Sport Historia

Items

• Gilbert Ciro Snijders
  Papiamentu Gilbert “Gibi” Ciro Snijders, mihó konosí komo “Gibi”, a nasé dia 9 di desèmber 1940. Gibi a práktika diferente deporte manera futbòl, atletismo, vòlibòl, basketbòl l, baseball, landamentu yudo, tènis pero e deporte prinsipal tabata bowling. Na aña 1957 te 1961 na Radulphus College a forma parti di selekshon di skol, na aña 1960 den selekshon nashonal komo keeper. 1957 Giba ta kuminsá praktiká yudo i na aña 1960 ta haña faha pretu, 1ste dan i Gibi tabata asistènt trainer di su ruman Eddy Snijders. Na aña 1955-1957 “kogelstoten” den atletismo. Aña 1957-1958 tènis na kancha di Suffisant, despues di 1980-1990 riba kancha di CSC. Landamentu tambe Gibi ta praktiká for di 1955 pa tene su mes den kondishon. Gibi ta afiliá na aña1958 na klup Athene di basketbòl, despues di 1 aña Gibi a forma parti di selekshon nashonal di Kòrsou i a representá Kòrsou na Carabobo, Venezuela komo e hungadó mas hóben di e selekshon. Komo dirigente atministrativo Gibi tabata presidente di tantu Curaçao Bowling Association i Nederlands Antilliaanse Bowling Federatie. Gibi ta presidente honorario i miembro konsehero Den futbòl Gibi tabata president di SITHOC pa 4 aña. Den natashon Gibi tabata vise presidente na aña 2002 i a yuda organisá CISC. Pa 3 aña largu Gibi tabata presidente di Little League Liga Pabou. Na aña 2001 Gibi a ser eligí durante reunion annual di CONCECABOL komo parti di direktiva durante e ultimo 8 aña komo vise presidente, despues di 14 aña konsekutivo den direktiva Gibi ta retirá. Na aña 2002 durante reunion general Pan American Bowling Confederation Gibi ta ser elegí pa forma parti di direktiva, kaminda el a fungi pa 12 aña konsekutivo. Yudo tambe Gibi a yuda i tabata asistente trainer pa mas ku 25 aña. Den futbòl Gibi tabata rèfri di promé divishon pa 5 aña, Gibi ta retirá debí ku el a drenta direktiva di SITHOC. Komo logronan internashonal Gibi tin masha masha hopi mes. Tambe Gibi a haña hopi rekonosimentu lokal.
• Efigenio Adriano Braafhart
  Papiamentu Nòmber: Efigenio Adriano Braafhart mihó konosí komo PengPeng Fecha nasementu: 8 sèptèmber 1949 Lugá: Curaçao. Mi a kuminsá hasi yudo na 1974 na Sportschool Braaf na Orionweg. Na 1975, mi a kuminsá duna lès na muchanan chikitu pa Sr. Braaf. E mesun aña den luna di òktober durante di kampionato di Kòrsou mi a kibra mi èlebog. Mi a keda un aña inaktivo komo kompetidor pero a keda duna lès. Na 1976, mi a bolbe kompetí den kategoria di middle-weight. Mi a bira kampion di Kòrsou i Antia te ku 1980 e aña ku mi a retirá. Na 1977, mi a haña mi promé dan ku ta faha pretu (Sho-Dan). RÈFRI Mi a sigui duna lès despues di sportschool Braaf, na Asiento i mi propio skol di yudo Samurai. 1982, mi a kuminsá rèfri na Kòrsou. E mesun aña mi a pasa eksamen pa mi di dos dan (Ni-Dan). 1986, sr. Francisco Mundo, un rèfri Internashonal di Venezuela a bin yuda nos ku dunamentu di lès di yudo. E tabata sorprendí di e manera ku mi tabata rèfri. For di 1987, mi a wòrdu invitá dor di sr. Mundo pa rèfri kampionatonan di Karibe na Venezuela. Durante e aña aki mi a haña mi di tres dan (San-Dan). Na 1992, Sr. Carlos Catalana Callega, direktor di arbitrahe di Federashon Internashonal di Judo (IJF) a wak mi ta rèfri na Venezuela. El’a puntrami di unda mi ta, i ki nivel di rèfri mi tin. Mi a kontest’é: di Kòrsou i mi no tin nivel. El’a bisami IJF tin tres nivel: nivel “C” nivel “B” i nivel “A”. El’a disidí ku e ta bini Kòrsou despues di Venezuela pa pasa ami so eksamen di rèfri Continental. (IJF B). Ku otro palabra mi a bula nivel “C” i a hasimi di kuater dan (Yo-Dan). Mi a bira e promé rèfri Continental di Kòrsou i Antia. For di e momentu ei mi a rèfri tur pais Panamerikano. Tur weganan di: Caribe, Sur-, Sentro- i Norteamerika. Na 1997, mi a kuminsá duna lès na Sentro di Bario Janwe i Klup di Shell, awe Sentro di Rekreativo Suffisant, te ku dia di awe. Na 1998, mi a wòrdu postulá pa pasa eksamen di rèfri nivel “A” na Repúblika Dominikana. Nan a lagami rèfri, solamente dos pelea. Mi a bira rèfri Internashonal “A” i haña mi di sinku dan (Go-Dan). Siendo rèfri Internashonal mi a rèfri diferente kampionato mundial, den tur sinku kontinente. Por ehèmpel: Fransia, Alemania, Tailandia, Hulanda, Tunesia ets. Mi a bira e promé referié Internashonal i mundial di Kòrsou i Antia i a wòrdu konsiderá un di e mehor rèfri Panamerikano. LOKAL For di aña 1977, mi a drenta direktiva di Judo Associatie Curaçao (JUASCU) komo komisario. Na aña 1987 mi drenta den direktiva di Nederlandse Antillianse Judo Federatie (NAJUFE) komo segundo tesorero. For di aña 1998, mi a fungi komo Presidente, Tesorero, Sekretario, Direktor di arbitrahe i Deportivo, Coach i trainer di JUASCU i NAJUFE te aña 2000. Durante di e tempu ei ta mi kasa i mi dos yunan tabata organisá kampionato di yudo. Na aña 2000, a eligí un direktiva nobo i mi a keda tesorero, coach i trainer te ku dia di awe. Na 2010, JUASCU I NAJUFE a bira Federashon Yudo Kòrsou. (FYK) Durante di 2010, mi a haña mi di seis dan (Roku-Dan). Mi klupnan semper a sali na promé lugá den tur kampionato tantu di Kòrsou komo habri di JUASCU, awe konosí komo Federashon Yudo Kòrsou. Mi a produsí tambe, kampionnan Internashonal. Nan a bira kampion na: Aruba, Bonaire, st. Maarten, Sto. Domingo, El Salvador, Venezuela i Merka. Tur bou di mi guia. Award di USA yudo: 4/6/2008 Baluarte di e deporte di yudo na Kòrsou: 3/11/2007 Wes di aña CSF: 2008 i 2009. Plaka di mérito di SRS: 9/3/2013 Baluarte di bario di Janwe: 2/6/2016. Plaka di mérito di Kas di Kultura: 2/6/2016. Baluarte di Banda Ariba: 3/11/2016. INTERNASHONAL Mi a pasa eksamen di nivel “basiko”, nivel “1” i “2” di deporte general na Venezuela, aña 1988, 1989 i 1990, na Puerto Rico. For di 1998, mi a wòrdu nombra komo tesorero di Konfederashon Yudo di Karibe.(CJC) Nunka mi no a postulá mi mes pa ningun puesto den direktiva. Aki tambe mi a okupá tur puesto den direktiva. Awe mi ta sekretario general di Konfederashon Yudo di Karibe, pa reorganisá yudo den Karibe. Na aña 2009, mi a stòp di ta rèfri aktivo riba mat. Mi a wòrdu nombra komo komishonado di arbitrahe di Karibe pa Panamerican Judo Confederacion. Na mesun momento mi a bira traduktor ofisial di Ingles pa Spañó i vice vèrsá, durante di klínika i kongreso di PJC. Na 2015, mi a bira Direktor i komishonado di arbitrahe di Suramérika. Na 2015, mi a haña mi di shete dan di yudo (Hichi-Dan). Ku esaki mi a bira e promé yudoka ku faha mas haltu na pais Kòrsou i islanan di Caribe hulandes. Mi a i ta dirigí kampionatonan Pan-Amerikano mi so. Mi ta eksaminá i evaluá rèfrinan di nivel “C”, “B” i “A”. Mi ta duna klínika di arbitrahe tantu práktika komo teorétiko. Mi a logra klasifiká un atleta pa Weganan Olímpiko di London 2012. Pa Weganan Olímpiko di Rio 2016, mi tabata tin un atleta klasifiká ku “Continetal Couta”, pero el’a wòrdu kita. Mi a logra na 2016, ku nos ta wòrdu konsiderá komo”Full Member” di nos Federashon Internashonal Yudo (IJF).
