Julius Hellberg Papiaments
Nòmber : Julius Oscar “Maracucho”Hellburg
Fecha Nasementu : 9 yüli 1930
Lugá : Maracaibo , Venezuela
Deporte : Sòftbòl/Umpire
Nashonalidat : Ulandes
A drenta salon di fama na 2009
Penshonado di Gobièrnu Sentral Empleado di gobièrnu durante 38 aña. A traha na diferente departamentu di Gobièrnu: Meteorologische Dienst, Postkantoor Curaçao i Centrale Directie der Posterijen, últimamente na Laboratorium voor de Volksgezondheid. Na Laboratorio den funshon di Administrateur.
Kasá ku Maria Ursula Hellburg-Maduro. For di e kasamentu aki a nasé 8 yu, 5 muhé i 3 hòmber, miéntras Julio tin otro 4 yu, 3 muhé i 1 hòmber
Introdukshon, periodo di beisbòl
Julio, na edat relativamente hóben a yega Kòrsou, ora su famia na aña 1936 a disidí bin biba na Kòrsou. Nan a bai biba den Otrobanda, den Rifwaterstraat. Den bario di Rif, pronto e hóben Julio a haña oportunidat pa sera konosí ku tur e hopi deportenan ku nan tabata práktika riba e terenonan di deporte na Rif. Henter siman despues di skol Julio tabata kore tras di tur sorto di bala riba Rif. Ku no ta bala di futbòl, tabata bala di beisbòl, òf bala di sòfbòl, òf bala di cricket, òf bala di tènis. E korementu tras di bala aki, kisas a pone e fundeshi pa e karera deportivo impreshonante ku Julio tabata destiná pa hunga den deporte di Kòrsou, di Antia Ulandes i internashonal. Kisas tabata koinsidensia òf suerte, ku Julio den su hubentut tabatin e oportunidat úniko di topa ku dirigentenan i deportistanan famoso i sobresaliente den nos deporte, manera frater Andreas di Sithoc, Don Nicho Hurtado, Sr. Juan Pablo Vivas, Sr. Bèto Adriana i Sr. Ergilio Hato, tur di felis memoria, Sr Sixto Vos-Rofina, Sr. Marcel Betrian, Sr. José Alfonso, tur ku di un òf otro manera a kontribuí den formashon di e briante karera di Julio “Maracucho” Hellburg.
Julio su bida deportivo aktivo a kuminsá mas ku 70 aña pasa, ora Sr. Juan Pablo Vivas, q.e.p.d., ku tabata biba banda di kas di famia Hellburg den Rifwaterstraat, i ku tabata hungadó di B.B.C. La Fama, tur djadumingu tabata bai wega di beisbòl den Dein òf Heintje Kool ku e hobensitu Julio, ku asina a bira “bat boy” di La Fama. Na skol, promé St. Vincentiusschool, Julio a kuminsá praktiká futbòl aktivamente den DOSKO, i despues e Ia pasa pa St. Thomas College, unda e konosido frater Andreas a tum’é bou di su tutela. Den Sithoc Julio a sigui ku futbòl i tambe a kuminsá ta praktiká beisbòl i sòfbòl. Banda di e deportenan ei, Julio tabata aktivo den tur deporte; ku nan tabata práktika riba Rif: Den Bargesbad: landamentu, basketbòl, tènis, riba vèltnan di deporte: atletismo, futbòl, beisbòl, sòfbòl, cricket, kòrfbal, gemnastik. Kisas ku práktika di e hopi deportenan aki, Julio konsiente òf inkonsientemente a buta e base pa un karera deportivo ku a hib’é na mas ku 20 pais diferente. Di Kòrsou pa Karibe, pa Sur Amérika, pa Sentro Amérika, pa Nort Amérika, pa Europa, pa Asia.
Julio a sa di establesé su mes den beisbòl na Kòrsou i den Antia komo un primera base di inigualabel kalidat defensivo, ku a dun’é nòmbernan manera “e artista de primera base” i “plastic man”. Asina impreshonante, asina espektakular, asina fuera di klase e wega defensivo di Julio tabata, ku e historiadónan deportivo, pa duna rekonosimentu i mérito na esaki, a haña nan obligá di trese un diferenshashon den e funshon na primera base. Asina e kronistanan deportivo ta papia di Julio Hellburg, komo e mihó primera base defensivo di tur tempu.
Periodo den sòfbòl i arbitrahe, 1944 en adelante
Pa straño ku por ta, apesar di tur e hazañanan di Julio den beisbòl, tòg ta su trabou i konosementu profundo di arbitrahe di sòfbòl ku a duna Julio fama i rekonosementu paden i pafó di Kòrsou i Antia. Un karera ku a kuminsá mas ku 70 aña pasá i durante kua, mas ku 40 aña e tabata den direkshon di arbitrahe di sòfbòl na Kòrsou, miéntras e tin aktualmente kasi 20 aña na kabes di arbitrahe den Amérika Latino i Karibe. Mas ku 60 aña di su bida aktivo Julio a dediká na sòfbòl i arbitrahe. 60 Aña, un bida humano ta pasa nos dilanti. Bida di un hòmber simpel i humilde, pero ku sin embargo ta resaltá pa e hopi trabou konsiensudo ku e la hasi inkansabel i desinteresá pa desaroyo di arbitrahe i anotashon di sòfbòl, i ku ademas ta imponé rèspèt pa su konosementu profundo di reglanan di sòfbòl i téknika di arbitrahe. Un hende ta atkirí e konosementu aki solamente, si e ta disponé di e talento pa uni ophetividat ku un filosofia alegre di bida.
No tin sufisiente palabra pa deskribí e briante karera di Julio den arbitrahe di sòfbòl. E karera el ta íntimamente ligá ku desaroyo i floresementu di nos sòfbòl i arbitrahe. Hopi di e hendenan ku tabatin e suerte di traha hopi serka di Julio, ta konsiente di e forsa grandi pero trankilo ku semper tabata sali for di e gran pionero aki. Julio semper tabata e dirigente, ku internamente tabata ser guia pa un kurason ku ta yen di sentimentu, pero ku sin embargo eksternamente tabata dominá e arte di kombiná kabes i kurason den un punto di bista ku tabata ophetivo, sin ku esaki e tabata ofendé e sensibilidat humano.
Julio banda di su konosementu profundo di regla di sòftbòl, téknika di arbitrahe i kapasidat grandi komo ùmpayer, ta poseé tambe e don di fantasia. Tabata hustamente e fantasia aki ku a permití Julio introdusí un sistema nobo den arbitrahe, dunando e persona di ùmpayer i e trabou di Umpayer un dimenshon nobo, un lugá propio den arbitrahe i wega moderno di sòfbòl, ku su estilo masha personal, pekuliar i bistoso di indiká straik i ponche. Julio Hellburg, a hiba su estilo rònt mundu; Area di Karibe, Sur Amérika, Amérika Sentral, Nort Amérika i Europa. Den mas ku 20 pais Julio a sa di imponé su estilo yamativo i alegre di arbitrahe, ganando rekonosimentu i fama na unda ku e Ia aktua. Den tur pais e fanatikada di sòfbòl tabata aploudí su estilo, i tur hende, ku a mir‘é traha komo ùmpayer, ki ora ku nan top’é tabata imitá su estilo di indiká straik den siñal di aprobashon i saludo.
Ta poko ùmpayer den historia largu di mas ku 100 aña di sòfbòl a bira asina popular serka fanátiko, hungadó i dirigente pa su aktuashon, miéntras ningun por presumí tantu nòmber di kariño ku e fanátikonan a dun’é, manera Julio tin. Ata algun di nan:
Bonaire : Do-re-mi
Colombia : Arbitro escalera
Pto Rico : Electric boogey
Merka : : The Riser
Venezuela : El Molino
Ulanda : Scheidsrechter met een vleugel
Scheidsrechter met een robot arm
Promé salida di Julio pa eksterior komo Umpayer
Lo tuma demasiado tempu pa duna un enumerashon di e hopi méritonan digno di menshon di Julio Hellburg. Sin embargo, lo ta bon pa para ketu un ratu na algun di e hopi éksitonan ku Julio a logra den arbitrahe di sòfbòl. Tabata na 1968 ku Julio ta keda nombrá pa señor Clovis Lodewijks, Presidente di Curaçaose Softball Bond, pa aktua komo Umpayer na un torneo di sòfbòl femenino na St. Thomas, Virgin Island. Na St. Thomas, Julio ta hasi gala di su gran kapasidat den arbitrahe, ganando simpatia i atmirashon di dirigente, fanátiko i hungadó, i no a straña ningun hende ora Julio a keda enkargá ku e wega final entre Kòrsou i St. Thomas V.I..
