentina pa dirigí e di VII Seminario pa arbitrahe di sòfbòl i asina kuminsá prepará e ùmpayernan di Sur Amérika pa e Weganan Panamerikano di 1995 na Argentina. Julio a kuminsá 1994 ku biahamentu i ta sera aña ku biahamentu ora den desèmber e biaha pa Guatemala pa un be mas den funshon di árbitro-en-hefe dirigí arbitrahe di e di Ill kampeonato Panamerikano di sòftbòl femenino.
Proposishon pa kambionan di regla di sòfbòl i UIC na XII Weganan Deportivo Panamerikano
Estudio kontinuo di reglanan di wega di sòfbòl tin komo resultado ku Julio hopi be ta haña un òf otro motibu pa trese kambio den reglanan di sòfbòl. Pa e di XVII Kongreso di Federashon Internashonal di Sòfbòl ku a keda organisá den yüli 1995 na Puerto Rico, Julio a entrega 11 proposishon pa kambio di regla, di kua 7 a keda aprobá.
Na 1995 Julio ta biaha pa Paraná, Argentina, pa un be mas den funshon di árbitro-en-hefe dirigí arbitrahe di sòfbòl den e di XII Weganan Deportivo Panamerikano. Despues di regresá for di Argentina, Julio ta kuminsá ku e di Ill Kurso pa Formashon di Umpayer di Sòfbòl, bou di ouspisio di Gobièrnu di Kòrsou, SEDREKO. Den 1996, Sr. Matos, Presidente di Arubaanse Softball Bond ta manda buska Julio pa duna lès na e ùmpayernan ku mester partisipá den Kampeonato di Sòfbòl di Aruba. Durante 5 dia largu Julio ta duna klínika den regla i téknika di arbitrahe.
Sòfbòl Slo Pich i fundashon di FUSSOKO
Durante añanan 1996 pa 1999, Julio ta konsentrá su atenshon riba sòfbòl hubenil i sòfbòl eskolar. Banda di esei e ta duna oido na un apelashon ku Liganan di sòfbòl Slo Pich ta hasi na su persona pa yuda den e diferente komishonnan di e liganan i tambe pa duna konseho riba reglanan di wega, i reglamento di kampeonato.
Julio ta aktivo komo Árbitro-en-hefe i tambe Umpayer di Liga 40, Liga Tra’i Seru i Liga Van Engelen, i despues tambe Liga Uni Tur. Pa por trese un standarisashon den maneho di arbitrahe den Slo Pich, Julio ta funda un federashon di Umpayer i skordó di Slo Pich, bou di nòmber di: “FEDERASHON DI UMPAYER I SKORDO Dl SOFBOL SLO PICH Dl KORSOU, “FUSSOKO”, i ta bira su promé presidente.
Tradukshon reglanan ofisial di sòfbòl den Papiamentu
E hopi difikultatnan ku Julio a eksperensiá den su trayektoria den deporte di sòfbòl na Antia Ulandes i Aruba den konosementu i komprendimentu di reglanan di sòfbòl serka gran parti di deportista, tékniko i ùmpayer, na 1997 a índusí Julio pa tradusí na Papiamentu e Reglanan Ofisial di Sòfbòl di Federashon Internashonal di Sòfbòl. E tradukshon no tabata fásil, i despues di un trabou inmenso na 1998 e buki di regla na Papiamentu a keda publiká ekstraofisialmente. Na kuminsamentu di aña 2000 e buki di regla aki den nos lenga vernákulo a keda publiká ofisialmente. Julio a bisa semper, ku e buki di regla na Papiamentu lo ta e korona di mas balor riba su karera deportivo. Nos ta kere firmemente ku Julio ku e buki di Reglanan Ofisial di Sòfbòl na Papiamentu, a krea un monumento pa su mes den kua e ta inmortalisá su mes pa deporte di sòfbòl.
Orador na Simposio
Pa su konosementu profundo di historia i desaroyo di sòfbòl na Kòrsou, Julio ta haña un invitashon di S.B.C. Sigui Gosa, klup di kua e ta kofundador, pa ta orador na un simposio den kua e mester a elaborá riba e tópiko “SOFBOL SLO PICH, UN DEPORTE PAROTIN ?.
Julio den su manera karakterístiko a duna un eksposishon ekselente, i a mustra riba e transishon di sòfbòl Slo Pich na Kòrsou, di un deporte rekreativo pa un deporte kompetitivo i a base di sifra a mustra riba kresementu kuantitativo i kualitativo di Slo Pich.
Sekretario General di CONPASA
Den mes aña 1999, sr. Clovis Lodewijks, Presidente di CONPASA ta nombra Julio Sekretario General di e importante Confederaciôn Panamericana de Softbol. Den e funshon aki Julio ta biaha pa Winnipeg, Canada pa asistí na e di XIII Weganan Deportivo Panamerikano.