• Pedro Basiano Matrona
  Papiamentu Pedro a nase dia 9 di desember 1927. Su tata a muri un siman prome ku Pedro a nase I su mama a muri dia e tabatin 6 aña. El a pasa su hubentut den Skerpene kaminda el a kuminsa su karera di futbol na edat di 15 aña. Su ekipo faborito tabata SUBT, pero dor ku no tabatin luga p’e den SUBT el a bai hunga den Jong Holland kaminda el a desaroya I bira un di nos miho futbolistanan.Su posishon tabata bèk. E tabata miembro di e prome selekshon ku a bai Hulanda na 1950 huntu ku e.o. Ergilio Hato, Eziquiel Vos, Guilermo Pardo. Dor di influensha di Mordy Maduro Pedro Matrona I Ergilio Hato na 1950 a bai Hulanda kaminda nan a realisa varios wega den e selekshon di Hulanda. e.o nan a enfrenta Leeds United I Middlesex Wanderers. Pedro a hunga na Hulanda den Blauw Wit I un ekipo di Den Haag E a sigui kurso pa kandidaat oefenmeester I kier a sigui CIOS, pero durante ehersisionan a kibra su pia I a regresá Korsou. Pedro a kuminsá trein Scherpenheuvel pero no a bira kampion. E aña despues ku el a stop Scherpenheuvel a bira kampion bou di Wilhelm Canword. Pedro a bai trein Centro Dominguito I despues SUBT. Dor ku e no a logra di bira kampion el a legumai futbol. El a bai beisbol I a funda Marchena Braves.Despues el a kuminsa ku Little League I a yuda na realisá e stadion di Little League. Pedro tabata dirigente di beisbol huntu ku e.o. Clovis Lodewijks kaminda e tabata lider di kampionato I umpire. Un tempu e tabata presidente di CUSCA. Sr. Matrona ta korda tempu ku sr. Juan Isa, presidente di beisbol a bai kun’e na un Kongreso Mundial di beisbol. Algun di su koleganan den selekshon di futbol tabata: Cor Adoptie, Ergilio Hato, Gein Giribaldi,Wilhelm Canword, Ga Bernadina, Enchi Jansen, Willis Heiliger. Komo miembro di nos selekshon el a enfrentá e.o. selekshon di Hulanda, Argentina ets. Highlights: Komo miembro di selekshon el a enfrenta e.o.Atletico jr di Colombia I Feyenoord di Hulanda. Na 1946 na Hulanda nan a enfrenta e.o. De Volewijkers, Feyenoord I varios ekipo mas. En total nan a hunga 9 wega ganando 4 I perdiendo 4. E mesun aña nan a enfrentá Diablos Rojos di Venezuela 4 be na Venezuela. Na 1946 el a partisipa na e C.A.C. na Barranquilla, Colombia I a gana medaya di brons. Na 1950 ku selekshon di Antia el a partisipa na e C.A.C. na Guatemala. Na 1950 Pedro Matrona huntu ku Ergilio Hato a bai Hulanda pa reforsá e onsena di Hulanda. Na 1951 (selebrashon 30 aña CVB) Pedro a risibi e trofeo pa e di dos luga. Na 1955 na HondurasKorsou a sali na di dos lugá: medaya di brons na PANAM Games ??? Loke Pedro Matrona ta rekordá mas ta dia ku Sr. Mordy Maduro a invité pa asistí na e Kongreso Mundial di futbol ,ientras el a wak varios wegadi e ksampionato I a mira e.o. Rei Pelé den akshon.Kampionato Mundial di futbol na Helsimki na 1966.
• Antonio Pedro Keller
  Papiamentu ANTONIO PEDRO KELLER Antonio a nase na Bonaire dia 31 di yanuari 1955 i na edat di 5 aña el a bin biba na Korsou. Na dat di 8 aña el a kuminsa hunga beisbol; no tabatin Little League e tempu ei. Na edat hoben di 13 añan nan tabata hunga beisbol kontra hungadonan mas grandi manera e.o. Baba Quamy I Chino Francis. Via Baba el a drenta Ponce na 1969 I e aña despues Ponce a degradá. Antonio, of Tonchi manera nan ta yam’e a pasa pa Wild Cats kaminda el a bira un berdadero super star. El a hunga shortstop I den outfield I despues konsentrá den picheo.Den su promé aña den Wild Cats e ekipo aki a gana 6 wega I Tonchi a gana 5 di nan. Algun hungadó di e aña aki tabata Johny Alberto, Richenel Daal, Rumannan Felida, Leslie Welvaart. Na 1974 Wild Cats a titulá supkampion I na 1975 nan a sali kampion. Tonchi ta konta kon el a poncha e legendario Willie Pieters den di nobeno pa saka e ultimo out I Wild Cats a bira kampion di Korsou. Wild Cats a titulá kampion di Korsou I di Antia I mayoria be Tonchi a sali e hungado mas balioso. Na 1978 el a sali deportista maskulino di aña Na 1976 el a bai un tryout na Merka di 3 siman I despues srs George Steinbrenner, Mickey Manthe I Whitey Ford a bin Korsou pa purna di firma un kontrato kun’e. E.o. e miedo ku una bes bo firma profeshonal bo no por hasi ningun deporte amatur mas a pone ku e no a bai Merka. Na 1979 Tonchi a bai Royal Scorpions I a hunga 2 di e 4 bueltanan di e kampionato. Via Tom Hofstede el a bai reforsá e ekipo di Haarlem, Kinheim, ku tabatin mester di un pitcher pa yudanan keda den hoofdklasse. El a keda 3 luna Hulanda. Kinheim tabata kampion na 1978 I Tonchi a partisipá ku Kinheim den wega pa Kopa Europeo na Italia. Tonchi a gana 1 wega. Tonchi a regresá net na ora pa yuda Royal Scorpions den play off pa nan bira kampion. Royal Scorpions a titulá kampion Antiano tambe. Na 1980 el a regresá Wild Cats I titulá kampion. Dor di un leshon na su brasa e tabata picha menos I el a konsentrá mas riba bateo.Tambe el a fungi komo coach di picheo. Rond di aña 1980 el a retirá komo hungadó aktivo. Weganan internashonal I interinsular. Na 1972 komo kampion eskolar el a bai Aruba. Na 1972: Aruba a gana e weganan di klasifikashon pa forma e selekshon Antiano I Aruba a skohe 7 refuerso di Korsou e.o. Willy Pieters, Rafi Jozefa, Richard Moesker, Fichi Fleming I Antonio Keller. Na 1972 den Haarlemse Honkbalweek Korsou a gana Italia 3-2 ku Tonchi komo picher ganadó. Na 1973 den weganan di klasifikashon entre Aruba I Korsou, best of five, Tonchi a gana tur e tres weganan ku el a picha. Bou di maneho di Mona Cornelia nan a partisipá na un kampionato internashonal. Na 1974 Tonchi a regorsá Cement Coro (Santa Rosa) durante un torneo na Valencia, Venezuela. Na 1978 e selekshon Antiano a partisipá na e C.A.C. na Medellin, Colombia I Tonchi a gana e uniko wega ku un blankeo riba Colombia. Tonchi ta korda e wega di beisbol entre Wild Cats I Royal Scorpions den stadion di SDK na 1980. Wild Cats a titulá kampion den un wega ku a kibra e rekort di asistensha. Tonchi ta nombra algun top beisbolista e.o. Rafi Jozefa, Fichi Fleming, Willy Pieters, Lipo Elhage, Lichito Kelly. Rekonosimentu. Tonchi a risibi masha hopi premio mes e.o. Deportista di aña 1977 I kampion picher na 1979. Rekonosimentu di Festival di Bario na 2016; Plaka di merito di bario di Brievengat pa su logronan I eksito den beisbol; na 1979 e tabata kampion empuhador durante e kampionato Antiano; Tambe Klup Boneriano a duné un plaka pa su aporte na beisbol; Febeko a dun’e un plaka di merito na 2001 I a instituí un “Premio Antonio Keller”. Paisnan ku el a hasi deporte: Mexico, Venezuela, Hulanda, Italia, Aruba, Cuba, Sint Maarten, Merka, Colombia.