Julio ta bira asina e promé Umpayer di sòfbòl ku ofisialmente ta biaha pa eksterior pa dirigí wega. No tin duda ku e demostrashon di arbitrahe ku Julio a duna na St. Thomas, a habri e porta di arbitrahe internashonal pa ùmpayernan di Kòrsou. Julio, for di 1965, huntu ku señor Hubert Fleming q.e.p.d., riba inisiativa di señor Clovis Lodewijks, tabata duna lès den regla na ùmpayer di sòfbòl di Kòrsou. Pa hasi dunamentu di lès mas fásil, Julio a tuma riba su mes pa tradusí gran parti di e reglanan di sòfbòl na Papiamentu. Durante hopi aña Julio a sigui ku e famoso klínikanan riba regla den Zeemanshuis na Otrobanda, i despues den Landhuis Hel na Saliña. For di e klínikanan aki a sali hopi di e ùmpayernan internashonal ku kua Kòrsou tabata i ta konta: manera Silvio Leonora+, Willy Willems, Marcelino Barry+, Virgilio Poulina+, Gilbert Poulina, Oswin Ortela, Kenneth Bosk, Franklin Hermanus i Emaldo Henson.
Tambe e sekso femenino a haña preparashon den e klínikanan aki, for di kua a sali e promé dos ùmpayer femenino den historia di sòfbòl di Kòrsou, ku ta: sra. Donata Fullinck i sra. Grada Gosepa, i tambe e promé skordónan femenino manera: Donata, Grada, Uki, Sylvia, Sylvania, Jenny, Meredith, Diana i otronan.
Fundashon di un Asosiashon di Umpayer i Skordó
Den añanan setenta, Julio a mira e nesesidat pa organisá tur ùmpayer i skordó di sòfbòl den un asosiashon i huntu ku Willy Willems i Oswin Ortela e Ia lamta un asosiashon di Umpayer i skordó, bou di e nòmber di: “Umpire and Scorer Assosiation of Softball,(U.S.A.S.)”, miéntras e Ia bira su promé presidente. E interesnan di prinsipalmente e ùmpayernan tabata i ta ainda asina dividí, ku te awe Julio no por a logra e union ku tantu e ta anhelá den arbitrahe.
Promé kurso na Kòrsou pa formashon dl ùmpayer dl sòfbòl
Julio no a laga ningun di e hopi problemanan ku tin den deporte i arbitrahe di sòfbòl desanim’é i na 1984, riba inisiativa di Sr. Celfnied Homoet (q.e.p.d.), presidente di Asosiashon di Sòfbòl di Kòrsou i ku koperashon di Federashon di Deporte di Kòrsou a kuminsá ku e promé kurso rekonosé na Kòrsou pa formashon di Umpayer di sòfbòl. Mester tabata un momento di orguyo i satisfakshon profundo pa Julio, ora nba 27 di òktober 1984 den Zeilclub Asiento, e Ia entregá 13 ùmpayer diplomá na C.S.B. i dfto. sr. Homoet, ekspresando e deseo, ku e ùmpayernan diplomá aki, lo forma e base pa e infrastruktura di sòfbòl, ku Sr. Celfried Homoet+ tabatin asina tantu na pechu, i bira e plataforma for di kua arbitrahe di sòfbòl lo por operá den futuro.
Ku mas energia Julio a sigui ta profundisá den reglanan di sòfbòl i mekánika di arbitrahe. Ta manera e tabata sa, ku destino tabatin kosnan grandi prepará p’e den arbitrahe di sòfbòl i ku historia di sòfbòl tabatin su bista pone riba dje.
Promé Yu di Kòrsou/Antiano ku ta bira Umpire-In-Chief di un kampeonato internashonal
Añanan ochenta a bira e dékada di konsagrashon di Julio. Despues di aktuashonnan destaká komo ùmpayer na Venezuela, Puerto Rico i Colombia, señor Clovis Lodewijks den su funshon di Presidente di Konfederashon Panamerikano di Sòfbòl, CONPASA, ta nombra Julio, Umpire-In-Chief di e di II Kampeonato Panamerikano di Sòfbòl femenino na Lima, Perú. Julio ta bira asina e promé Yu di Kòrsou, e promé Antiano pa desempeñá e funshon haltu e importante aki, pero tambe di hopi responsabilidat. Julio a pasa su prueba di kandela ku éksito. Suerte, i no poko tabata esun di Julio, di tin un Yu di Kòrsou den persona di sr. Clovis Lodewijks den un funshon gerensial hopi haltu den sòfbòl mundial, ku sin duda a duna Julio e oportunidat i konfiansa pa subi riba e kaminda di arbitrahe internashonal. Un kaminda difísil i eksigente ku Julio a kana ku determinashon i siguransa, demostrando na tur momento i na tur kaminda su kapasidat di ùmpayer i kalidat di dirigente. Julio no a defroudá e konfiansa ku Sr. Lodewijks a depositá den dje. Ku mas energia i determinashon e Ia kuminsá traha riba un karera den arbitrahe, ku no tin su igual ni paden ni pafó di Kòrsou.
lnstruktor sertifiká pa ISF
Aña 1987 ta hiba Julio Indianapolis, Merka, komo asistente di Sr. Merle Butler den e di X Weganan Deportivo Panamerikano. Julio ta sobresalí den su funshon di árbitro-en-hefe asistente. No a tarda muchu ku Federashon Internashonal di Sòfbòl ta yama Julio pa otro funshon mas importante den arbitrahe di sòfbòl ora e keda nombrá instruktor ofisial pa arbitrahe di Federashon Internashonal di Sòfbòl.
Na novèmber 1987 na Repúblika Dominikano i mart 1988 na Guatemala Julio huntu ku Merle Butler ta dosente na e promé i di dos seminario internashonal pa arbitrahe di sòfbòl. Kisas ta bon pa mi splika un ratu, kiko ta un seminario.
Un seminario ta e kurso di nivel mas haltu di arbitrahe, kaminda ùmpayernan di sòfbòl, despues di pasa un eksamen den regla di wega di sòfbòl i téknika di arbitrahe por haña e titulo di Umpayer diplomá di Federashon Internashonal di Sòfbòl, e titulo mas haltu ku un ùmpayer por optené
Julio ku den pasado den diferente okashon a aktua komo árbitro-en-hefe den kampeonatonan internashonal di sòfbòl, semper den eksterior, na 1988, den e eksitoso kampeonato Sentro Amerikano i di Karibe(CONCACAS), organisá na Kòrsou, ta haña oportunidat pa awor dilanti di e pueblo di Kòrsou, demostrá su gran kapasidat di ùmpayer i dirigente, den funshon di árbitro-en-hefe di e grandioso evento aki.
Coppa Intercontinentale na Bussolengo, ltalia
Den 1989, Julio pa promé be den su largu i eksitoso karera ta bula frontera di nos kontinente i ta biaha pa Bussolengo, Verona, ltalia, pa partisipá komo ùmpayer den “Coppa Intercontinentale”.
Aki un be mas a keda demostrá, e fama di kua Julio ta gosa mundial den arbitrahe, ora den reunion tékniko di e prestigioso torneo aki, e keda nombrá árbitro-en-hefe. Durante dos dia Julio ta duna klínika na e ùmpayernan for di Merka, China, Taiwan, Italia, Oustralia, Ulanda i Puerto Rico, ku mester a partisipá den e torneo aki. Julio tabatin den e torneo aki un aktuashon sobresaliente ku a kondusí na su designashon komo e mihó ùmpayer di Coppa Intercontinentale. Apénas bèk for di Italia, ku ata Julio tin ku biaha pa Hondúras, pa durante un siman largu dirigí e Promé Kurso Internashonal di arbitrahe di sòfbòl na Tegucigalpa. Riba biahe di regreso pa Kòrsou Julio ta pasa Costa Rica unda e ta duna un klínika di dos dia na ùmpayernan di sòfbòl di e pais ei.
Nombramentu komo Intérprete di Regla di Sòfbòl pa Latino Amérika i Karibe
Den desèmber 1989 Julio ta biaha pa Paraná, Argentina, pa dirigí arbitrahe di e di
Ill Kampeonato Panamerikano di Sòfbòl maskulino den funshon di árbitro-en-hefe. Banda di a duna 3 dia di klínika na e Umpayernan ku a intervení den e kampeonato, Julio tabatin tambe ekselente aktuashon komo ùmpayer, dunando kátedra di arbitrahe den e finalísimo partido entre Merka i Canada. Na Argentina Julio ta logra e koronashon di su karera komo Umpayer, ora Presidente di Federashon Internashonal di Sòfbòl, Sr. Don Porter durante kongreso di Konfederashon Panamerikano di Sòfbòl selebrá na Paraná, Argentina, nombra Julio Intérprete di Regla i árbitro-en-hefe Regional di Federashon Internashonal di Sòfbòl pa área di Amérika Latino i Karibe. E funshon mas haltu den arbitrahe mundial despues di esun di e Direktor di Umpayer e Intérprete di Regla di FIS, Sr. Merle Butler.