Aki Julio ta keda nombrá sekretario den e importante Komishon Tékniko, ku tin ku dirigí e weganan di sòfbòl di e weganan aki. Bèk for di Winnipeg, Canada, Julio ta bolbe keda elegí, den Direktiva di Curaçaose Softball Bond, i un biaha mas e ta pasa pa okupá e importante puesto di sekretario
Vershon nobo buki di regla na Spañó
Pa e konosementu ku Julio tin di reglanan di sòfbòl i pa su dominio di e.o. Spañó e Ingles, Julio ta kumpli ku un mandato hopi pisá di Federashon Internashonal di Sòfbòl pa koregí i revisá e Reglanan Ofisial di Sòfbòl den su vershon na Spañó pa aña 2000, i pa trese esaki den liña ku e vershon na Ingles.
Miembro di Salon di Fama di I.S.F.
Na 2001, Julio durante Kongreso di Federashon Internashonal di Sòfbòl na Tampa, Florida, U.S.A. unánimamente ta keda elihí pa drenta Salon di Fama di I.S.F. . Un aña despues na Kòrsou, durante seremonia di selebrashon di Hubileo di Oro di Asosiashon di Sòfbòl di Kòrsou, Julio ta keda introdusí pa Presidente i Sekretario General di Federashon Internashonal di Sòfbòl den Salon di Fama di I.S.F..
Den añanan 2000 Julio ta kontinuá ku su biahanan pa eksterior pa kumpli den su funshon tékniko, sea pa sirbi komo Umpire-In-Chief di Kampeonatonan Panamerikano; pa dirigí Seminarionan di Arbitrahe na Repúblika Dominikano, Puerto Rico, Colombia i Guatemala, òf sea den su funshon atministrativo Julio ta sirbi komo sekretario di Komishon Tékniko na Kampeonatonan Panamerikano na Santo Domingo, Rep. Dominikana; Maracay, Venezuela; Guatemala i Rio de Janeiro, Brasil.
Na 2007 Presidente Porter di ISF ta nombra Julio komo mediador di ISF pa solushoná un konflikto den organisashon di sòfbòl na Aruba. Den e funshon aki Julio tabatin ku biaha na diferente okashon pa Aruba, i ku satisfakshon por bisa ku tin progreso den e mediashon.
2008 ta marka pa Julio dos akontesimentu importante, ora den di X Kongreso di Konfederashon Panamerikano di Sòfbòl e keda elihí unánimamente komo Promé Vise Presidente di e Konfederashon aki, ku ta esun di mas grandi i prestigioso di Kontinente Merikano.
Algun luna despues Julio ta keda nombrá komo Miembro di Komishon Tékniko pa Weganan Olímpiko na Beijing China, i na ougùstùs 2008 Julio ta biaha pa China pa kumpli ku e trabou importante den Komishon Tékniko di Sòfbòl.
Periodo largu komo dirigente atministrativo
For di edat hóben Julio tabata enbolbí den trabou atministrativo di deporte. Julio fuera di tabata hungadó di B.B.C. Lucky Strike, tabata tambe sekretario di e klup aki. Mas despues Julio a bira sekretario tambe di su klup di futbòl di bario S.V. Riverside. Aki Julio a buta un base pa hasi karera komo un sekretario vitalisio den kasi tur organisashon deportivo i no deportivo di kua e tabata miembro.
For di 1948 te ku 2008, durante kasi 60 aña siguí, Julio tabata Sekretario na Kòrsou di diferente klup repartí e.o. den e siguiente organisashonnan: B.B.C. Lucky Strike; S.V. Riverside; S.B.C. Caballeros; S.B.C. Sigui Gosa; A.B.V.O.;Asosiashon di Sòfbòl di Kòrsou; Federashon di Sòfbòl di Antia Ulandes; Federashon di Deporte di Kòrsou, miéntras internashonal for di 1998 te ku 2008, kasi 10 aña, Julio tabata Sekretario General di Konfederashon Panamerikano di Sòfbòl. Na 2008 Julio a keda elihí Promé Vise Presidente di CONPASA i asina a yega un fin na e karera largu i eksitoso di Julio Sekretario. Na diferente okashon Julio tabata delegado prinsipal di selekshon femenino di Sòfbòl di Antia Ulandes na kampeonatonan regional di sòfbòl..