• Orlando Felipe Cuales
  Papiamentu Nieuwindt College Radulphus College HBS-A 1962 Inter American University, San German, Puerto Rico Summer 1969 • Bachelor of Arts, Economics 1967 • Masters Business Administration, Majors:Finance and Marketing 1969 Experience El Globo – Delvalle Hermanos 1969 – 1973 Curom Broadcasting Inc CEO 1974 – te awe Ela nase riba un djasabra, dia 5 ougùstùs 1944. Yu di Teofilo Segundo Cuales, Empresario, Violinista; i di Adela Francisca Cuales-Pardo, Pianista, Atministradora i Ama di Kas. E ta di tres di e famia di ocho yu. Nan a batis’é na Misa di Santa Famia, ku e nòmber Orlando Felipe Cuales. Si b’a drenta nan kas anto nota presensia konstante di Deporte, Muzik i Polítika, lo b’a konkluí ku ta diesun yu tabatin. Pero ripará ku a menshoná Deporte promé ku e dos otronan. Pai tabata Tenista, Presidente N.A.B.L.T (Ned.Ant.Bond Lawn Tennis) i Sekretario di NABLO (Ned.Ant.Bond Lichamelijke Oefening, Organo máksimo di tur deporte di henter pais; e precursor di NAOC i tur otro organisashon supervisor di nos pais, inkluyendo FDOK. Den Piscaderaweg 3 Deporte tabata Pan di kada Dia!. Tènis tabata e idioma deportivo di famia. Roberto, Gonzalo, Sonia i Eva a hunga hopi tempu i ku éksito. Orlando a bira kampion di Dòbel Junior tres bia. Promé bia huntu ku Edsel Evertsz, di dos bia ku Boy Berenos, I di trs bia ku Richard Trappenberg. I na Puert Rico ela representa su Universidat den e Varsity Team di Tenis. Curom pa hopi aña tabata famoso pa su transmishonnan di prinsipalmente futbòl, den bos di e Dekano Komentarista Deportivo di tur tempu, Don Hector A. Rosario. Na desèmber 1974, Orlando su promé aña na Curom, nan a transmití algun wega di playoff di Softball den Stadion di Rif. Pero e gran breakthrough a bin na 1975. Na mart di e aña ei, Orlando a yama Don Aco Henriquez pidié pèrmit pa transmití e weganan di e temporada nobo di beisbòl. Aco su kontesta? “Di bo henter e kampionato ta. Dal bai mesora.” Curom a presentá i transmití foi dje promé wega di kampionato 1975. Sta Rosa Indians kontra Blue Hawks. Yubi Mercelina i Alfred Stakleborough a kombiná riba montíkulo pa dominá Clarence Thomas i Blue Hawks. Sta Rosa a gana 8 pa 4. No tabatin ni 60 hende den tribuna. Dos siman despues Stadion a kumisá yena. Promé ku e promé luna a kaba, mester a bai para den rei foi 12or di mèrdia pa sigurá bo karchi pa tur wega importante. Den un drumi lanta beisbòl su popularidat a subi enormemente. Kòrsou a siña konosé i gosa ku • Swing den Bashí, • Situashon Pèrèmpèmpè, • Hanchi bai Pèrdè, • El a Keda Pegá den Waya, • Atábo den Chokompé • Tiru pa Segunda Morto-Kachó, iiiiii • Tiru pa Primera Seeeeiiiif. I no esnan den stadion so. Señoranan di tur parti di sosiedat tabata reuní den grupito pa gosa di pelota sin ku nesesariamente nan tabata sa kiko ta un shortstop, ni toke di sakrifisio, ni infield fly! I nan a sera konosí “radialmente” ku Wily Pieters-Mr Beisbòl, Poder Jozefa, Orlando-WayaLargu Nicolina, Rafi Stotzuiger, Fichi-Saad Flemming, Elvis-Piská Martis, “Panamerikano” Moesquit, Kabouter Gutierrez, “Lijn Zeventien” Balentin, “meneer Pan” Libiana i Last but never Least, “Beans” Elhage! Orlando a inventa diferente di e nòmbernan ei. No tur! Otronan ta peloteronan a konté. Pero ta transmishonnan di Curom a hasinan tur konosí. I naturalmente Tabatin I ketubai tin e otro esenario. Esun internashonal. Na 1976, George Steinbrenner, doño di New York Yankees, a bishitá Kòrsou pa su otro negoshi, esun di ship building. Orlando a tribi puntré “What about broadcasting a Major League Baseball Series Live in Papiamento?” George di “YES” mesora. Tres siman despues ata Gonzalo, Eithel i Orlando ta transmití un weekend series bibu for di Yankee Stadium. Anto New York Yankees vs Boston Red Sox! E homerun desisivo di Chris Chambliss ta inolvidabel. Djei a sigui Dodgers na Cincinnati su Big Red Machine, Fernando Valenzuela su 2 homerunnan na Atlanta, Reggy Jackson su regreso den Yankee Stadium, Hensley su hitnan den Sky Dome di Toronto i hopi hopi hopi mas. • Plus dos bia masha importante: Hensley, ku nos a kana kune henter su pasashi den Liga Menor, te ela subi, dal su promé hit, i Eithel a mande live foi Yankee Stadium, • i dia Andrew a firma den Stadion di Atlanta. Orlando a entrevist’e tras di homeplate, I kara serio ela priminti “Otro aña mi takiden!” I ela kumpli tambe. I CentroAmericana na Cuba, Haarlemse Honkbalweek, Panamericano na Caracas, Centro Americana i Josefaso na Santo Domingo i e promé i úniko no-hit-no-run den World Baseball Classic: Shai Martis na San Juan Puerto Rico. Loke a kumisá na 1974 ku Orlando, Ernest i Daniel, rápidamente a añadí Gonzalo i Chicho komo komentarista i despues tremendo narador; Gonzalo espesialmente a destaká den Little League; i seguidamente Rafi i Cedric. Despues di kuarentitres aña i mas ku dosmilsinkushen transmishon, nos ta kla pa e próksimo Playball!!!
• Gladwin Lumeno de Lanoi
  Papiamentu Gladwin a nasé dia 4 di Nov. 1944 na Kòrsou. Gladwin a drenta den mundu di natashon na aña 1980 (siguiendo paso di su ruman mas hóben) hibando su yu landa den Buladó Swimming Club na pir na Maripampun. Mirando su interes pa e deporte e head coach di Buladó a pidié pa yuda e landadónan mas hóben loke e a hasi tambe komo nan Coach pa 4 aña largu. Na aña 1983 mirando ku buladó tabatin mester di representante den e kuerpo di ofisial e ku dos mayor mas a sigui e kurso pa ofisial loke no tabata fásil e tempu aya. E tempu ei ta hulandes nan tabata manda den mundu di natashon. Denter den un korto tempu mirando su dedikashon e a subi i bira un di nos rèfri nan (Wes máksimo ). Gladwin su promé kompetensia internashonal tabata na aña 1986 den e kompetensia di Caribbean Island Swimming Championships (CISC) aki na Kòrsou. Gladwin a traha den hopi kompetensia komo rèfri i wes di estilo na Aruba, Hulanda, Bonaire, Repúblika Dominikana, Puerto Rico, Trinidad & Tobego, Bahamas, Jamaica, Cuba, Venezuela, Colombia, México, Panama, Salvador. Guatemala, Argentina, i Perth Oustralia. E kompetensia nan tabata Invitashonalnan, Caribbean Island Swimming Championships (CISC), Confederacion Centro Americana y del Caribe de Aficcionados a la Natacion (CCCAN), Centro Americana i del Caribe (CAC),Juegos Panamericano (PANAM) i na Perth Oustralia den e di 8 kampionato di mundu (FINA). (e promé kurasoleño na nivel mundial) Di aña 1993 pa 2009 Gladwin tabata rèfri FINA. (Límite di edat 65 aña) Di aña 1995 pa 2003 Gladwin a wòrdu apuntá komo miembro tékniko (TC) di CCCAN pa swimming. Di aña 2011 pa 2013 Gladwin a fungi komo TC Openwater. Na 2014 CCCAN a bolbe eligí Gladwin pa un periodo di 5 aña (2014 pa 2019). Gladwin riba su propio forsa a partisipá na 4 kongreso