Mihó Umpayer di sòfbòl di Kòrsou, i 3 biaha siguí “Hues di Aña”.
Ounke nan sa bisa, ku ningun hende ta profeta den su mes pais, tòg, deporte di Kòrsou no a keda sin rindi homenahe na Julio Oscar Hellburg pa su dedikashon kontinuo na, i logronan grandi den arbitrahe paden i pafó di Kòrsou. For di 1985 te 1989, durante 5 aña siguí, Asosiashon di Sòfbòl di Kòrsou ta nombra Julio komo e mihó ùmpayer di sòfbòl di aña, miéntras na 1987, 1988 i 1989, durante tres aña konsekutivo Julio a keda distinguí pa Curaçaose Sport Federatie ku premiashon di “HUES Dl AÑA”. E logro di Julio aki, no tin paralelo den arbitrahe di sòfbòl na Kòrsou.
Kondekorashon “RIDDER IN DE ORDE VAN ORANJE NASSAU”
Na 1988 Riba Aña di La Reina, ta komplasé Su Mahestat Reina Beatrix kondekorá Julio Oscar Hellburg “RIDDER IN DE ORDE VAN ORANJE NASSAU” pa e hopi i bon trabou ku Julio a desplegá pa su pais den su funshon di empleado públiko.
Distinguí ku C.SF. AWARD. Umpayer na Kampeonato Mundial di Sòfbòl
Na 1990, Julio ta biaha pa Aruba i Bonaire pa duna klínika na ùmpayernan di sòfbòl. Na aprel 1990 Julio ta keda distinguí ku e “C.S.F. Award” pa su dedikashon durante mas ku 25 aña komo dirigente deportivo. Na yüni, Julio ta logra un di su aspirashonnan mas grandi ora e keda nombrá komo Umpayer na e di VII Kampeonato Mundial di Sòfbòl femenino na Normal, Illinois, Merka. Aki Julio ta imponé su estilo bistoso i alegre di ùmpayá i ta bira un atrakshon na kampeonato mundial. Na ougùstùs Julio ta kuminsá na Kòrsou ku e di Ill Kurso pa Formashon di Umpayer di Sòfbòl bou di ouspisio di SEDREKO.
lnstruktor di Umpayer na Habana. Cuba – Proposishon pa kambio di reglanan di sòfbòl
Despues di un aña di relativo poko aktividat internashonal, 1991 ta bira un gran aña pa Julio. Den luna di mei, Julio ta haña e enkargo honroso pa biaha pa Cuba, e pais mas avansá den deporte den nos region, pa na Habana dirigí un klínika di arbitrahe di sòfbòl pa prepará e ùmpayernan kubano pa e weganan Panamerikano ku lo keda selebrá na Cuba. Na yüli 1991, Julio ta partisipá komo miembro di Komishon di Reglanan di wega, na e di XV Kongreso di Federashon Internashonal di Sòfbòl ku ta keda organisá na Kòrsou. Pa e Kongreso aki, Julio pa intermediashon di Federashon Antiano di Sòfbòl ta entregá 32 proposishon pa kambio di regla, di kua 19 ta keda aprobá.
Prome Umpire-In-Chief no-Merikano di Weganan Deportivo Panamerikano
Durante e di XI Weganan Deportivo Panamerikano selebrá na Habana, Cuba, Julio ta buta un eslabón importante mas na su briante karera, ora e keda nombrá árbitro-en-hefe di e weganan Panamerikano. Den e historia largu di Weganan Deportivo Panamerikano, semper ta un ùmpayer Merikano bon kalifiká i di hopi eksperensia ku tabata haña nombramentu komo árbitro-en-hefe. Julio pa su kapasidat di arbitrahe, eksperensia i pa su konosementu di regla i mekánika di arbitrahe ta kibra e tradishon aki, ora e bira e promé ùmpayer ku no ta Merikano, ku ta haña e honor di risibí nombramentu komo “Ümpire-In-Chief” di Weganan Deportivo Panamerikano di Cuba.
Korekshon di reglanan na Spañó i diferente klínika di arbitrahe
Den kuminsamentu di sèptèmber, Julio ta haña e enkargo di Federashon Internashonal di Sòfbòl pa korekshon di e redakshon di e reglanan nobo di sòfbòl tantu den e vershon Ingles komo Spañó. Despues di kumpli ku e enkargo aki, Julio un be mas ta biaha pa eksterior, pa Medellin, Colombia, kaminda durante un siman largu e ta duna lès den regla di sòfbòl i mekánika di arbitrahe na ùmpayernan di Sur Amérika.
Durante 1992, Julio ta dediká tempu den organisashon di klínika pa duna splikashon na e Umpayernan lokal riba e hopi kambionan den e reglanan nobo di sòfbòl i algun kambio den mekánika di arbitrahe. Na òktober Julio ta bai Guatemala pa dirigí e di Ill seminario pa arbitrahe di sòfbòl.
Seminario Valencia i Kongreso na Taiwan
1993 ta bira un aña di hopi aktividat pa Julio. Den luna di mart e tin ku biaha pa Valencia, Venezuela, pa dirigí e di IV seminario pa arbitrahe di sòfbòl. Na mei 1993, Julio ta asistí na e di XVI Kongreso di Federashon Internashonal di Sòfbòl na Taiwan komo miembro di Komishon di regla¬nan di wega. Na e Kongreso aki tambe Julio ta hasi 6 proposishon pa kambio di regla di wega, di kua 3 ta keda aprobá.
Julio na Ulanda i retiro for di arbitrahe internashonal aktivo
Den luna di yüni, Julio ta bal Quito, Ecuador, pa duna un klínika riba arbitrahe i tambe instrukshon riba téknika di pichamentu den sòfbòl. Julio no a kaba di yega drechi for di Ecuador, ku até na yüli, rumbo pa Haarlem, Ulanda, kaminda e ta partisipá komo ùmpayer den “Intercontinental Cup Haarlemse Softbal Week”. Julio ta impreshoná ku su estilo di indiká straik, i mesora nan ta dun’é e nòmber “scheidsrechter met een robot arm”.
Na Ulanda tabata momento di hopi alegria pa Julio, ora hopi mama i tata promé i despues di wega tabata trese nan yu pa fula e man drechi di Julio, p’asina kombensé nan ku no tabata trata di un “robot arm”. Pero tambe tabata momento di tristesa, ora Julio, den un seremonia emoshonal ku su koleganan ùmpayer ulandes, italiano i merikano a organisá p’e, a disidí di buta un punto tras di su briante karera di Umpayer internashonal aktivo.
Korekshon di reglanan di sòfbòl, i diferente biahanan pa eksterior
Pa motibu di e hopi diskrepansianan ku tabatin den e reglanan di wega den e vershon Ingles i Spañó, den ougùstùs, Julio ta risibí e enkargo di Federashon Internashonal di Sòfbòl, pa traha un tradukshon nobo di e vershon na Spañó ku ta kompletamente den liña ku e vershon na Ingles. Julio ta kumpli ku e enkargo aki na satisfakshon di Federashon Internashonal di Sòfbòl. Apénas, Julio a kaba ku e enkargo aki, ku até na kareda ku maleta pa bai Mexico. Na Mexico e ta dirigí e di V seminario pa arbitrahe di sòfbòl i despues ta drenta den su otro funshon di árbitro-en-hefe di e di IV Kampeonato Panamerikano di sòftbòl maskulino. Na novèmber, Julio ta biaha pa Puerto Rico pa dirigí e di VI seminario pa arbitrahe di sòfbòl i despues ta sirbi di delegado di selekshon femenino di sòfbòl antiano na di XII Weganan Sentro Amerikano i di Karibe.
Aña 1994 ‘n kuminsá drechi, ku den yanüari, Julio ta biaha pa eI Salvador, pa duna un klínika na Umpayernan di Amérika Sentral i pa dirigí arbitrahe di sòfbòl di e di V Weganan Sentro Amerikano den funshon di árbitro-en-hefe. Na yüni, Julio ta bai Bahia Blanca, na Argentina pa dirigí e di VII Seminario pa arbitrahe di sòfbòl i asina kuminsá prepará e ùmpayernan di Sur Amérika pa e Weganan Panamerikano di 1995 na Argentina. Julio a kuminsá 1994 ku biahamentu i ta sera aña ku biahamentu ora den desèmber e biaha pa Guatemala pa un be mas den funshon di árbitro-en-hefe dirigí arbitrahe di e di Ill kampeonato Panamerikano di sòftbòl femenino.