Marcel Dominico Brigitha Papiamentu Naam: Marcel Dominico Brigitha beter bekend als Chelo Geboortedatum: Curaçao, 19 september 1940 Marcel wijdde zich aan de koningssport voetbal en had geen interesse in honkbal. Marcel begon in Mahuma en verhuisde vervolgens naar Vesta. Op 17-jarige leeftijd speelde Marcel in de hoogste divisie van het wereldvoetbal in Curaçao. Marcel ging daarna spelen voor zijn buurtclub Mahuma in de hoogste divisie en beëindigde zijn voetbalcarrière in Veendam in 1968. Marcel begon met honkbal in de buurt van Mahuma en ging kijken naar de trainingen van het team uit Chicago. Hier begon Marcels passie voor honkbal. In 1958 werd Mahuma kampioen in een jeugdkampioenschap, met Marcel als onderdeel van het team. Wilfrido Valerian bracht Nutricia onder zijn hoede met spelers van Marchena Braves, Karpatula, Mahuma, Mundu Nobo (die later Viceroy werd), Ford en Royal Scorpions "Mr. Baseball" en de rest is geschiedenis. In dit team speelde Marcel jarenlang een leidende rol. In 1965 werd hij voor het eerst kampioen van de Antillen. In 1966 begon het team aan zijn reeks kampioenschappen op Curaçao, die hij in 1966, 1967, 1968, 1969, 1971, 1972, 1973, 1974, 1974, 1981, 1985, 1985, 1993, 2002, 2004, 2008, 2011 en 2012 won. Tot 1974 maakte Marcel deel uit van deze successen, zowel als speler als later als manager. Op Aruba speelde Marcel een wedstrijd tegen Heineken die 15 innings duurde. Marcel kreeg een staande ovatie voor zijn verdediging in het outfield. 1965: honkbalspeler van het jaar voor Hector Rosario, leider in gescoorde punten, nummer 3 in gestolen honken. 1966: geselecteerd om Curaçao/Antillen te vertegenwoordigen op de internationale wedstrijden in Aruba, Curaçao, Puerto Rico, Venezuela, Cuba, Costa Rica, Panama, Nederland en Italië. Als manager reisde Marcel mee met de selectie naar Nederland en Italië. Marcel behaalde als trainer of manager kwalificatie voor Sta. Maria, Mahuma en Wild Cats in de dubbel A. Marcel ontving zelfs aanbiedingen om naar Nederland te gaan, maar omdat hij net getrouwd was en ook voor zijn moeder zorgde, weigerde Marcel. Marcel heeft al veel bereikt en volgens Marcel is er nog veel meer te bereiken.
Wenfrid Pablo Jakoba Papiamentu Wenfrid “Wenny” Pablo Jakoba a nasé dia 15 di yanüari 1950. Wenny a kuminsá hunga baseball ku 8 aña den bario di St. Helena i Sta. Maria. Wenny ta ko fundador di Santa Maria Giants na aña 1966. Wenny a hunga baseball pa 10 aña den e ekipo di Santa Maria, kaminda ku Santa Maria a promové na aña 1969. Na aña 1976 Wenny a pasa pa e ekipo di Wild cats komo kapitan Wenny a hunga den diferente selekshon Antiano i a partisipá na diferente kampeonato i tambe kampeonatonan internashonal. Huntu ku e ekipo di Wild Cats Wenny a bira diferente aña konsekutivo kampeon. Despues Wenny a bira coach di tantu Wild Cats komo di selekshon Antiano. Despues Wenny a bira manager di Wild Cats pa algun aña. Den mediano di añanan 80 Wenny a retirá for di baseball. Di e periodo di 1969 te ku su retiru for di baseball Wenny a representá tantu Kòrsou den ekipo komo Antias den selekshon na numeroso okashon na diferente kompromisonan deportivo entre otro na: Santo Domingo, Venezuela, Cuba, Puerto Rico, Ulanda, Colombia, Panama.
Renato Giovanni Anasagasti Papiamentu Renato “Nato” Giovanni Anasagasti a nasé dia 18 di sèptèmber 1960. Pa motibu ku mama tabata praktiká deporte Nato huntu ku su rumannan a kuminsá tira bala den kurá di kas ku wante traha di paki di habon “Tide”. Nato a kuminsá hunga beisbòl na edat di 8 aña. Na aña 1972 Nato a bai ku promé selekshon di little league di Kòrsou pa weganan di Centro Americano y del Caribe. Nato a kunimsá hunga beisbòl AA ku 17 aña i a stop na aña 2010. Nato a sali 9 biaha kampeon di Kòrsou, ku Wild Cats komo 8 aña kampeon konsekutivo di Kòrsou, di kual 7 aña siguí Nato a fungi komo manager/player i un aña kampeon ku e tim di Royal Scorpions. Nato a hunga den ekiponan di Marlboro, Sta. Maria, Blue Hawks, Royal Scorpions i Wild Cats. Nato a sali kampeon bate doble A na añanan 1989, 1991 i 1993. Kampeon home run: aña 1990. Kampeon RBI añanan 1989 i 2000. Hungadó mas balioso: añanan 1991, 2000, tambe di 1st Dutch Caribbean Aruba i Antillean Championship na St. Maarten. Kampeon pitcher 1999 i 2000. Wante di oro mihó primera base aña 1999, wante di oro mihó pitcher aña 2000. Na aña 1979 Nato a dal e promé hit na inougurashon di Sentro Deportivo durante weganan di Reino, un aña despues Nato a gana komo pitcher e promé wega ofishal di dòbel A den Sentro Deportivo, un aña despues 1980 Nato a hunga den Royal Scorpions kontra Wild Cats den final ku un públiko den historia di baseball di 13 mil alma. Den su karera Nato a bishitá hopi país representando Kòrsou e.o. Aruba, Puerto Rico, Venezuela, Ulanda, Cuba, St. Maarten, U.S.A. Italia, Méhiko, San Salvador, Suesia. Na aña 2000 direkto tékniko, deportista senior maskulino, kopa Beto Adriana otorgá pa Curaçaose Sport Federatie. Nato a risibí tambe Laurel di Oro komo hungadó ehemplar ortogá pa PRESDA. Kampeonato Liga di Baseball Pre-Infantil a keda dediká na Nato komo muestra di apresio i disiplina pa logronan den deporte.