organisá pa FINA esta na 1996 Colorado Spring (Merka), 1998 Vancouver (Canada), 2002 Manchester (Inglatera) i 2004 Cancún (México). Gladwin a partisipá na e kongreso organisá pa USSA pa Puerto Rico den 2015. Gladwin a partisipá na klínika organisá pa CCCAN swimming na Aruba, Repúblika Dominikana, Barbados i klínika nan di Openwater Cuba, Jamaica, Aruba, Bahamas i na Panama. Gladwin ta instruktor di ofisialnan pa (NAZB / CZB) FAK na kual nan e ta dunando e ofisial nan nobo parti di e kurso básiko, un promedio di 25 pa aña aki na Kòrsou, pa Aruba promedio di 15 i pa Bonaire un 8. Gladwin a formalisá e kuerpo di hurado di Aruba na 1995, i a guia nan promé i durante di CISC 2000 anual e ta na Aruba pa sigui nan desaroyo. CISC 2002 na Kòrsou Ofisial nan tabata bou di su guia. Gladwin a wòrdu nominá 7 bes (1991, 1993, 1998, 2003, 2004, 2007, i 2014) pa natashon pa wes di aña, di kual e a logra Sali 4 bes komo wes di aña di (CSF) FDOK na 2003, 2004, 2007, i 2014 . Na 1995 Gladwin a wòrdu nominá e mehor Kordinadó (disiplina di natashon) pa Refineria Isla BV. Na 2012 Gladwin a wòrdu nominá komo Baluarte di bario di Brievengat. Na 2015 Gladwin a wòrdu nominá komo miembro Honorario di klup Buladó. Awor aki Gladwin ta un di nos mehor rèfri na Kòrsou ku ta masha kerí den nos kuerpo di ofisial i e atletanan, e ta instruí i guia nos ofisialnan nobo. Bou di su guia awor FAK tin 4 rèfri FINA i 2 Wes di salida Fina Algu úniko pa Kòrsou. Esaki tabata Sr. Gladwin L. de Lanoi Algu tokante Gladwin su yu nan enkuanto natashon: Darwin de Lanoi Darwin tabata un di Buladó su mehor landadó riba e estilo di liber. (50 i 100 m) Darwin a forma parti di hopi delegashon di Buladó i di NAZB den kompetensia nan internashonal, CISC, i CCCAN Darwin a representá Refineria Isla vários bes den e kompetensianan organisá pa PEDEVESA Ku hopi exito te e a haña e apodo di La flecha negra. Un Landadó ku nunka ta bende barata. Tabata Darwin A. J. de Lanoi Sheldon de Lanoi Sheldon tabata un di Buladó su mehor landadó riba e estilo di pechu. (50 i 100 m) Sheldon a forma parti di hopi delegashon di Buladó i di NAZB den kompetensia nan internashonal, CISC, CCCAN C.A.C. i PANAM Sheldon un pechista natural poseedor di record riba 50 i 100m pechu pa motibu di un aksidente kaminda e a kibra su man (8 luna afó) a disidí di kambia su estilo prinsipal di pechu pa e estilo liber i a logra un hazaña no usual pa un landadó di tin dos record mesun momentu riba 50 m liber e estilo mas velos i 50 m pechu ku ta e estilo mas pokopoko den landamentu. Sheldon den aña 1992 a logra di bira e atleta hubenil maskulino di aña di CSF representando natashon den e sertámen aki. Sheldon den e kompetensia di CCCAN 50 m liber na 1995 Guadalagara Mexico a logra medalia di plata pa enkaso 1 honderste di un sekònde landando den ban unu. Sheldon a representá Refineria Isla vários bes den e kompetensianan organisá pa PEDEVESA Den kual e a dominá den estilo pechu. Esaki tabata algu di Sheldon G. de Lanoi
• Antonio Jose Martina
  Papiamentu ANTONIO JOSE “PAPY” MARTINA. Papy a nase dia 23 di yüni 1947 na Kòrsou. El a kuminsá hunga futbòl infantil na Boka den e tim di bario ku yama Josef Junior I despues el a bai hunga den junior di Jong Colombia. Na 1965 el a pasa pa e onsena di Jong Colombia. Ku Shon Haseth komo tékniko su ekipo a titulá kampion di Kòrsou. Papy su posishon riba tereno tabata delantero i despues medio kampista. Tony Bonifacio e tempu ei tabata kapitan di Jong Colombia. Su promé torneo internashonal tabata na Haiti na 1966 i despues el a partisipá den e promé Koninkrijksspelen na Paramaribo, Sürnam. Na Jamaica, aña 1968 Papy huntu ku Jong Colombia a titulá kampion di e Zona di Karibe di CONCACAF. Nan a pèrdè ku F.A.S. di El Salvador den e final di CONCACAF. E tim Detroit Cougars a skout Papy p’e bai hunga futbòl na Merka, pero e no a bai. Durante 1969 Papy hunga futbòl profeshonal na Caracas, Venezuela, den e ekipo Deportivo Portugues. Aki e ekipo Emelec di Ecuador kier a kontrat’é pero e no tabata interesá pa laga famia na Kòrsou i bai un aventura na Ecuador. Papy, komo miembro di nos selekshon nashonal I e ekipo di Jong Colombia a hunga masha hopi weganan internashonal fo’i 1966 te alrededor di 1979. Despues di su retiru komo hungadó aktivo e tabata un tempu direktor tékniko di Jong Colombia I tambe a funhi komo D.T. di e selekshon hubenil ku a biaha pa Honduras. Papy a partisipá na diferente kurso ouspisiá pa FIFA I KNVB pa entrenadónan den añanan 1978, 1980, 1984, 1989, 1990, 1991 tantu na Korsou komo na Trinidad. Papy tabata un di e forsanan grandi tras di e organisashon ORFIC di e gran miembro di Salon di Fama Sr. Ibi Schoop. Ku Jong Colombia Papy a sali kampion na: 1965, 1967, 1972, 1973, 1975 I 1976. Supkampion na 1971, 1978 I 1979 Kampion di Antia: 1965, 1967, 1971, 1972, 1975 I 1978. Supkampion Antiano: 1966, 1976 I 1979 Kampion Zona Karibe di CONCACAF na 1968 I 1979. Supkampion Campeon de los Campeones di CONCACAF na 1968 I 1979. Papy a hunga mas di 50 partidonan internashonal komo miembro di nos selekshon nashonal i di Jong Colombia. Papy a hunga futbòl na masha hopi pais e.o. Aruba, Bonaire, Venezuela, Costa Rica, Guyana, Sürnam, Barbados, Hondúras, Jamaica I El Salvador.
• Stanley Maria Francisca
  Papiamentu Stanley Francisca Stanley Maria Francisca a nase na Kòrsou 25 mart 1958 den e bario di Marchena. For di 1978 el a kuminsá praktiká e deporte di Bodybuilding. Stanley Francisca tin mas ku 30 aña di eksperiensha den e deporte aki. Ademas di Bodybuilding e la praktiká Vòlibòl, Weightlifting, Taekwondo I Futbòl. Logronan: Na 1980, nr. 3 den e kampionato Mr. Labor. Na 1980, di 3 lugá den e kampionato di Middle Weight Mr.Labor Na 1981, di 2 lugá den e kampionato di Middle Weight Mr.Labor Na 1981, di 2 lugá den e kampionato di Kòrsou Middle Weight Na 1982, di 1 lugá Mr.Labor Na 1982 , di 1 lugá den e kategoria di Middle Weight Kampeonato Kòrsou ,Mr. Antia. Na 1982, di 2 lugá CAC na Jamaica Na 1983, di 1 lugá Mr. Labor, Na 1983 , di 1 lugá den e kategoria di Middle Weight: Kòrsou, Mr. Antia,CAC di 3 lugá. Na 1984, Kampion Mr. Labor Na 1984, Kampion Mr. Kòrsou, Mr. Antia. Na 1984, di 1 lugá CAC i di 3 lugá den couples na Bahamas huntu ku Naline de Paula Na 1985, Kampion Mr. Kòrsou, Mr. Antia, CAC Barbados i di 1 lugá den couples huntu ku Lupe Leito. Na 1986, Ganadó Deportista di Aña Na 1986, kampion Kòrsou, Antia, Karibe i di 1 lugá den couples huntu ku Jacqueline Daflaar. Na 1987 Ganadó Deportista di Aña Na 1987, Kampion Kòrsou, Antia, Karibe i di 1 lugá den couples huntu ku Lupe Leito na Kòrsou i di 13 lugá na Mr.Universe na Spaña entre 64 Pais. Na 1988, Kampion Kòrsou, Antia, Karibe Na 1988, di 3 