Proposishon pa kambionan di regla di sòfbòl i UIC na XII Weganan Deportivo Panamerikano
Estudio kontinuo di reglanan di wega di sòfbòl tin komo resultado ku Julio hopi be ta haña un òf otro motibu pa trese kambio den reglanan di sòfbòl. Pa e di XVII Kongreso di Federashon Internashonal di Sòfbòl ku a keda organisá den yüli 1995 na Puerto Rico, Julio a entrega 11 proposishon pa kambio di regla, di kua 7 a keda aprobá.
Na 1995 Julio ta biaha pa Paraná, Argentina, pa un be mas den funshon di árbitro-en-hefe dirigí arbitrahe di sòfbòl den e di XII Weganan Deportivo Panamerikano. Despues di regresá for di Argentina, Julio ta kuminsá ku e di Ill Kurso pa Formashon di Umpayer di Sòfbòl, bou di ouspisio di Gobièrnu di Kòrsou, SEDREKO. Den 1996, Sr. Matos, Presidente di Arubaanse Softball Bond ta manda buska Julio pa duna lès na e ùmpayernan ku mester partisipá den Kampeonato di Sòfbòl di Aruba. Durante 5 dia largu Julio ta duna klínika den regla i téknika di arbitrahe.
Sòfbòl Slo Pich i fundashon di FUSSOKO
Durante añanan 1996 pa 1999, Julio ta konsentrá su atenshon riba sòfbòl hubenil i sòfbòl eskolar. Banda di esei e ta duna oido na un apelashon ku Liganan di sòfbòl Slo Pich ta hasi na su persona pa yuda den e diferente komishonnan di e liganan i tambe pa duna konseho riba reglanan di wega, i reglamento di kampeonato.
Julio ta aktivo komo Árbitro-en-hefe i tambe Umpayer di Liga 40, Liga Tra’i Seru i Liga Van Engelen, i despues tambe Liga Uni Tur. Pa por trese un standarisashon den maneho di arbitrahe den Slo Pich, Julio ta funda un federashon di Umpayer i skordó di Slo Pich, bou di nòmber di: “FEDERASHON DI UMPAYER I SKORDO Dl SOFBOL SLO PICH Dl KORSOU, “FUSSOKO”, i ta bira su promé presidente.
Tradukshon reglanan ofisial di sòfbòl den Papiamentu
E hopi difikultatnan ku Julio a eksperensiá den su trayektoria den deporte di sòfbòl na Antia Ulandes i Aruba den konosementu i komprendimentu di reglanan di sòfbòl serka gran parti di deportista, tékniko i ùmpayer, na 1997 a índusí Julio pa tradusí na Papiamentu e Reglanan Ofisial di Sòfbòl di Federashon Internashonal di Sòfbòl. E tradukshon no tabata fásil, i despues di un trabou inmenso na 1998 e buki di regla na Papiamentu a keda publiká ekstraofisialmente. Na kuminsamentu di aña 2000 e buki di regla aki den nos lenga vernákulo a keda publiká ofisialmente. Julio a bisa semper, ku e buki di regla na Papiamentu lo ta e korona di mas balor riba su karera deportivo. Nos ta kere firmemente ku Julio ku e buki di Reglanan Ofisial di Sòfbòl na Papiamentu, a krea un monumento pa su mes den kua e ta inmortalisá su mes pa deporte di sòfbòl.
Orador na Simposio
Pa su konosementu profundo di historia i desaroyo di sòfbòl na Kòrsou, Julio ta haña un invitashon di S.B.C. Sigui Gosa, klup di kua e ta kofundador, pa ta orador na un simposio den kua e mester a elaborá riba e tópiko “SOFBOL SLO PICH, UN DEPORTE PAROTIN ?.
Julio den su manera karakterístiko a duna un eksposishon ekselente, i a mustra riba e transishon di sòfbòl Slo Pich na Kòrsou, di un deporte rekreativo pa un deporte kompetitivo i a base di sifra a mustra riba kresementu kuantitativo i kualitativo di Slo Pich.
Sekretario General di CONPASA
Den mes aña 1999, sr. Clovis Lodewijks, Presidente di CONPASA ta nombra Julio Sekretario General di e importante Confederaciôn Panamericana de Softbol. Den e funshon aki Julio ta biaha pa Winnipeg, Canada pa asistí na e di XIII Weganan Deportivo Panamerikano.
Aki Julio ta keda nombrá sekretario den e importante Komishon Tékniko, ku tin ku dirigí e weganan di sòfbòl di e weganan aki. Bèk for di Winnipeg, Canada, Julio ta bolbe keda elegí, den Direktiva di Curaçaose Softball Bond, i un biaha mas e ta pasa pa okupá e importante puesto di sekretario
Vershon nobo buki di regla na Spañó
Pa e konosementu ku Julio tin di reglanan di sòfbòl i pa su dominio di e.o. Spañó e Ingles, Julio ta kumpli ku un mandato hopi pisá di Federashon Internashonal di Sòfbòl pa koregí i revisá e Reglanan Ofisial di Sòfbòl den su vershon na Spañó pa aña 2000, i pa trese esaki den liña ku e vershon na Ingles.
Miembro di Salon di Fama di I.S.F.
Na 2001, Julio durante Kongreso di Federashon Internashonal di Sòfbòl na Tampa, Florida, U.S.A. unánimamente ta keda elihí pa drenta Salon di Fama di I.S.F. . Un aña despues na Kòrsou, durante seremonia di selebrashon di Hubileo di Oro di Asosiashon di Sòfbòl di Kòrsou, Julio ta keda introdusí pa Presidente i Sekretario General di Federashon Internashonal di Sòfbòl den Salon di Fama di I.S.F..
Den añanan 2000 Julio ta kontinuá ku su biahanan pa eksterior pa kumpli den su funshon tékniko, sea pa sirbi komo Umpire-In-Chief di Kampeonatonan Panamerikano; pa dirigí Seminarionan di Arbitrahe na Repúblika Dominikano, Puerto Rico, Colombia i Guatemala, òf sea den su funshon atministrativo Julio ta sirbi komo sekretario di Komishon Tékniko na Kampeonatonan Panamerikano na Santo Domingo, Rep. Dominikana; Maracay, Venezuela; Guatemala i Rio de Janeiro, Brasil.
Na 2007 Presidente Porter di ISF ta nombra Julio komo mediador di ISF pa solushoná un konflikto den organisashon di sòfbòl na Aruba. Den e funshon aki Julio tabatin ku biaha na diferente okashon pa Aruba, i ku satisfakshon por bisa ku tin progreso den e mediashon.
2008 ta marka pa Julio dos akontesimentu importante, ora den di X Kongreso di Konfederashon Panamerikano di Sòfbòl e keda elihí unánimamente komo Promé Vise Presidente di e Konfederashon aki, ku ta esun di mas grandi i prestigioso di Kontinente Merikano.
Algun luna despues Julio ta keda nombrá komo Miembro di Komishon Tékniko pa Weganan Olímpiko na Beijing China, i na ougùstùs 2008 Julio ta biaha pa China pa kumpli ku e trabou importante den Komishon Tékniko di Sòfbòl.
Periodo largu komo dirigente atministrativo
For di edat hóben Julio tabata enbolbí den trabou atministrativo di deporte. Julio fuera di tabata hungadó di B.B.C. Lucky Strike, tabata tambe sekretario di e klup aki. Mas despues Julio a bira sekretario tambe di su klup di futbòl di bario S.V. Riverside. Aki Julio a buta un base pa hasi karera komo un sekretario vitalisio den kasi tur organisashon deportivo i no deportivo di kua e tabata miembro.
For di 1948 te ku 2008, durante kasi 60 aña siguí, Julio tabata Sekretario na Kòrsou di diferente klup repartí e.o. den e siguiente organisashonnan: B.B.C. Lucky Strike; S.V. Riverside; S.B.C. Caballeros; S.B.C. Sigui Gosa; A.B.V.O.;Asosiashon di Sòfbòl di Kòrsou; Federashon di Sòfbòl di Antia Ulandes; Federashon di Deporte di Kòrsou, miéntras internashonal for di 1998 te ku 2008, kasi 10 aña, Julio tabata Sekretario General di Konfederashon Panamerikano di Sòfbòl. Na 2008 Julio a keda elihí Promé Vise Presidente di CONPASA i asina a yega un fin na e karera largu i eksitoso di Julio Sekretario. Na diferente okashon Julio tabata delegado prinsipal di selekshon femenino di Sòfbòl di Antia Ulandes na kampeonatonan regional di sòfbòl..