Antonio Pedro Keller Papiamentu ANTONIO PEDRO KELLER Antonio a nase na Bonaire dia 31 di yanuari 1955 i na edat di 5 aña el a bin biba na Korsou. Na dat di 8 aña el a kuminsa hunga beisbol; no tabatin Little League e tempu ei. Na edat hoben di 13 añan nan tabata hunga beisbol kontra hungadonan mas grandi manera e.o. Baba Quamy I Chino Francis. Via Baba el a drenta Ponce na 1969 I e aña despues Ponce a degradá. Antonio, of Tonchi manera nan ta yam’e a pasa pa Wild Cats kaminda el a bira un berdadero super star. El a hunga shortstop I den outfield I despues konsentrá den picheo.Den su promé aña den Wild Cats e ekipo aki a gana 6 wega I Tonchi a gana 5 di nan. Algun hungadó di e aña aki tabata Johny Alberto, Richenel Daal, Rumannan Felida, Leslie Welvaart. Na 1974 Wild Cats a titulá supkampion I na 1975 nan a sali kampion. Tonchi ta konta kon el a poncha e legendario Willie Pieters den di nobeno pa saka e ultimo out I Wild Cats a bira kampion di Korsou. Wild Cats a titulá kampion di Korsou I di Antia I mayoria be Tonchi a sali e hungado mas balioso. Na 1978 el a sali deportista maskulino di aña Na 1976 el a bai un tryout na Merka di 3 siman I despues srs George Steinbrenner, Mickey Manthe I Whitey Ford a bin Korsou pa purna di firma un kontrato kun’e. E.o. e miedo ku una bes bo firma profeshonal bo no por hasi ningun deporte amatur mas a pone ku e no a bai Merka. Na 1979 Tonchi a bai Royal Scorpions I a hunga 2 di e 4 bueltanan di e kampionato. Via Tom Hofstede el a bai reforsá e ekipo di Haarlem, Kinheim, ku tabatin mester di un pitcher pa yudanan keda den hoofdklasse. El a keda 3 luna Hulanda. Kinheim tabata kampion na 1978 I Tonchi a partisipá ku Kinheim den wega pa Kopa Europeo na Italia. Tonchi a gana 1 wega. Tonchi a regresá net na ora pa yuda Royal Scorpions den play off pa nan bira kampion. Royal Scorpions a titulá kampion Antiano tambe. Na 1980 el a regresá Wild Cats I titulá kampion. Dor di un leshon na su brasa e tabata picha menos I el a konsentrá mas riba bateo.Tambe el a fungi komo coach di picheo. Rond di aña 1980 el a retirá komo hungadó aktivo. Weganan internashonal I interinsular. Na 1972 komo kampion eskolar el a bai Aruba. Na 1972: Aruba a gana e weganan di klasifikashon pa forma e selekshon Antiano I Aruba a skohe 7 refuerso di Korsou e.o. Willy Pieters, Rafi Jozefa, Richard Moesker, Fichi Fleming I Antonio Keller. Na 1972 den Haarlemse Honkbalweek Korsou a gana Italia 3-2 ku Tonchi komo picher ganadó. Na 1973 den weganan di klasifikashon entre Aruba I Korsou, best of five, Tonchi a gana tur e tres weganan ku el a picha. Bou di maneho di Mona Cornelia nan a partisipá na un kampionato internashonal. Na 1974 Tonchi a regorsá Cement Coro (Santa Rosa) durante un torneo na Valencia, Venezuela. Na 1978 e selekshon Antiano a partisipá na e C.A.C. na Medellin, Colombia I Tonchi a gana e uniko wega ku un blankeo riba Colombia. Tonchi ta korda e wega di beisbol entre Wild Cats I Royal Scorpions den stadion di SDK na 1980. Wild Cats a titulá kampion den un wega ku a kibra e rekort di asistensha. Tonchi ta nombra algun top beisbolista e.o. Rafi Jozefa, Fichi Fleming, Willy Pieters, Lipo Elhage, Lichito Kelly. Rekonosimentu. Tonchi a risibi masha hopi premio mes e.o. Deportista di aña 1977 I kampion picher na 1979. Rekonosimentu di Festival di Bario na 2016; Plaka di merito di bario di Brievengat pa su logronan I eksito den beisbol; na 1979 e tabata kampion empuhador durante e kampionato Antiano; Tambe Klup Boneriano a duné un plaka pa su aporte na beisbol; Febeko a dun’e un plaka di merito na 2001 I a instituí un “Premio Antonio Keller”. Paisnan ku el a hasi deporte: Mexico, Venezuela, Hulanda, Italia, Aruba, Cuba, Sint Maarten, Merka, Colombia.