lugá Invitational na Canada Na 1988, Ganadó Deportista di Aña Na 1990, di 9 lugá den couples Kampionato Mundial huntu ku Ninita Rumai na Mexico. Na 1999 Stanley Francisca a gana e Centro Pro Arte Award pa e mihó show deportivo organisá di aña. Stanley Francisca mayoria okashon aparte ku e ta partisipá komo atleta tin ku fungi tambe komo coach pa su atletanan di Diamond Gym den kampionatonan lokal. Stanley Francisca a fungi tambe komo coach na diferente paisnan ku nos atletanan,kualnan a logra títulonan Internashonal. Despues di un trayekto largu komo Atleta i Coach Stanley Francisca a fungi komo dirigente den Asosiashon lokal. Un punto hopi importante ta ku Stanley a logra na Sèptèmber 2008, kambia statuto di Bodybuilding kaminda ku e hende muhé tambe por tin bos i por vota i asina logra ku e ser femenino tambe tin mesun balor ku e hende hòmber den e deporte,di kual ku nan por tin puesto den e direktiva di Bodybuilding. Na Aña 2002 Stanley Francisca a haña un plaka di rekonosementu pa 25 aña di Formashon i Aporte Valioso na Deporte na man di Promé Minister E. de Jong Elhage i Gezaghebber L. Dindial Na Aprel 2006 CSF a otorgá Stanley Francisca un plaka di rekonosementu pa 25 aña di Formashon y Aporte Valioso na e Deporte den desaroyo di Hubentut di Kòrsou. Na 2009 Stanley Francisca a logra e titulo máksimo komo Dirigente Atministrativo organisá pa CSF. Na 16 di òktober 2010, Stanley Francisca komo presidente a aprobá e statutonan di CBBWFA(Federashon di Bodybuilding i Weightlifting) kual e deporte di Weightlifting tin hopi aña inaktivo i Stanley huntu ku su direktiva a rebib’é atrobe. Na Yanüari 2014 Stanley Francisca a wòrdu honrá dor di e Federashon di Bodybuilding lokal komo Baluarte di trabounan inkansabel e.o: Atleta, Coach i Dirigente. Stanley Francisca a fungi 8 (Ocho) aña konsekutivo komo presidènt di CBBFA for di 2006 te ku 2013 Aktualmente Stanley ta presidente di e Komité di BBBC. Komo promotor Stanley ta organisando tur fin di aña e kampionato di Mr.Hercules, Most Beautyful Bodyshape i Couples pa 25 aña konsekutivo, Stanley Francisca aktualmente ta un (Judge)Rèfri Internashonal ku ta husga atletanan riba Kampionato Stanley Francisca a guia hopi hóben den e deporte aki kualnan a logra hopi hazaña tantu lokal komo internashonal. Stanley Francisca a sòru na brinda homenage na diferente eks-deportista i eks-dirigente den e deporte aki e.o.: Sr.Victor Kopra Sr.Freddy Halide (q.e.p.d.) Sr.Luis Nene Gravenhorst Sr.Roy Hollander(q.e.p.d.) Sr.Rene Raphaela Sr.Urvin Andrea Sr.Ruben Felix (q.e.p.d.) Sr.Ruben Balootje Sr.Henry Gougon Sr.Cedric Martina Sr.Bob Esprit Sr.Ronald Puriel (q,e,p.d.) Sr. Candido Daal Sr.Luis Geertruida (q.e.p.d.) Sr.Errol Gachet Sr.Stanley de Castro (q.e.p.d.) Sr. Carlos Frans Sr.Anibel Johannes Sr.Reinald Dovale Sr.Elvis Connor Sr.Wendel Francisca Sr.Sheldon Eisden Sra.Lupe Leito Sra.Ninita Rumai Sra.Jacqueline Daflaar Sr.Rudsel Jourdain. Sr Junard Phi lips Sr.Stanley Francisca a logra durante di añanan trese diferente guestposernan di taya profeshonal bin duna show i lektura aki na Kòrsou manera e.o.: Ronnie Coleman 2x(Mr Olympia), Darrem Charles 3x, Dexter Jackson 2x(Mr Olympia), Betty Viana, Johnny Jackson, Arlison Maria, Giovanni Thompson(Amateur), Bob Esprit(Amateur), Wendel Francisca (Amateur), Rihard Rosales (Amateur) Ross Testo, Lelia Murray, Laurence Marshall,Genaro Valks, Kelvin Daniel, Silvio Manuel, lris Kyle (Ms Olympia), Kail Green, Cedric M. Milian i Roely Winklaar Engrandesiendo e deporte aktual Stanley a kuminsá ku kompetensha pa hóbennan di skolnan sekundario , i alabes e kategoria di Rookie Class pa asina sigui yuda ku desaroyo físiko i mental pa ku nos hóbennan i atletanan den nos komunidat. Aparte di esaki Stanley a yuda pa medio di e deporte aki trese union entre atletanan.
• Lupe Acasia Leito
  Papiamentu aña aki ta enfoká riba e impakto di hende muhé den nos deporte, ta sra. Lupe Acasia Leito. Lupe a nase na Kòrsou 22 di yüni 1959 na Kòrsou i a praktiká e deporte di bodybuilding, i a drenta Salon di Fama na 2017 Lupe a praktiká e deporte di bodybuilding, pero ku su 11 aña Lupe a kuminsá ku deporte hasiendo “track and field”, i ku su 15 aña a kuminsá ku landamentu asina pa por tin resistensha durante di training. Lupe a kuminsá train bodybuilding na aña 1983 na Chirino Sport & Fitness Center. Lupe tin e siguiente logronan riba su nòmber: 1984 Central American & Caribbean Championship na Jamaica, promé lugá lightweight class, promé lugá di pareha; Mr & Ms Netherlands Antilles Bodybuilding Championship, promé lugá i overall winner di e kompetensha; Mr & Ms Curaçao Bodybuilding Championship, promé lugá lightweight i overall winner; First Competition of Athletic Health & Beauty Center Mr & Ms Invitational, promé lugá open i nobato; Atleta femenino di aña. 1985 World Championship na Bélgika, 12 lugá den 24 partisipante;Central American & Caribbean Championship na St. Maarten, di tres lugá lightweight class; Mr & Ms Curaçao Bodybuilding Championship, promé lugá lightweight i overall winner. 1987 Central American & Caribbean Championship na Kòrsou, promé lugá middleweight, promé lugá di pareha, overall winner i e muhé mas bon formá; Mr & Ms Curaçao Bodybuilding Championship, promé lugá middleweight i overall winner; First Female Powerlifting Championship Curaçao, overall winner. 1990 Mr & Ms Curaçao Bodybuilding Championship, promé lugá middleweight i overall winner. 2005 Mr & Ms Netherlands Antilles Bodybuilding Championship na St. Maarten, promé lugá middleweight, promé lugá pareha; Mr & Ms Curaçao Bodybuilding Championship, promé lugá middleweight, promé lugá pareha i mihó pose. 2007 Central American & Caribbean Championship na Bermuda, segundo lugá middleweight, pareha i masters; Mr & Ms Netherlands Antilles Buidybuilder Championship na Statia, promé lugá middleweight i masters; Mr & Ms Curaçao Bodybuilding Championship, promé lugá middle weight i overall winner. 2009 Central American & Caribbean Championship na Grenada, segundo lugá riba 55 kilo i di tres lugá masters; Mr & Ms Netherlands Antilles Bodybuilder Championship na St. Maarten, promé lugá riba 55 kilo i overall winner; Mr & Ms Curaçao Bodybuilder Championship, promé lugá den heavy weight i overall winner. Atleta femenino di aña. 2011 Central American & Caribbean Championship na San Salvador, promé lugá den heavy weight, promé lugá masters i overall winner i a risibí su karchi di IFBB liga profeshonal; Mr & Ms Curaçao Bodybuilding Championship, promé lugá heavy weight i overall winner. 2012 Professional Bodybuilder competition na Tampa Bay, di 16 lugá; Atleta femenino di aña. 2013 Track and Fields, 9 lugá na Brasil World Master Championship.