Sherry Sophia Veronica Howell 
Magdalena Conception Faneyt Papiamentu Nòmber : Magdalena Concepcion Faneyt mihó konosí komo Magda Fecha di nansementu : Kòrsou, 8 di desèmber 1952 Magda a práktika diferente deporte manera atletismo, vòlibòl, futbòl i sòftbòl i hasta na nivel haltu. Den tur e deportenan menshoná Magda a forma parti di selekshon di país. Atletismo i vòlibòl Magda tabata forma parti di e ekipo di Olympic. Tambe Magda a praktiká vòlibòl den Batta. Magda tabata un gran figura den atletismo den e disiplinanan di pusha bala di heru, bula haltu i tira sper. Den sòftbòl Magda a forma parti di Rising Trotters di Sam Bunting huntu ku e.o Yolanda Wespel. Pa futbòl Magda su ekipo tabata Mexico. Logronan di Magda ta hopi tantu lokal komo internashonal. 1974: medaya di bròns weganan CAC na Santo Domnigo; kampeon ku Rising Trotters; kampeon homerun. 1975: kampeon di sper di Antia; den selekshon di sòftbòl di CAC na Ponce; kampeonato lokal, kampeon bate ku averahe .500, lider base robá, nr. 2 den kareda anotá. 1976: den selekshon antiano di sòftbòl na El Salvador; medaya di oro di sòftbòl CONCACAS na El Salvador; lider kareda anotá den CONCACAS na El salvador; nr. 2 den bateo ku averahe di .483 na El Salvador; rèkòrt antiano den lansamentu di sper. 1977: den selekshon antiano di vòlibòl NORCECA na Santo Domingo; klasifiká pa weganan CAC pa lansamentu di sper na Méhiko. 1978: komo coach di sòftbòl little league ku rèkòrt di 3 título kampeon Latino Americano ku 2 título di kategoria little i unu di junior. (esaki ta durante añanan 2000 bin ariba) 1980: kampeon bate di kampeonato nashonal ku averahe di .429. 1981: kampeonato nashonal di sòftbòl: lider kareda empuhá, lider robo di base, 2do lugá kareda anotá i doblete.
Gustavo Enrico Martin de Jongh Papiamentu Nòmber : Gustavo Enrico Martin de Jongh mihó konosí komo Taffy Fecha di nansementu : Kòrsou, 25 di ougùstùs 1955 Taffy a praktiká futbòl, deportenan di tiru, bòkseo, sòftbòl i beisbòl, e tabata picher di Superstrike, Groot Kwartier Stars i Royal Scorpions. Taffy su ramonan di deporte ta beisbòl i sòftbòl. Taffy ta deportista, dirigente tékniko, periodista deportivo tantu na radio komo den korant. Ku su 21 aña Taffy a bira manager di Wild Cats Felipe II. Na aña1973 el a kuminsá ku Pichingolo Sòftbòl Team. Taffy a fungi 40 aña komo manager di Pichingolo i 42 aña komo manager di selekshon femenino di sòftbòl. Logronan di Taffy komo dirigente tékniko ta: 1974 kampeon klase A ku Pichingolo 1975 kampeon di Kòrsou double A ku Pichingolo 1975 – 1985 kampeon di Kòrsou ku Pichingolo pa 10 aña konsekutivo 1976 kampeon i medaya di oro ku selekshon di Antia na weganan CONCACAS ku selekshon femenino di Antia komo coach tersera base 1977 kampeon di Kòrsou ku Wild Cats Felipe II, kampeon di Antia ku Wild Cats Felipe II, tékniko di aña di Kòrsou 1978 kampeon selekshon húbenil femenino na Bahamas komo coach 1986 sup kampeon di Kòrsou ku Pichingolo 1989 coach di aña di Kòrsou 1992 sup kampeon di Kòrsou ku Pichingolo - medaya di plata i bròns na weganan CAC - sup kampeon Pan Americano ku selekshon hubenil - 4 lugá weganan Pan Americano na Bahamas - 2x kampeon i sup kampeon ku Pichingolo KIA i Pichingolo Nissan - 30 pa 31 aña kampeon di Kòrsou di 1975 te ku 2005/2006 Paisnan ku Taffy a bishitá ku sòftbòl: Hapon, Italia, Brasil, Canada, Perú, Merka i Ulanda Taffy a haña rekonosimentu di Honor di Curaçao Little League Softbòl.
Sylvanie Elaine Clarke Papiamentu Sylvanie Elaine Clarke a nasé dia 10 di febrüari 1959. For di edat hóben Sylvanie tabata aktivo den deporte di sòftbòl. Sylvanie a kuminsá hunga sòftbòl den Pichingolo. Na aña 1976 Sylvanie tabata den selekshon nashonal di Antias ku a sali kampeon na El Salvador. Na aña 1977 Sylvanie a sali deportista di aña. Sylvanie a bishitá diferente país formando parti di selekshon di Kòrsou na El Salvador, Venezuela, Colombia, Méhiko, Repúblika Dominikana, Estados Unidos, Peru, Ulanda, Cuba, Puerto Rico, Argentina, Guatemala. Sylvanie te un òf e hungadó ku pa mas largu tempu a forma parti di selekshonnan di Antias. Mayoria parti Sylvanie su karera komo sòftbolista el a pasa ku Pichingolo, pero tambe a forma parti di Blue Angels i Cardenales, tambe den Baranka ku tabata e team kaminda e tabata laborá. Na aña1995 Sylvanie ta pone un punto na su karera komo sòftbolista aktivo. Sylvanie den añanan 70 a kuminsá siña skor beisbòl. Serka señor Hubert Fleming, di felis memoria, el a profundusá den e material di “scoring”. Sylvanie mester a skuchá weganan di beisbòl na radio, skor e weganan i despues hiba nan pa Hubert koregí. Sylvanie a bai diferente tereno di bala tur djasabra pa praktiká “scoring”. Despues di a skor hopi wega di klase A, el a pasa pa skor beisbòl AA. Pa CUSCA Sylvanie a skor mas ku 10 aña, momentu ku CUSCA a stop, Sylvanie tambe a stop di skor beisbòl. Na aña 1993 Sylvanie a kuminsá duna lès di “scoring” riba petishon di señor Clovis Lodewijks. Hopi aña Sylvanie tabata e persona ku tabata saka sifra pa sòftbòl. Na aña 2004 presidente di FEBEKO señor Kenneth Gijsbertha a aserká Sylvanie pa saka sifra di beisbòl. Sylvanie a siguí hasi esaki tambe pa FEBEKO bou di presidensha di señores Armin Konket i Thakai Doran. Sylvanie a duna lès di “scoring” na mas ku 100 persona na Kòrsou, Aruba, Boneiru i St. Maarten. Na aña 2006 Sylvanie a duna seminario na Sao Paolo, Brasil, representando International Softball Federation, I.S.F. Na aña 2007 durante di un seminario na Panama, Sylvanie a risibí su sertifikado di “scorer” di International Baseball Federation, I.B.F. Awe Sylvanie ke yama un danki speshal na señores Clovis Lodewijks, Kenneth Gijsbertha, organisashonnan di Pichingolo, Blue Angels, Cardenales, CUSCA i Curaçao Sòftbòl Bond.