Alvin Fléming Papiamentu Alvin Alfred Fléming, mihó konosí komo Fichi (Beisbol) Deportista/Dirigente a nasé dia 26 di yanüari 1948. na Palu Blanku Fichi (esei ta su nòmber di kariño) Ku 10 aña di edat Fichi a bai biba den Monte Carmelo Dia Fichi tabatin mas o menos 12 aña di edat, e i su amigunan a forma un ekipo di baseball ku nan a yama “Monte Carmelo Braves” i ku e ekipo aki nan tabata hunga kontra ekiponan di e.o. Suffisant – Dein – Kanga – Normandie i Buena Vista. Na aña 1964 Fichi a bai forma parti di e ekipo di baseball Jong Curaçao den clase A Na aña 1965 Fichi a pasa pa e ekipo di Blue Hawks den clase doble A, ekipo den kwal ela hunga te dia ela retira na aña 1979. For di aña 1970 te ku dia ela retira ela retira, Fichi a hunga 3ra base den tur selekshon tantu di Korsou komo di Antias Hulandes i tambe ela reforsa diferente ekipo lokal tantu na Korsou komo den Exterior hungando 3ra base. Fichi a representa Antiyas den 6 Juegos Sentro Americano y del Caribe … na 1978 (komo hungador) i 1982 ;86 ;90 ;93 ;98 komo sea entrenador coach of manager. Fichi a representa Antiyas den 5 Kampeonato Mundial 1970/1971/1973 komo hungador i 1984 i 1986 komo entrenador /coach Fichi a representa Antiyas den 4 Juegos Pan Americanos 1983/1987/1991/1995 sea komo entrenador/coach of manager) Fichi a hunga softball tambe den e equipo di Paradise (Indju Country Club) Den softball tambe Fichi a representa Korsou i Antias den torneonan regional na diferente okashon e.o. 1968 Sto Domingo – 1969 St Thomas – 1970 Korsou – 1977 Mexico Na aña 1979, gracias na intervenshon di sr. Lipo Elhage i sr Errol Cova, Fichi a bai Springfield College kaminda ela sigi un kurso di Entrenador di Baseball Na aña 1980, Fichi ku asistencia di defuntu Soof Antonia a tuma e ekipo di baseball hubenil Augustinus ku tabata konsisti di hungadornan di Suffisant i besindario na su enkargo Na añanan 1980 i 1981 e ekipo di Augustinus a titula kampion di Korsou (eseinan tabata e añanan di mayor satisfakshon pa Fichi komo entrenador/manager) For di aña 1982 te ku resientemente Fichi a dirigi diferente equipo di doble A ku ela logra hinka den playoff kasi tur aña i tambe ela forma parti di selekshon di Korsou i Antiyas te ku aña 1998 komo coach – entrenador i tambe manager. Komo trahador di SEDREKO Fichi a duna asistencia tekniko na diferente ekipo i skolnan ku a hasi petishon pesei i tambe huntu ku Taffy de Jongh ela duna diferente kurso basiko pa Entrenador di baseball/softball. Di 2007 pa 2009 bou di presidencia di sr Armin Konket, Fichi a fungi komo Direktor Tecnico di e selekshon di baseball di Korsou. Fichi a forma parti di e selekshon di baseball di Weganan di Reino 1979 i 1981 komo entrenador/coach. Na aña 2003 Fichi a okupa e funshon di Hefe di Delegacion di e selekshon di baseball den Weganan di Reino na Aruba Kampionato Pan Americano Hubenil 2003 i 2011 (entrenador /coach) Na aña 2001 Fichi a fungi komo coach di e ekipo Amsterdam Pirates den baseball Hulandes. Na aña 2004 riba invitashon di e organisashon di baseball/softball “ Ban Topa “ di Amsterdam Fichi a bai duna un kurso di entrenador/coach di baseball/softball na Hulanda. Di aña 2003 pa 2011 Fichi a forma parti di e Comision Tecnica de Menores di Confederacion Pan Americano de Baseball (COPABE) durante kwal periodo ela fungi komo Comisario Tecnico na diferente torneo di COPABE i hasta un bia komo Director di un torneo infantil na Nicaragua. Algun logro komo hungador: 1970 – Kampion di Korsou i Antiyas ku Blue Hawks 1972 – Hungador mas valioso di Haarlemse Honkbalweek (Hulanda) 1976 – Kampion bate di Korsou 1977 – Lider di homerun i líder di kareda empuhá di Korsou Algun logro komo entrenador /coach of manager: 1980 – Kampion Hubenil di Korsou ku Augustinus (entrenador/manager) 1981 – Kampion Hubenil di Korsou ku Augustinus (entrenador/manager) 1982 – Medaya di Brons na Weganan Sentro American y del Caribe na Cuba (coach) 1986 – Medaya di Plata na Weganan Sentro Americano y del Caribe na Sto Domingo (entrenador) 1994 – Kampion di Korsou ku Wildcats (entrenador/manager) 1994 – Medaya di oro na Weganan di Sur America (ODESUR) na Venezuela (entrenador/manager) 1994 – Personahe di aña di e kolumna di Sr. Ricardo