• Francisco Romouldo Gomez
  Papiamentu SUBT, Jong Holland 1950-60 Shon Ma Gomez a nase na Kòrsou dia 4 di òktober 1933. I manera e mes ta bisa: riba Dia di Bestia. El a bai Skol básiko na Sint Jozef kaminda pronto el a kuminsá demostrá su talentonan futbolístiko dor di bira dos biaha Kampion Goalgetter na Skol. Despues el a bai Sint Thomas College kaminda atrobe el a bira Kampion Goalgetter den “Kompetensha di Skolnan”. Siguientemente na Sint Albertus College El a bolbe bira Kampion Goalgetter. Pa di tres biaha El a kambia di Skol pa bai klas 10 na Zwijsencollege. Un deseo grandi di dje ta pa un dia, pronto e por bira entrenadó di skol di Sint Albertuscollege. Shon Ma a ser selektá pa bira parti di e ekipo Nashonal di Kòrsou pa partisipá na Weganan Olímpiko na Finlandia na 1952. Pa por a biaha pa Finlandia, Shon Ma a haña pèrmit di Frater Serapio (Chapo) pa hasi “vervoegd examen” di klas 10. Den Selekshon di Kòrsou Shon ma a hunga Weganan na Hulanda i Finlandia. Nan a gana Feyenord 1 – 0 i a tabla 3 – 3 kontra di Selekshon di Hulanda. Pa e wega aki nan a haña nan mes ta fia i bisti flanèl Blou Blanku. Algun integrantenan di e Selekshon di Kòrsou tabata nòmbernan konosí manera: Ergilio Hato; Wilhelm Canword; Gein Giribaldi; Djèfi Merced; Eddy Vlinder; Corrie de Geus; Shon Mi Krips; Fefe Del anoi i Pedro Matrona. Ku Selekshon di Kòrsou Shon Ma a realisá diferente biahe eksterior: • o Costa Rica na 1953 • o Hulanda na 1954 • o Hondúras na 1955, kaminda nan a bira sup-kampion. Shon Ma su karera futbolístiko a kuminsá na 1947. El a solisitá na Jong Holland pero no a haña reakshon. El a train ku studiantenan komo junior; e tempu ei e tabatin 13 aña. E ta kòrda bon kla dos wega ku El a hunga pa Estudiantes. Estudiantes –Unidos a sali 3 – 0. Shon Ma di 13 aña hungando ku streanan manera; Patricio Joeri. Kontra di Veendam nan a pèrdè 1 – 0. Na 1948 E i otro muchanan di Skalo a bai S.U.B.T. kaminda nan a djòin grandinan manera: Shon I. Daal, Perucho Koolman, Pedro Sanchez, Enrique Paulina i Donald Emers. Su aktuashon tabata espektakular. Hungando komo midvoor pa e ekipo junior, el a bira kampion goalgetter na 1949 i siguiente komo midvoor pa e promé onsena di S.U.B.T. el a bira kampion goalgetter na 1950. S.U.B.T. a ser lantá pa akomodá e kantidat grandi di talento ku tabata disponibel. Komo tal e organisashon tabata S.U.B.T. – C, Junior, Reserve A-klas i e promé onsena. Su karera a tuma lugá komo hungadó di dos klup grandi di Kòrsou. El a hunga pa S.U.B.T. di 1948 pa 1958 i despues di 1960 – 1962, pa Jong Holland. Na 1967. Na 1967 entrenadó Wilhelm Canword a pidi Shon Ma pa bin hunga pa Skèrpènè. Despues di hopi preshon i pensa, el a disidí pa yuda. Skèrpènè a bira Kampion di Antia na 1967 i kampion di Kòrsou na 1968. Shon Ma Gomez, tabata un gran futbolista ku talentonan eksepshonal. E tabata úniko den su abilidatnan pa asistí, safa fini i dribble. E tabata ser konsiderá un di e mihónan di Karibe. E tin hopi apresio pa e tantísimo gran talentonan ku Kòrsou konosé den su époka. Ta ku hopi preshon e ta revelá un ekipo ku e mihónan ku El a konosé: 4. • Ergilio Hato 5. • Pedro Matrona 6. • Wilhelm Canword 7. • Fèfè del anoi 8. • Eddy Vlinder 9. • Lovi Mercera 10. • Gein Giribaldi 11. • Willis Heiliger 12. • Dafadan Jansen 13. • Mooi Bicentini 14. • Shon Arei Bernabela E estado di nos futbòl aktual ta yena Shon Ma ku hopi tristesa i pa nos por kuminsá e kaminda di rekuperashon e ta rekomendá: 15. 1. Mucha mas disipliná 16. 2. Mas atenshon pa Hubentut; por ehèmpel ku un “Karera pa Hubentut”, manera di Ajax. 17. 3. Un selekshon kontinuo ku ta keda hunga weganan di fogeo henter aña.
• Wilhelm Keman
  Papiamentu Wilhelm (Wim) Keman (Polo Akwatiko) Ofisial/Dirigente a nasé di 22 di yanüari 1955 Wim a siguí su estudio na “Academie voor Lichamelijke Opvoeding” na Den Haag. Na Koninklijke Luchtmacht Wim tabata hefe di ofisina di deporte na Vliegbasis Ypenburg. Wim tabata dosente di landamentu na Haagse Academie voor Lichamelijke Opvoeding. 1979-2009 dosente Edukashon Físiko aki na Kòrsou i 2010–2013 direktòr general di Marnix College. 1973 – 1976 hungadó di ekipo di waterpolo Ulandés; 1974 i 1977 partisipante na e Kampeonato Europeo; 1973 i 1978 partisipante na e Kampeonato Mundial; 1979 – 2004 trainer/coach di waterpolo di organisashonnan di Kòrsou i diferente selekshon Antiyano i di Kòrsou; 1979 – 1982 “diploma consul” di landamentu elementario di NAZB; 1980 – 1984 dosente di kurso di staf di CZB; 1986 – 2007 referee internashonal di waterpolo di FINA, partisipando komo referee neutral di Antiyas na dos Weganan Olímpiko 1992 i 1996; Seis kampeonato mundial di FINA1991, 1994, 1998, 2001, 2003 i 2005; Un kopa mundial di FINA na 1997; Sinku wega Pan Amérikano 1991, 1995, 1999, 2003 i 2007; Seis wega Sentral Amérikano 1986, 1990, 1993, 1998, 2002 i 2006; 1993 – 2006 Dosente di FINA durante kursonan na Cuba, El Salvador, Brasil Canada, Jamaica i Barbados; 1994 – 1998 miembro di direktiva di Association Internationale des Arbitres de Water Polo. 2001 – 2005 miembro di direktiva di Association Internationale des Arbitres de Water Polo. 2006 – 2010 miembro di komishon tékniko di waterpolo di CCCAN; 2007 – 2011 miembro di komishon tékniko di waterpolo di UANA; 2011 miembro di staf di coaching di NA waterpolo team na Dammam, Saoedi Arabië; 2013 – 2017 Miembro di National Federations relation Committee di FINA; 2014 – 2018 Sekretario di di komishon tékniko di waterpolo di CCCAN; 2015 – 2019 miembro di komishon tékniko di waterpolo di UANA; Distinshonnan di Wim ta: Medayanan di plata i oro di KNZB pa respektivamente 75 i 125 “interlands” ku e ekipo nashonal Ulandés di waterpolo; 1991 Plaka Meritorio di CSF pa Wes di Aña; 2012 Ridder in de Orde van Oranje Nassau. 2016 SALON DI FAMA FDOK
• Alvin Fléming
  Papiamentu Alvin Alfred Fléming, mihó konosí komo Fichi (Beisbol) Deportista/Dirigente a nasé dia 26 di yanüari 1948. na Palu Blanku Fichi (esei ta su nòmber di kariño) Ku 10 aña di edat Fichi a bai biba den Monte Carmelo Dia Fichi tabatin mas o menos 12 aña di edat, e i su amigunan a forma un ekipo di baseball ku nan a yama “Monte Carmelo Braves” i ku e ekipo aki nan tabata hunga kontra ekiponan di e.o. Suffisant – Dein – Kanga – Normandie i Buena Vista. Na aña 1964 Fichi a bai forma parti di e ekipo di baseball Jong Curaçao den clase A Na aña 1965 Fichi a pasa pa e ekipo di Blue Hawks den clase doble A, ekipo den kwal ela hunga te dia ela retira na aña 1979. For di aña 1970 te ku dia ela retira ela retira, Fichi a hunga 3ra base den tur selekshon tantu di Korsou komo di Antias Hulandes i tambe ela reforsa diferente ekipo lokal tantu na Korsou komo den Exterior hungando 3ra base. Fichi a representa Antiyas den 6 Juegos Sentro Americano y del Caribe … na 1978 (komo hungador) i 1982 ;86 ;90 ;93 ;98 komo sea entrenador coach of manager. Fichi a representa Antiyas den 5 Kampeonato Mundial 1970/1971/1973 komo hungador i 1984 i 1986 komo entrenador /coach Fichi a representa Antiyas den 4 Juegos Pan Americanos 1983/1987/1991/1995 sea komo entrenador/coach of manager) Fichi a hunga softball tambe den e equipo di Paradise (Indju Country Club) Den softball tambe Fichi a representa Korsou i Antias den torneonan regional na diferente okashon e.o. 1968 Sto Domingo – 1969 St Thomas – 1970 Korsou – 1977 Mexico Na aña 1979, gracias na intervenshon di sr. Lipo Elhage i sr Errol Cova, Fichi a bai Springfield College kaminda ela sigi un kurso di Entrenador di Baseball Na aña 1980, Fichi ku asistencia di defuntu Soof Antonia a tuma e ekipo di baseball hubenil Augustinus ku tabata konsisti di hungadornan di Suffisant i besindario na su enkargo Na añanan 1980 i 1981 e ekipo di Augustinus a titula kampion di Korsou (eseinan tabata e añanan di mayor satisfakshon pa Fichi komo entrenador/manager) For di aña 1982 te ku resientemente Fichi a dirigi diferente equipo di