Esther Jansen Papiamentu Esther Etlyn Jansen, (Softbol) Deportista mihó konosí komo Jèt, a nasé dia 22 di aprel 1951. Na 1963 Sr. Ashton Gumbs Q.e.p.d. a funda sòftbòl klup Cardenales originalmente den bario di Parera i despues a amplia e klup ku algun damita mas di e barionan di Saliña i Steenrijk. Esther, su rumannan a dun’é e nòmber di kariño di “Jet”, ta bini di un famia di deportista ,tabatin 4 ruman aktivo riba tereno di deporte tantu den beisbòl komo sòftbòl. Jèt a kuminsá hunga sòftbòl na aña 1965 den S.B.C. Cardenales den kua klup e tabatin un ruman muhé tabata hunga. Sr. Ashton Gumbs, di felis memoria, su esfuersonan , asistí pa su coach sr. Sonny Martina a hasi ku Jèt a haña oportunidat pa desaroyá su talento i kapasidatnan deportivo ku a hiba Jèt na un karera deportivo hopi eksitoso tantu na Kòrsou komo den eksterior. Jèt a kuminsá hunga posishon di shòrt stòp, despues tersera base, picher, primera base i finalmente Jèt a bira un “all around player” den sòftbòl. Un di e poko hungadónan den sòfbòl di Kòrsou i Antia Ulandes ku por a hunga sòfbòl bon tur posishon. Jèt tabata sobresalí pa su fildeo impagabel, tirunan fuerte i sertero i un bateo temibel. Jèt, ku e sistema agresivo pero alegre ku e tabata hunga sòftbòl a kombèrtí den “spark plug” di S.B.C. Cardenales, i no a tarda muchu ku Jèt a pasa pa forma parti di selekshon di sòftbòl di Antia Ulandes. Esther “Jet” Jansen tabatin aktuashon sobresaliente i den no ménos ku 2 okashon na 1971 Kamp. CONCACAS na PTO Rico i na 1973 na Kamp. CONCACAS na Valenvia, Venezuela e ta keda proklamá komo MVP di kampeonato, miéntras el a sa tambe den tur dos okashon poderá di titulo di kampeon bate. Na 1976 na Kampeonato CONCAS na San Salvador tabatin aktuashon destaká ku a yuda Antia Ulandes konkista Medaya di Oro, miéntras Jet un biaha mas a sali kampeon bate i e hungadó ku mas “two base hit” bati. Huntu ku Aida, Esther ta e dos úniko hungadónan di Antia Ulandes ku tin riba nan nòmber dos “MVP Award” otorgá pa Confederashon Regional di Softbol, miéntras Esther Jansen den Kompetensia internashonal den no ménos ku 3 okashon a sa di konkista titulo Kampeon Bate Karera deportivo 1965-1998 1965 Afiliashon na sòftbòl klup Cardenales. 1967 Kondekorashon ku medaya di oro komo deportista femenino di aña. 1970 Promé finalista Reina di deporte (representante sòftbòl) 1970 Esther ku ekipo SBC Cardenales ta representá Korsou na St. Thomas Virgin Islands tèrminá na di tres lugá. 1971 Kondekorashon ku medaya di oro deportista femenino di aña pa di dos bes. 1971 Selekshon di Antia ta gana medaya di oro na Puerto Rico den kampeonato C.A.C. Esther ta gana e titulo di hungadó mas destaká di C.A.C. 1973 Selekshon di Antia ta gana medaya di plata na Venezuela den di dos kampeonato C.A.C. Esther ta gana e titulo di hungadó mas destaká pa di dos bes i ta Sali tambe kampeon bate. 1973 Dirigente di S.B.C. Cardenales ta pone konfiansa den Esther i ta nombr’é kapitan di ekipo. 1974 Esther ta forma parti di selekshon di Antia pa e di 12 weganan C.A.C. na Sto. Domingo , Antia ta keda na di tres lugá ganando medaya di bròns. 1976 Selekshon di Antia ta gana medaya di oro na El Salvador durante di tres kampeonato C.A.C. 1978 Selekshon di Antia ta biaha pa Colombia. 1978 Esther ta risibí plaka di mérito pa trabounan inkansa-bel na interes di sòftbòl di C.D.M. 1979 Esther ta biaha ku S.B.C. Cardinales pa St. Maarten pa un torneo di Antia Hulandes i ta keda n di dos lugá. 1983 Plaka di mérito otorgá dor di SITEK komo miembro dediká na deporte pa mas ku 10 aña. 1983 Na 1983, Esther “Jèt” Jansen a base di su eksperensia komo un deportista femenino eksitoso ta haña invitashon pa ta oradó na un simposio di deporte organisá pa SEDREKO i CSF den oula di Universidat di Antia Ulandes den kua “Jèt” tabatin ku elaborá riba e tema: “E hende muhé den Deporte”. Esther “Jèt” Jansen a laga un bon impreshon atras ku su konferensia. 1985 Partisipashon na weganan interinsular na Aruba Esther i su ekipo ta titulá sub. kampion. 1986 Esther huntu ku su ekipo S.B.C. Cardenales ta titulá kampion di Korsou poniendo un fin na e racha di viktoria di Pichingolo. 1987. Esther huntu ku su ekipo ta titulá sup kampion di Korsou. 1988 Na 1988 Esther “Jèt” Jansen ta bira e promé hungadó femenino di sòfbòl ku ta bira mènedjer di un klup di sòfbòl den klase AA. Banda di esei “Jèt” ta demostrá di ta un persona polifasétiko ora e kambia bate i wante pa mikrofon i bira e promé komentarista femenino deportivo na Kòrsou durante e eksitoso kampeonato C.A.C. organisá na Kòrsou.. 1990 Plaka mérito otorgá dor di bario di Parera komo promé dirigente femenino. 1991 Medayista di plata ku e ekipo di Cardenales. 1993 Plaka di mérito otorgá dor di SBC Hell Angels pa aporte durante torneo organisá. 1995 Na 1995, e biaha aki na Ulanda durante “Haarlemse Honkbal Week”, Esther “Jèt” Jansen ta fungi komo komentarista deportivo na radio. 1998 Na 1998, Esther “Jèt” Jansen, ta kologá wante, bate i spaik, i ofisialmente ta buta un punto final tras di un karera impreshonante den sòfbòl ku a kuminsá mas ku 30 aña pasá 2002 Esther ta risibí plaka konmemorativo na okashon di 50 aña di eksistensha di C.S.B. 2014 Esther ta drenta Salon di Fama di CSOF.
Soraida Juliana Papiaments Soraida Eretilia Juliana Fecha Nasementu : 18 yuli 1960 Lugá : Kòrsou Deporte : Sòftbòl A drenta salon di fama na 2009 For di aña 1973, Soraida ta forma parti di e tim resien funda “Pichingolo”. For di aña 1976 te ku 1991, Soraida a hunga den klase dobl’é A den e ekipo di “Pichingolo”. Ku e klup aki, Soraida a bira kampion 17 biaha den 18 aña. Na aña 1988, Soraida tabata ganadó mayoria di premio individual den Kampionato Centro Amerikano i Del Caribe na Kòrsou. Na aña 1988-1999, Soraida a Sali kampion invikto despues di a pèrdè titulo e promé aña, kampionnan di Antia ku “Pichingolo”. Na aña 1991, Soraida a stòp di hunga bala pero a regresá den 1994, kaminda e la hunga solamente den Kopa di Reino den 1994. Na aña 1995, Soraida a partisipá na Kampeonato di Softball Dobl’é A. Añanan históriko di Soraida • 1975 Kampion bate klase A • 1976 Nominado pa deportista Hubenil di aña International Medaya di oro Kampionato Sentro Amerikano i di Karibe na San Salbador • 1978 Hungadó mas valioso AA Kampion picher International Partisipashon den selekshon na Medellin Colombia (C.A.C.) • 1979 Hungadó mas valioso AA Kampion picher AA International Kampion Hit Kampion doblete Porsentahe Hits atmití Kampion slugging Medaya di bròns ku selekshon Hubenil na Mexico City • 1981 Hungadó mas valioso AA Kampion picher AA Kampion honronero AA • 1982 Kampion picher i mas valioso International Partisipashon den selekshon na Sonora, Mexico i Cuba 8 di yanüari 1983; No hit, no run tira riba Normal Illinios, na Sabana Ball Park • 1983 Hungado mas valioso AA Kampion picher AA Kampion honronero AA Kampion bate Triple Korona international Promé dama pa dal homerun over di fence di e parke Polideportivo na Maracau (Venezuela) kontra picher Betty Segara di Puerto Rico. • 1988 Deportista di aña (senior) otorgá pa CSF • 1995 Laurel di oro, komo muestra di rekonosimentu. Rekòrtnan Internashonal: • 1984 International Medaya di bròns na Puerto Rico (C.A.C.) • 1986 International Partisipashon na weganan Sentro Amerikano i di Karibe na Santiago, Repúblika Dominikana • 1987 Kampion honronero AA International Partisipashon na weganan Panamerikano na Indianapolis, Merka Subkampion bate Mas kareda empuhá Kampion honronero na kampionato Panamerikano na Perú Medaya di bròns • 1988 Hungadó mas valioso AA Kampion honronero AA International Kampion bate Kampion kareda empuhá Hungadó mas valioso Kampion doblete konektá Kampion slugging Kampion tripel na kampionato Sentro Amerikano i di Karibe