Isebia Mester apunta ku e aña di mas eksitoso di Fichi komo manager tabata 1994. Wildcats a gana su 8 ultimo weganan di kampionato regular pa logra klasifika pa playoff …. Gana 7 wega sigí den playoff pa titula kampion di Korsou pa un total di 15 wega sigí ganá Despues di esei Fichi komo manager di Selekshon di Korsou a gana e 2 prome weganan di un serie best of 3 pa gana e derecho di forma Selekshon di Antias. (e weganan ganá konsekutivo a bira 17) Despues di esei komo manager di Selekshon di Antiyas Fichi a gana e prome 5 weganan den e torneo ODESUR pa kompleta 22 wega oficial sigí ganá riba su nòmber i tambe gana medalla di oro pa prome bia den un torneo regional ku un selekshon
Heraclio Henriquez Papiamentu Heraclio Marco Perfecto Henriquez, (Beisbol) Dirigente Atministrativo. mihó konosí komo Aco, a nasé dia 18 di aprel 1927. Aco a kuminsá su karera den e mundo deportivo na aña 1955 komo miembro di direktiva di “Curaçaosche Baseball Assosiatie”, den mesun aña Aco a wòrdu eligí komo miembro di direktiva di Chicago Baseball Club. Despues Aco a okupá vários funshon importante den beisbòl. • 1965 ko fundadó di N.A.B.A.F.E. i alabes delegado na kongreso mundial di A.I.N.B.A. na Cartagena, Colombia, • 1968 Aco a keda eligí komo vise presidente di C.B.A., • 1972Presidente di C.B.A., • 1973 Riba invitashon di Miami Florida University Baseball Club, Aco ta kompañá gezaghebber Martina i diputado Rozendal, ámbos di felis memoria, pa Merka • 1973 Direktiva di C.B.A. ta organisá su promé torneo hubenil, • 1974 Eligí komo tesorero di A.I.N.B.A. na Panama City, • 1975 Invitashon pa New York Yankees bini Kòrsou, • 1976 Nombrá komo miembro di direktiva den konseho di deporte, • 1978 A invitá Charly Lou komo instruktor di bate komo wéspet di C.B.A., • 1979 Eligí komo presidente di N.A.B.A.F.E., • 1980 Komo delegado di N.A.B.A.F.E. pa kongreso mundial na Tokio, • 1981 Eligí komo miembro di direktiva di N.A.O.C., • 1982 Delegado pa N.A.B.A.F.E. pa Seoul, Korea, • 1983 Miembro di direktiva di Stichting Koninkrijk Sport Liga, • 1984 Sèrtifikado di A.I.N.B.A risibí dor di Sr. E Smit, Koningklijke onderscheiding ontvangen; Ridder in orde van oranje Nassau in goud • 1985 Miembro di direktiva di Curaçao Little League, • 1986 – 1992 presidente di F.E.B.E.K.O., • 1986 – 1992 presidente di N.A.B.A.F.E. • 1987 – 2002 presidente Federashon Sentronan di Bario Korsou • mei 1994 /mei 2003Miembro F.A.J Federatie Antilliaanse Jeugdzorg.
Ricardo Elhage Papiaments Ricardo Elhage Nòmber : Ricardo Elhage Fecha Nasementu : 30 ougùstùs 1931 Lugá : Kòrsou Deporte : deportista/ dirigente Beisbol A drenta salon di fama na 2009 Sr. Ricardo Tabata kasa, den kual matrimonio a nase 7 yu’i. Kuater (4) yu’i muhé i tres (3) yu’i hòmber. Pa algun aña sr. Ricardo Elhage a fungí komo hefe na “Buro Nederlandse Antillen Sportaangelegenheden”. E tabata “Ministro di Edukashon, Deportivo, Kultura i Rekreashon di Antia Hulandes. Sr. Ricardo Elhage, a práktika “Basketbòl i Baseball”. E logro mas grandi deportivo di sr. Ricardo Elhage ta ku e la traha “Tio Daou Ballpark”. Sr. Ricardo Elhage tabata presidente di: NAOC, NABAFE i FEBEKO i tambe miembro di: IBA, ODECABE i COPABE. Aktualmente sr. Ricardo Elhage ta presidente di: Sta. Rosa Indians Baseball Club i Stichting Tio Daou Ballpark Sr. Ricardo Elhage, a haña e siguiente kondekorashonnan: • Ridder in de Orde van de Nederlandse Leeuw • Gouden Medaille Europees Parlement • Orden de Andres Bello Primera Clase • Olympic Order
Rafael Jozefa Papiaments Nòmber : Rafaël Fernando ”Raffy” Jozefa Fecha Nasementu : 1 mart 1950 Lugá : Aruba Deporte : Beisbòl A drenta salon di fama na 1994 Rafael Fernando Jozefa mihó konosí komo Raffy Jozefa a kuminsá su karera di beisbòl na Aruba den Little League di U.S. Keds. Na aña 1967 el a subi pa Beisbòl Klase AA hungando pa e ekipo di Heineken di Aruba. Su Promé aktuashon den representashon di Antia tabata na aña 1968 na Hulanda i Italia. Na 1979 Raffy ta logra su promé tripel korona ku BBC Royal Skorpions. Kampeon di Kòrsou i Antia. Den e aña ei Raffy ta kibra su mes record di homerun ku 16. Den 19 temporada di beisbòl na Kòrsou Raffy a sali Lider di bateo ( 9 biaha) Lider den homerun (8 biaha) Lider den kareda empuhá (11 biaha) Raffy a forma parti di e Selekshon di Aruba for di 1967 te ku 1969. Di esun di Kòrsou for di 1970 te ku 1988 i pa e selekshon di Antia Raffy a hunga for di 1967 te ku 1988. Na Aruba na aña 1970 Raffy a wòrdu Selekshoná tantu pa forma parti di Selekshon di Beisbòl komo esun di vòlibòl. Finalmente el a opta pa keda ku beisbòl. Distinshon risibí: _ Plaka di mérito otorgá pa FEBEKO _ Plaka di mérito otorgá pa Z-86 _ Plaka di mérito otorgá pa Radio Hoyer _ Plaka di mérito otorgá pa BBC Sta .Rosa Indians _ Plaka di mérito otorgá pa BBC Wild Cats _ Plaka di mérito otorgá pa Royal Scorpions
Wilfred Pietersz Nòmber: Wilfred (Willie) Pietersz Fecha Nasementu: 17 november 1935 Lugá: Korsou Deporte: Beisbòl Fayesé: 2 februari 1978 A drenta salon di fama 1985 Mr. Baseball DOUBLE YOU Hungadó di Baseball Aktivo den Añanan 1961 – 1977 Miembro di Royal Scorpions B.B.C. Logronan riba tereno, ta masha importante pa kualkier deportista. Ta nan ta pone e espektador haña atenshon pa su persona i asina ta konvertié den un ídolo. Pero igualmente ta di importansia, ku e logronan riba tereno di wega, ta kompaña pa ehèmpelnan di dedikashon, disiplina i kompañerismo. E introdukshon kòrtiku ku nos a kaba di presentá, ta pa siguí e presentashon di WILLIE PIETERS, hungadó di beisbòl, miembro aktivo ROYAL SCORPIONS BASEBALL CLUB na momentu di su morto trágiko dia 2 di febrüari 1978. Mas òf ménos 16 aña WILLIE PIETERS a militá aktivamente den klase superior di beisbòl i kada klasifiká den grupo di hungadó, ku a destaká, sea de kampeonato regular òf torneo lokal, interinsular òf internashonal . Aunke e rekuerdo di su hazañanan ta bibu ainda den memoria i mayoria di esnan presente aki, nos ta haña ku ta nesesario menshoná algun di su logronan, a fin di duna konstansia di eseinan i asina hustifiká ku datonan, e motibu ku a skohé pa forma parti di nos SALON DI FAMA . Sí t’asina ku e datonan ku nos ta duna no ta kompleto, pe loke nos por suministrá, ya ta basta pa nos meta. Na aña 1965, Willy Pieters q.e.p.d. ta sali kampion bate di e torneo Beproma. E ta logra e distinshon aki, esta kampion bate di e kampeonato tambe na añanan 1967, 1968, 1969 i pa último bia na 1977. E ta sali komo kampeon di homerun na añanan 1970, 1974. Na aña 1968 e ta haña e distinshon di Most Valuable Player na aña 1972 mihó deportista di aña,. Di un aña, esta 1967, nos tin e datonan, ku ela logra e tripel korona, esta ku e tabata kampeon bate, mas hit konektá i mas kareda empuhá, ademas e tabatin mas homerun, doblete tripel i kareda anotá. Den e turneonan interinsular tambe Willy Pieters a destaká asina nos por menshoná ku ela forma parti dje tim ganadó di Firestone ku den dékada di 60 ta kohe e promé título di kampeon Antiano di Beisbòl. Pa loke Willy Pieters a logra riba terenonan internashonal nos tin di menshoná na promé lugá ku na aña 1970, durante e weganan Panamerikano, a Panamá, ku Antia pèrdiendo tur nan 8 weganan , e ta sali kampeon bate ku un averahe di 560 punto, entre e 162 partisipantenan. Na 1967 e ta haña e distinkshon di mihó hungadó dje torneo tené na Hulanda, pa na aña 1972 e resultá e hungadó ku mas homerun konektá dje torneo ku ta tuma lugá e aña ei. Na aña 1976, na okashon ku Curaçaose Baseball Associatie ta selebrá su 40 aña di exitensia, ku un torneo internashonal, e organisashon máximo ta dediká e torneo aki na Willy Pieters , komo rekonosementu pa su aporte n’e deporte. Apesar di tabata i ta loke prensa a denomin’é un supestar Willy Pieters a duna prueba di su dedikashon na su deporte stimá dor di sea, train klupnan, aktua komo umpire pa klasenan ménos den kategoria ku e ta partisipá aden i en general hasi tur loke ta na su alkanse, pa propaganda su deporte stimá. Mester pone aserka su kondukta ehemplar riba tereno i tambe pafó di esei, kaminda semper bai e ta un kompañero apresiá di su miembronan di ekipo òf di e selekshon, ku ta forma parti di dje. Su entusiasmo pe wega kompaña pa un sentido di humor, ta insitá esnan ku ta rondon’é, pa tende lo mehor riba tereno. Esaki en korto, ta loke nos por a trese dilanti awe na momentu ku nos designá WILLY PIETERS. komo miembro di nos SALA DI FAMA di deporte C.S.F.