doble A ku ela logra hinka den playoff kasi tur aña i tambe ela forma parti di selekshon di Korsou i Antiyas te ku aña 1998 komo coach – entrenador i tambe manager. Komo trahador di SEDREKO Fichi a duna asistencia tekniko na diferente ekipo i skolnan ku a hasi petishon pesei i tambe huntu ku Taffy de Jongh ela duna diferente kurso basiko pa Entrenador di baseball/softball. Di 2007 pa 2009 bou di presidencia di sr Armin Konket, Fichi a fungi komo Direktor Tecnico di e selekshon di baseball di Korsou. Fichi a forma parti di e selekshon di baseball di Weganan di Reino 1979 i 1981 komo entrenador/coach. Na aña 2003 Fichi a okupa e funshon di Hefe di Delegacion di e selekshon di baseball den Weganan di Reino na Aruba Kampionato Pan Americano Hubenil 2003 i 2011 (entrenador /coach) Na aña 2001 Fichi a fungi komo coach di e ekipo Amsterdam Pirates den baseball Hulandes. Na aña 2004 riba invitashon di e organisashon di baseball/softball “ Ban Topa “ di Amsterdam Fichi a bai duna un kurso di entrenador/coach di baseball/softball na Hulanda. Di aña 2003 pa 2011 Fichi a forma parti di e Comision Tecnica de Menores di Confederacion Pan Americano de Baseball (COPABE) durante kwal periodo ela fungi komo Comisario Tecnico na diferente torneo di COPABE i hasta un bia komo Director di un torneo infantil na Nicaragua. Algun logro komo hungador: 1970 – Kampion di Korsou i Antiyas ku Blue Hawks 1972 – Hungador mas valioso di Haarlemse Honkbalweek (Hulanda) 1976 – Kampion bate di Korsou 1977 – Lider di homerun i líder di kareda empuhá di Korsou Algun logro komo entrenador /coach of manager: 1980 – Kampion Hubenil di Korsou ku Augustinus (entrenador/manager) 1981 – Kampion Hubenil di Korsou ku Augustinus (entrenador/manager) 1982 – Medaya di Brons na Weganan Sentro American y del Caribe na Cuba (coach) 1986 – Medaya di Plata na Weganan Sentro Americano y del Caribe na Sto Domingo (entrenador) 1994 – Kampion di Korsou ku Wildcats (entrenador/manager) 1994 – Medaya di oro na Weganan di Sur America (ODESUR) na Venezuela (entrenador/manager) 1994 – Personahe di aña di e kolumna di Sr. Ricardo Isebia Mester apunta ku e aña di mas eksitoso di Fichi komo manager tabata 1994. Wildcats a gana su 8 ultimo weganan di kampionato regular pa logra klasifika pa playoff …. Gana 7 wega sigí den playoff pa titula kampion di Korsou pa un total di 15 wega sigí ganá Despues di esei Fichi komo manager di Selekshon di Korsou a gana e 2 prome weganan di un serie best of 3 pa gana e derecho di forma Selekshon di Antias. (e weganan ganá konsekutivo a bira 17) Despues di esei komo manager di Selekshon di Antiyas Fichi a gana e prome 5 weganan den e torneo ODESUR pa kompleta 22 wega oficial sigí ganá riba su nòmber i tambe gana medalla di oro pa prome bia den un torneo regional ku un selekshon
• Franklin Mathilda
  Papiamentu Franklin Wilfred Mathilda, mihó konosí komo Frank, Deportista/Dirigente a nasé dia 21 di novèmber 1949. Ku 6 aña di edat Frank a kuminsá praktiká futbòl, basketbòl, vòlibòl i pinpòn. E deporte ku Frank a desaroyá den dje ta pinpòn. Ku su 18 aña di edat el a representá Kòrsou komo hungadó internashonal,Komo Atleta Franklin a representá Korsou den diferente pais Ku 24 aña di edat Frank tabata presidente di direktiva di CTTB ta para pa Curaçaose Tafeltennis Bond hoy en dia yama Federashon Tènis di Mesa Korsou durante 2 aña . Frank tabata e motor tras di konstrukshon di sala Irene Moreno na Muizenberg. Na 1977 Frank ta bira vise presidente di Federación Sentro i Sur América; na 1980 vise presidente Federashon di Karibe; na 1982 Frank ta bira pa di 2 biaha presidente di CTTB; na 1985 Frank ta wòrdu skohé komo dirigente atministrativo di aña pa CSF; 1986 presidente di Federashon Antiano; 1987 Frank ta wòrdu nombra komo “Councel member di Internationale Tafeltennis Federatie “; Na 1988 Frank a lanta DONIC, kual te dia di awe ta konta bou di esunnan mas fuerte na Kòrsou; Tambe Frank tabata coach i entrenadó di federashon di pinpòn kuminsando na e edat di 22 aña . na 1977 Frank a sigui kurso di entrenadó na México durante un luna bou ouspisio di ODEPA ITTF. Frank tabata entrenadó di federashon di 1977 pa 1981. I komo coach el a kompaña diferente hungadónan. lokal na torneonan internashonal. Ku 22 aña Franklin tabata fungi komo wes i na 1983 e la logra bira empayer internashonal di tènis di mesa. E la para komo e inspirando despues pa Korsou haña un kuerpo di empakenan internashonal pa kua Korsou te ku awe ta ser rekordá ku hopi bon palabra internashonalmente. Algun presentashon di Frank den eksterior: 1970 na Ulanda i Peru, 1971 na Venezuela, 1972 na Venezuela i Rep.Dominicano, 1973 na Hungrٕía, Juguslavia i China, 1974 na Colombia i Peru, 1975 na Nigeria, 1976 na Urugua i Cuba, 1977 na Venezuela i Guyana. Distinshonnan risibí: 1977 nombrá presidente honorario di CTTB, 1999 ITTF Merit Award na Ulanda, 2001 plaka pa logronan ku 45 aña di CTTB, 2007 nombrá miembro honorario di federashon di Sur Amérika, 2012 ULTM Merit Award na El Salvador i plaka di mérito di federashon di Peru, 2014 plaka di mérito na okashon di 30 aña di Sentro Rekreo Irene Moreno. 1978 presidente di Sta. Maria Pirates, 1981 sekretario di FEBEKO, 1982 sekretario di Curaçao Little League, 1984 presidente di CSF, 1985 presidente di FFK, 1998 presidente konseho deportive Sta. Maria, 1999 sekretario di NAOC, 2001 miembro di direktiva di FFK, 2014 komisario FDDK.
• Wednell Prince
  Papiamentu Wendell Prince (Atletismo) Deportista / Dirigente a nasé dia 24 di yüni 1945. Wendell a kuminsá train atletismo ku su 12 aña. Na aña 1957 e coach merikano ku yama dr. John Stotlar di Southern University of Illinois tabata train Wendell. Despues Wendell a sprint dos aña serka e organisashon V&L-TC na Den Haag, Ulanda, kaminda e tabata praktiká 100m, 200m, 400m, 4x100m i 4x400m kuri duru. Na aña 1967 e ekipo a klasifiká na di dos lugá den klase superior. Na 1968 Wendell ta bira trainer di e organisashon di atletismo ku ta Olympic, kaminda e ta un ko-fundadó. Di 1971 te ku 1981 Wendell tabata coach di federashon di Antia. Di 1971 te ku 1994 Wendell a fungi komo trainer i coach di federashon di Antia. Di 1971 te ku 1981 komo trainer i hefe di delegashon di e delegashon di e selekshon Antiano di atletismo ku a partisipá na kampeonatonan di Sentro Amérika i di Karibe na añanan 1971,1974,1978,1980 i 1986; weganan Pan Amerikano na añanan 1975 i 2007; weganan Olímpiko 1976, 1984, 2000, 2004 i 2008; kampeonato mundial Helsinki 1983, Paris 2003, Helsinki 2005, Berlin 2009; kampeonato mundial bou di dak Indianapolis 1987; kampeonato mundial hubenil Canada 1988. Wendell a partisipá na 36 training i kursonan di 1975 pa 2014 na entre otro Bahamas, Mèxsiko, Puerto Rico, Jamaica, Costa Rica, Merka, Fransia, Sto. Domingo, El Salvador, Aruba, Ulanda i Kòrsou. Pero Wendell no a partisipá so, el a duna di 1990 te ku 2009 un total di 22 training i kursonan na entre otro Puerto Rico, Kòrsou, Sürnam, Tortola, Dominica, Bermuda, St. Maarten i Boneiru. Wendell a train i coach vários atleta internashonal manera Jairo Duzant, Churandy Martina, Ethwinson Luis, Brian Mariano, Curtis Kook, Rachmil van Lamoen, Hensley Paulina, Kim Rossen, Dudly Boeldak i Nargelis Statia. Wendell a risibí e siguiente rekonosimentu i premionan: novèmber 1998 Wendell a subi lista di “the best lecturers” di I.A.A.F.; mart 2004 mihó trainer di aña 2003 di C.S.F.; 10 di aprel 2005 pa di dos biaha e mihó trainer di aña 2004 di C.S.F.; 6 di yanüari 2006 plakat di Curaçaose Atletiek Bond komo mihó trainer di 2005; 2 di aprel 2006 pa di tres biaha skohé komo e mihó trainer di aña 2005 di C.S.F.; 25 di aprel 2006 Wendell ta risibí C.S.F. Award pa su 42 aña di dedikashon na deporte; 27 di aprel 2007 Wendell ta wòrdu kondekorá komo “Ridder in de Orde van Oranje Nassau”; 1 yanüari 2010 Wendell ta forma parti di komishon tékniko di Komité Olímpiko di Antia Ulandes.