na Kòrsou Medaya di plata • 1989 Partisipashon na kampionato Interkontinental na Verona, Italia • 1990 Kampion bate AA ] Hungadó mas valioso AA ] Tripel korona Kampion honronero AA Nominado pa deportista di aña Plaka di mérito otorgá pa BC Buena Vista komo dama mas destaká den sòftbòl International Partisipashon na e di 7 kampionato Mundial na Normal Illinois, Merka • 1992 Promé dama pa saka bala over de fence den leftfield di Suvek Ball Park (Sòftbòl intergubernamental) • 1993 International Medaya bròns na Puerto Rico Modified pich Panamerikano • 1994 Kampion Kopa di Reino (Pichingolo) • 1995 Plaka di mérito otorgá pa SEDREKO i Tele Curacao pa bon trabou hasi na bienestar di hubentut. Kampion bate AA Kampion honronero AA Kampion tripel korona Kampion kareda empuhá 4 òktober 1995: Un rekòrt di dos homerun den un wega kontra e picher di Rissing Trotters ku ta Jacqueline Sophia. Logronan komo tékniko: • 1989 Kampion klase B ku Pichingolo chikí Pichingolo a promové pa klase A Sub-kampion ku selekshon di softball hubenil na Puerto Rico • 1990 Pichingolo chikí sub-kampion klase A • 1991 Pichingolo chikí kampion klase A i a promove pa klase AA • 1992 Kampion Liga Vruminga ku Budget Video Kampion Little League ku Kiwanis • 1993 Kampion Liga Vruminga ku Las Palmas Kampion Little League ku Kiwanis Terser puesto na Panamá ku selekshon di Little League Di tres lugá Latino Amerikano beisbòl L.L. na Panamá • 1995 Kampion Little League Ku Kiwanis Na aña 1995, Soraida ta retirá ofisialmente for di SoftbolKompetitivo Na aña 2001, Soraida ta kuminsá ku liga streanan di ayera. (slow pich) Na aña 2001 The Champions Sub-kampion Na aña 2002 The Champions Kampion Na aña 2003 The Champions Sub-kampion Na aña 2004 The Champions, terser lugá “Kampion Picher 5-1” Na aña 2006 The Champions Leage “liga 35+”(picheo Modifiká) Na aña 2006 The Champions di tres lugá Na aña 2007 The Champions kampion Na aña 2008 The Champions terser lugá “Kampion Picher 6-0” Na aña 2002 The Champions a organisá e promé Dutch Caribbean Lady Sòftbòl Tournemant Na aña 2002 Kòrsou, The Shampiòn “Kampion “MVP” Na aña 2003 St. Maarten, The Champions, Kampion “Kampion Bate” Na aña 2004 Boneiru, The Champions “Kampion” Na aña 2005 Aruba, The Champions “Kampion” Na aña 2006 Kòrsou, The Champions “Kampion” Na aña 2007 Boneiru, The Champions “Sub-Kampion” Na aña 2008 Aruba, The Champions “Sub-Kampion” Na aña 2002, 18 di mei Curaçaose “Little League Sòftbòl ta nombra promé kampionato Little League “Liga Soraida Juliana”
Ramoldo Martis Papiaments Romoldo Cristino Martis Nòmber : Romoldo Cristino Martis Fecha Nasementu : 31 mei 1945 Lugá : Kòrsou Deporte : Sòftbòl A drenta salon di fama na 1997 Na aña 1960 Romoldo Martis na edat di 15 aña a kuminsá práktika e ramo di deporte di sòftbòl ku su amigunan.Na 1991 e ta bira kofundador di e klup di sòftbòl Sta. Rosa White Sox/Presto Light Na 1962 e klup ta partisipá pa promé biaha na kampionato ofisial di sòftbòl. Den su promé aña Romoldo a kuminsá hunga n’e posishon di 2da base y shortstop i despues a bira Apicher kual posishon el okupá durante 20 aña largu. Komo picher el a logra tur su éksitonan tantu riba nivel lokal komo internashonal. Su promé kontakto ku picheo tabata na aña 1966 ku na Venezuela e Gerente General di Banko Metroplolitano, Señor Molina siñ’é algu di picheo na momento ku su ekipo Sta. Rosa White Sox/Cockspur tabata di bishita na e pais aki pa realisá algun wega amistoso. Despues di su regreso na Kòrsou, Romoldo a sigui desaroyá riba su mes y ku boluntat y dedikashon e la bira un di nos mehor pichernan di sòftbòl maskulino ku a haña rekonosimentu tantu lokal komo internashonal. Durante su karera komo picher, Romoldo a logra hiba su klup na e titulo kampionil, tantu di Kòrsou komo di Antia y na nivel internashonal Romoldo a logra gana 3 medaya : 2 di Oro y 1 di Plata. Na 1978 na Medellin-Colombia, tabata Romoldo su labor ku a pone ku Antia a gana Medaya di Oro den e Weganan Sentro Amerikano y di Karibe. Na 1983 na Cartegena-Colombia, Romoldo a pone ku Antias ta gana Medaya di Plata den Kampionato Panamerikano di Sòftbòl. Na aña 1987 Romoldo ta retirá komo hungadó aktivo y ta bai dediká su tempu na trabou di instruktor di picheo. Den e funshon aki el kompaña diferente selekshon Antiano na kompetensianan Internashonal. Tambe Romoldo a duna klínika di Picheo riba solisitut di e Konfederashon Sentro Amerikano i di Karibe di Sòftbòl na diferente pais, e.o. Repúblika Dominikana, Cuba, Hondúras, Costa Rica y Boneiru. E satisfakshon di mas grandi pa Romoldo ta ku e ta wòrdu rekonosé komo un Instruktor di Picheo di Sòftbòl di alto nivel. Esaki ta wòrdu manifestá públikamente pa e Ex-Presidente di e Federashon di Sòftbòl di Sto. Domingo, Señor Freddy Vallego despues ku e ekipo maskulino di Sto. Domingo a bira kampion den e Kampionato Sentro Amerikano i di Karibe ku a tuma lugá na 1983 na Cartagena – Colombia.
Guillaume Hamson Papiaments: Nòmber : Guillaume Samuel Hamson “Sam Buntin” Fecha Nasementu : 1 òktober 1925 Lugá : Repúblika Dominikana Deporte : Sòftbòl A drenta salon di fama 1987 Sam na edat di 6 aña a muda for di Rep. Dominikana pa Aruba i na 1950 Sam a bini Kòrsou pa traha pa CPIM ku despues a bira SHELL. Su karera deportivo a kuminsá na Aruba na edat di 14 aña tempu ku el a kuminsá bati bala pa algun dama di B.G. ku tabata hunga sòftbòl di rekreashon. Kasi mesun tempu algun amigu na Aruba, Ruben Phillips, Big Jim i Ramon huntu ku Sam a lanta un tim di baseball Baly-Ruth di kual e tabata manager, Baly -Ruth a gana tur wega i kampeonato di nan tèmpo. Na 1950 Sam a bini Kòrsou. Mesora el a buska kontakto ku klupnan lokal i a djòin Unídos, un tim di Penstraat kaminda el a bai biba. Manager di Unídos tabata Aston Gumbs. No a tarda muchu ku Sam a wòrdu nombra manager di Unídos. Unídos no tabata un ekipo fuerte , pero e tabata konosí pa su motivashon. Sam tabata catcher i 4 bate. Den Unídos Sam huntu ku Aston Gums a kuminsá ku Unídos Jr. , un klup ku a produsí hopi super estrea. Di Unídos Sam a kambia pa Bolívar ku despues a bira Amstel pa manager e klup aki. Di Bolívar Sam a sigui pa Victory ku awe ta Royal Scorpions i tambe for di baseball. Sam su karera di Sòftbòl a kuminsá mes momentu ku el a yega Kòrsou na 1950. Huntu ku Aston Gumbs el a kuminsá ku Sòftbòl klup Unídos ku a dura te ku 1957 ora ku Sòftbòl a terminá na Kòrsou pa motibu di pleitu entre un klup i Federashon. Den e tempu ei Sam su estreanan tabata Rubia Hoek, Altagrasia Gittes, Amelia Riem i Ofelina Gumbs ruman di Aston Gumbs. Na 1962 Sam a drenta Sòftbòl atrobe ora ku Celfried Homoet a buska su ayudo pa train un tim di sòftbòl di algun hobensita. For di e momentu ei Sam su kas tabata tereno di sòftbòl. Na 1968 Sam su tim Rising Trotters ta sali sub-kampion i di 1970 te ku 1974 kampeon di Kòrsou. Den mesun tempu nan a sali tambe kampeon di Antia. Riba tereno di aktividat hubenil Sam, huntu ku Juancho Josefina i Boy Jansen a kuminsá ku un liga Stimulans ku a traha mayoria di e hungadónan di aktualidat. E liga aki a hunga 15 aña i Sam su klup Rising Trotters a gana e kampeonato aki 10 biaha. Riba tereno internashonal durante su karera Sam a risibí vários rekonosementu entrenan: Na 1975 Miembro meritorio di C.S.B. Na 1976 Kodekor tékniko di aña Na 1977 Tékniko sobresaliente di C.S.B. Na 1982 Ere-medaille in goud di La Reina Juliana Sam durante su karera deportivo a distinguí su mes pa su forma korekto ku e ta trata su hungadónan i direktiva. Sam no ta huma ni bebe!!!!!!!!!!!!! Na e momento aki Sam ta yuda direktiva den e parti tékniko i organisashon manera , marka vèlt, drecha bar i drecha material. Sam ta un persona masha honesto i leal , i tambe Sam ta miembro di e kuerpo di umpire ku a hasi 25 aña.