Juan Isa Nòmber: Juan Isa Fecha Nasementu: 26 ougùstùs 1913 Lugá: Venezuela Deporte: Beisbòl Fayesé: 19 òktober 1993 A drenta salon di fama na 1985 Juan Isa a nase 26 di ougùstùs 1913. Juan Isa mester wòrdu konsiderá komo un di e dirigentenan deportivo di Kòrsou ku a yega di okupá e puesto mas haltu den un federashon Internashonal di deporte kual ta e puesto di presidente di e federashon Internashonal di Beisbòl. Esaki sin duda mester wòrdu konsiderá un honor pa kualkier dirigente deportivo di un pais. Tantu na nivel Insular komo Antiano Juan a yega okupá diferente puesto importante den e diverso organisashonnan i asina a duna un aporte importante na desaroyo di deporte na Kòrsou. • Di aña 1954 te ku 1970 Juan Isa tabata presidente di FEBEKO. • Di aña 1954 te ku 1962 Juan tabata miembro di direktiva di N.A.B.L.O. • Di 1962 te ku 1983 Juan Isa tabata miembro di direktiva i N.A.O.C. di kual tabata presidente for di 1972 te 1983. • Di 1962 te awe sr.Isa ta presidente di Stichting Expliotatie Sporttereinen • Di 1966 te 1983 Juan tabata miembro di direktiva Koninkrijksport Liga . • Riba nivel antiano Juan Isa a forma parti di direktiva di N.A.B.A.F.E. di 1965 te 1974 di kual e último 4 añanan komo presidente. • Di 1968 te 1971 Juan Isa tabata presidente di Curacaose Sport Federatie i na nivel internashonal sr. Juan Isa a okupá komo úniko antiano e puesto di presidente di e Federashon i=Internashonal di beisbòl amatùr di 1969 te 1974. • Na 1979 Sr. Isa a bira miembro di Stichting Sporttereinen Brievengat.Nos mester menshoná tambe e hecho ku sr. Juan Isa tabata kofundador di diferente organisashon importante pa nos deporte, e.o. Nederlands Antilliaanse Olympische Comite, Stichting Expliotatie Sporttereinen ,Konkrijkksport Liga, N.A.B.A.F.E., C.S.F. i Curaçao Little League.
Ernest Smith Nòmber: Ernest Felix Smith Fecha Nasementu: 19 di novèmber 1923 Lugá: St. Lucia Fayesé: 4 sèptèmber 1982 Deporte: Umpire di Beisbòl A drenta salon di fama na 1985 Ernest Felix Smith a nase na St. Lucia dia 19 di novèmber 1923 i a bini Kòrsou dia 2 di febrüari di aña 1943. Dia 6 di mei 1949 Smith a bai biba na Aruba te 16 di sèptèmber 1950, dia ku el a bolbe bek Kòrsou i bai biba na Mahuma. Bibando serka banda di unda e ekipo Vesta tabata prosedé, Ernest Smith a bai yuda e ekipo di futbòl aki, defendiendo bou di e latanan komo un bon portero di e promé onsena te na aña 1956. Di aña 1956 bini ariba Ernest Felix Smith a dediká su mes prinsipalmente na e deporte Baseball, den kual el a partisipá tantu komo pelotero, dirigente tékniko den tur e fasetanan komo tal esta entrenadó, coach i manager, i alabes komo umpire, kual funshon el a ehersé i eksilá den dje pa 26 aña largu te 4 di sèptèmber 1982, dia ku el a fayesé. Siendo pelotero, Sr. Smith a aktua den e ekipo Chicago, komo dirigente tékniko el a funshoná komo entrenadó i manager den tantu Little League Senior League, klase A i AA pa vários aña. Alabes e tabata entrenadó i manager di selekshon di tantu Kòrsou komo Antia na vários okashon. Su kontribushon na konstrukshon di Little League Ball Park tabata valioso. Umpire for di aña 1956, Ernest Felix Smith tabata un dje luchadónan grandi pa organisá Curaçao Umpire and Scorer Association. E tabata un miembro kumplidó i dispuesto na yuda tur momento, tantu paden komo pafó di tereno, PA SU BON TRABOU TA KONSIDERE KOMO E MIHO UMPIRE KU KORSOU I ANTIA A KONOSÉ. Su presensia riba tereno tabata nifiká rèspèt. Smith a bira umpire internashonal na aña 1970 i a keda esaki te na ora di su morto. El a aktua na vários kampeonato mundial amatùr, weganan Panamericano, Sentro Amerikano i del Caribe i otro tipo di torneonan Internashonal.Despues di a kaba di aktua eksitosamente den weganan Centro Amerikano i del Caribe 1982 na Habana, Cuba, Smith mester a ninga un invitashon pa aktua den kampeonato Mundial Amatùr 1982 na Korea, komokiera ku su mama tabata sufri kebrante di salu. FEDERASHON MUNDIAL DI BASEBALL AMATEUR AINDA. tabata konsiderá Ernest Felix Smith komo un dje mihó umpirenan amatùr di mundu. Den su último kontribushon na su deporte preferí, dos dia promé ku su morto repentino dia 4-9-82, Smith a aktua komo chiefumpire den Play -Off Semi-final pa Kampeonato di Kòrsou 1982