Clovis Lodewijks Papiaments: Nòmber : Claudomiro (Clovis) Mauricio Lodewijks Fecha Nasementu : 22 di Sèptèmber 1930 Lugá : Kòrsou Deporte : Sòftbòl A drenta salon di fama 1986 Clovis Lodewijks a nase 22 sèptèmber 1930 na Korsou. Clovis na edat di 18 aña a kuminsá práktika e deporte di futbòl i a militá tantu den ekipo STACO (st. Albertus College) komo SITHOC (St. Thomas College) Na edat di 18 aña Clovis a asumí e puesto di deportista i dirigente deportivo komo hungadó i dirigente di e ekipo di Futbol CENTRO DOMINGUITO. Clovis a fungi komo presidente di e klup aki for di 1950 te ku 1965. Na 1957 Clovis a keda inkorporá den direktiva di Curacaose Voetbal Bond i a okupá e puesto di segundo sekretario te ku 1963. Vários biaha Clovis a representá C.V.B. komo delegado durante eventonan Internashonal den eksterior. Na 1966 Clovis tabata kofundador di e ekipo di beisbòl Dominguito Sugar Kings ku awe ta karga e nòmber di WILD CATS/Banko di Caribe. For di 1958 te ku 1969 Clovis a okupá e puesto di presidente di e Komishon di Gobièrnu ( Sentral i Insular) ku tabata enkargá ku fomento di deporte pa ku e empleadonan i trahadónan di Gobièrnu. Na 1966 Clovis a kuminsá dediká su mes na e deporte di Sòftbòl, den kual el a hasi karera internashonal. Durante di e aña ei Clovis a bira Presidente di e Federashon di Sòftbòl di Kòrsou i na 1968 e tabata kofundador i Presidente di e Federashon di Sòftbòl di Kòrsou i na 1968 e tabata kofundador i Presidente di e Federashon di Sòftbòl i Antia (NASOFE). Clovis a perkurá pa afiliashon di e ramo di deporte aki na organisashonnan Internashonal manera I.S.F. i Confederashon Sentro Amerikano i di Caribe di Sòftbòl. Na 1986 durante di e 2o kampeonato Sentro Amerikano i di Caribe di Sòftbòl maskulino, Clovis a wòrdu elihí komo tesorero di e Confederashon aki. No a dura muchu largu ya ku e siguiente aña Clovis a bira Presidente di e Confederashon Centro Amerikano i di Caribe di Sòftbòl, puesto ku el okupante te ku 1979. Na 1969 Clovis tabata kofundador di Curacaose Sport Federatie i miembro di direktiva. Na 1971 Clovis a keda elihí komo Presidente di e Federashon aki te ku 1984. Clovis ta konosí komo un gran luchadó den deporte ,i a wòrdu hiba pa duna C.S.F. e rekonosimentu ku e tin awe. Pa yuda den formashon di dirigente atministrativo, tabata Clovis e tempu ei ku ayudo di Bestuurscollege, a manda buska sr. Gerard van Baarlen di Nederlandse Sport Federatie, pa duna kursonan di Bestuurskader na Kòrsou. Tabata bou di presidensia di Clovis ku Curacaose Sport Federatie a haña su propio ofisina na Mundu Nobo i ku Gobièrnu a pone personal na disposishon di e federashon aki. Clovis ta un ferviente fanátiko di kabai i pa esnan ku no ta na altura e señor aki a okupá e puesto di Presidente di Koningin Juliana Paardensport Vereniging for di 1969 te ku 1973. Na 1971 Clovis a wòrdu elihí komo Vice- Presidente di e Federashon Internashonal di Softbol durante di un Congreso Mundial ku a tuma lugá na Montreal Canada. For di e tempu ei Clovis a keda okupá e puesto aki te ku e fecha di awe. Na vários okashon Clovis a representá e Federashon Internashonal na kompetensianan ofisial den e tarea Latino Amerikano. For di 1973 te ku 1980 Clovis tabata miembro di direktiva di Komité Olímpiko di Antia Hulandes i a okupá e puesto di sekretario. Na 1983 Clovis a bolbe wòrdu elihí den e direktiva di N.A.O.C. Clovis ta tambe kofundador di e fundashon ku ta enkargá ku maneho di Sentro Deportivo Kòrsou, den kual direktiva e tabata for di 1974 te 1984. Na 1984 Clovis a keda elihí pa aklamashon komo Presidente di Confederashon Panamerikano di Sòftbòl, ku na momento aki tin su sede na Kòrsou. Clovis durante di su karera komo dirigente deportivo a risibí sin duda ta resaltá e hecho ku Clovis na 1981 a keda instalá den e Salon di Fama di e Federashon Internashonal di Sòftbòl kual tin sede na suidat Oklahoma U.S.A. Na 1992 Clovis a risibí for di man di nos gobernador Dr. B. Leito e alto kondekorashon di Ridder in de Orde van Oranje Nassau, pa su trabou meritorio na bienestar di Kòrsou BASEBALL : PACKERD-DEPORTIVO VENEZUELA I WILD CATS Komo Dirigente Tékniko e tabata aktivo den e siguiente ramonan di deporte: FUTBOL : CENTRO DOMINGUITO I SITHOC komo entrenadó BASEBALL : PACKERD – WILD CATS komo Manager Komo Dirigente Atministrativo el a okupá puesto den Direktiva di e siguiente klupnan i Fundashon na Kòrsou: FUTBOL : S.V. CENTRO DOMINGUITO (Kofundador i Presidente) BASEBALL : B.B.C. WILD CATS (Kofundador i Presidente) SOFTBOL : S.B.C. COCA COLA-WILD CATS (Kofundador i Presidente) HIPISMO : JULIANA PAARDENSPORT VERENIGING (Presidente) FUNDASHON SENTRO DEPORTIVO KORSOU : (Kofundador i Sekretario) Luego el a funshoná komo Presidente i miembro di Direktiva di e siguiente Organisashon Deportivo Nashonal i Internashonal. CURAÇAOSE VOETBAl BOND: (2do Sekretario) NEDERLANDS ANTILLIAANSE VOETBAL BOND: (Vokal) CURAÇAOSE SOFTBALL BOND: (Presidente) NEDERLANDS ANTILLIAANSE SOFTBALL FEDERATIE: (Presidente) CURAÇAOSE BASEBALL ASSOCIATIE: (Visepresidente) NEDERLANDS ANTILLIAANSE BASEBALL FEDERATIE: (Visepresidente) CURAÇAOSE SPORT FEDERATIE: (Presidente) NEDERLANDS ANTILLIAANS OLYMPISCH COMITE: (Sekretario) CONFEDERACION CENTRO AMERICA Y DEL CARIBE DE SOFTBOL: (Presidente) CONFEDERACION PANAMERICANA DE SOFTBOL: (Presidente) FEDERACION INTERNACIONAL DE SOFTBOL: (Primer Vice-Pres.) ASOCIACION DE CONFEDERACIONES DEPORTIVAS PANAMERICANO(Tesorero) DISTINKSHON DI MERITO PA SU LABOR DEPORTIVO: * KONDEKORASHON ORDEN DE FRANCISCO DE MIRANDA 2da CLASE * KONDEKORASHON ORDEN DE SAMANA VENEZUELA- ESTADO ARAGUA * MIEMBRO HONORARIO DI CURAÇAOSE SOFTBALLBOND * PRESIDENTE HONORARIO: DI CONFEDERACION CENTRO AMERICANO Y DEL CARIBE DE SOFTBOL * MIEMBRO DI SALON DI FAMA DI FEDERASHON INTERNASHONAL DI SOFTBOL * MIEMBRO DI SALON DI FAMA DI CURAÇAOSE SPORT FEDERATIE * KONDEKORASHON A RIDDER IN DE ORDE VANORANJE NASSAU * KONDEKORASHON MEDAYA DI ORO ORTOGA PA FEDERASHON DI SOFTBOL DI JAPON * KONDEKORASHON BOTON DI ORO ORTOGA PACOMITE OLYMPIKO COLOMBIANO * DISTINKSHON DI VARIOS FEDERASHON DI SOFTBOL DEN LATINO AMÉRIKA. Aktualmente Sr. Lodewijks ta tabata den e siguiente klupnan i Organisashon: BASEBALL : B.B.C. WILD CATS:(Visepresidente) CURAÇAOSE SOFTBALL BOND:(Presidente) NEDERLANDS ANTILLIAANSE SOFTBALL FEDERATIE: (Presidente) CONFEDERACION PANAMERICANO DE SOFTBOL: (Presidente) FEDERACION INTERNACIONAL DI SOFTBOL: (Primer Visepresidente) CURAÇAOSE SPORT FEDERATIE: (Presidente) ASOCIACION DE CONFEDERACIONES DEPORTIVAS PANAMERICANA: (Visepresidente -ehekutivo)