• Johnny Hellmund
  Papiamentu Johnny Hellmund (Biyar) Deportista a nasé dia 13 di febrüari 1946 na Korsou Johnny Hellmund, konosí den e mundu di biyar di Antia i Aruba komo “The Legend”, a siña hunga biyar na edat di 7 pa 8 aña riba e mesa di biyar (karambola) i na edat di 15 pa 16 aña e a kuminsá hunga biyar (pool), kaminda mester hinka mas tantu bola posibel den e seis burakunan di e mesa, ganando ya kaba di hopi bon tiradó adulto den e bario di Pietermaai. Na 1964 Johnny a bai studia na Hulanda na e siudat Groningen i durante su estudio a sali kampeon di karambola di e District “Het Noorden” (Groningen, Drente, Friesland) na vários okashon den e diferente disiplinanan di karambola, manera “Libre, Tres-banda, Kader 38-2 i Un- banda” den e periodo di 1967 pa 1973. Na ougùstùs 1973 Johnny ta regresá Korsou despues di terminá su estudio pa hurista i mesora ta risibí invitashon di e presidente di “Curacaose Biljart Bond” di e tempu ey, Sr. Sansio Schob q.e.p.d., kende tabata na altura di Johnny su éksitonan na Hulanda, pa partisipá den e diferente torneonan i kampeonatonan di karambola. Mayoria di e weganan a tuma lugá na e klupnan di JPF i Asiento. Johnny a gana praktikamente tur evento di karambola ku a wòrdu organisá den e periodo di 1973 pa 1985. Despues di 1985 e popularidat di karambola a kai hopi mes i ta e disiplina di pool (pocket-billiards) a bira sumamente popular, tantu na Korsou, Aruba, Boneiru i St. Maarten. Den e periodo di 1985 pa 2013 Johnny a dominá e deporte di pool na Antia Hulandes den e diferente disiplinanan, manera bola-8, bola-9, bola-10 i straight-pool, akumulando mas di 70 título individual sin konta esnan ku e a gana ku su ekipo “The Biesheuvel Friends”den e weganan di ekipo. Johnny ta e promé yu di Korsou ku a partisipá den un kampeonato mundial di biyar. Esaki tabata na 1993 na Alemania i despues e a partisipá na 1994 na Chicago, na 1995 na Taiwan/Japon, na 1996 na Suesia i finalmente na 1998 un biaha mas na Taiwan. Despues Johnny a representá Korsou for di 2000 te ku 2013 kasi tur aña den e respektivo kampeonatonan Panamericano, entre otro na Venezuela (2x), Colombia (2x), Aruba (2x), Guatemala, Korsou, Panama, i por ultimo na Boneiru na 2013 kaminda e Presidente di e Federashon Panamericano a sorprendé Johnny na momento di e klousura i entrega di premio ku un homenage speshal pa e despedida di Johnny su partisipashon aktivo komo hungadó na e kampeonatonan aki. Na dos okashon Johnny a terminá na di 9 lugá for di un total di 64 partisipante den e diferente kampeonatonan Panamericano. Johnny a wòrdu nominá vários bes pa deportista di aña di Korsou i a gana e título aki di deportista maskulino di aña na 2002. Fuera di e kampeonatonan Mundial i Panamericano ofisial Johnny a representá Korsou na hopi otro torneonan internashonal ku a tuma lugá na diferente okashon na tantu Puerto Rico, Santo Domingo, Venezuela, Guadeloupe, Aruba i Boneiru. Apart for di biyar Johnny tabata aktivamente envolví tambe ku basta éksito den baseball komo coach i interim-manager di BBC Wildcats den añanan setenta/ochenta i Johnny a traha tambe den diferente komishon pa tantu e deportenan di baseball i futbol.
• Raymond Rafael Martha
  Papiamentu Raymond Rafael Martha, mihó konosí komo Remo (Atletismo) Deportista/Dirigente. a nase 28 febrüari 1950 Raymond Martha mihó konosí komo Remo Martha a nase dia 28 di febrüari di aña 1950. E ta number 7 di un famia ku ta konsistí di nuebe ruman.Remo a sigui su estudio na Xaverius College, st. Ignatius College i Peter stuyvesant College kaminda el a terminá su estudio komo maestro di skol. E tin diplomanan di Hoofdakte, gymnastiek L.O. i Leraren Opleiding Geschiedenis en Aardrijkskunde. E ta kasá ku sra.Madeline Snijders i nan tin 3 yu hòmber.Ray, Reno i Terence. Na edat hóben Remo a demostrá su talento den vários ramo di deporte entre otro futbòl, baseball i atletismo. Komo mucha di Suffisant i un bon alumno di St.Xaverius – i St. Ignatius College vòlibòl naturalmente no por a keda afó. E echo ku al final e la skohe vòlibòl komo su deporte number 1, e tin ku gradisí sr. Ivan Requena ku a aserk’é na aña 1965 na edat di 15 aña pa forma parti di su klup di vòlibòl ku e tempu ei tabata yama N.I.V.A.D.A. Sr. Ivan Requena e tempu ei a kalkulá ku Remo lo a bira mes haltu ku su ruman hòmber grandi di mas ku dos meter ku ta yuchi Martha e famoso basketbolista di Lightning. Anke Remo no a alkansá e altura di su ruman hòmber, no a duel Ivan Requena nunka di a hasi e eskoho ei pasobra Remo a resultá un hungadó sumamente balioso ku semper a saka su kara tantu riba tereno komo for di tereno. Remo tabata e tipo di hungadó ku por a wòrdu uzá tur kaminda pasobra e tabata dominá e téknika di vòlibòl den tur aspekto i ademas e tabata hopi inteligente den planiamentu di strategia i su ehekutashon. No a dura mashá ku nan a skohe Remo pa forma parti di selekshon di Kòrsou na aña 1967. E la forma parti di tur e selekshonnan ku a enfrentá St. Domingo, Venezuela, Puerto Rico i Aruba den e temporada di 1967 pa 1969. Na 1970 e la hasi su promé biahe grandi ku selekshon na momentu ku Antiyas a partisipá na e weganan Centro America i del Caribe na Panama. Por sierto e selekshon ku te ku awe a logra e mihó resultado riba papel un di 4 lugá bon meresí. Ni Remo ni ningun otro hende por a imaginá nan mes ku e biahe aki tabata komienso di un trayektoria largu di su partisipashonnan na weganan Centro America i del Caribe ku nos por konsiderá komo e weganan Olimpico di nos region. Tambe Remo a partisipá den diferente kampionato di NORCECA. Promé komo hungadó, despues komo entrenadó, despues atrobe komo hungadó i despues atrobe komo entrenadó. Un aspekto masha remarkable den e karera deportivo di Remo tabata ku for di komienso di su karera e la haña chèns di desaroyá su talentonan komo entrenadó i esei a kore sam sam ku su karera komo hungadó. Pues semper e la trein i hunga pareu. E tabata e asistente di Sr, Requena den NIVADA ku a traves di tempu a kambia vários nòmber. Miéntras ku e tabata forma parti di selekshon maskulino ela trein selekshon femenino na mesun momentu. Pa un temporada di mas o ménos 3 aña e la trein e dos ekiponan di Xaverianen tantu maskulino komo femenino. Na 1974 Remo a risibí e distinshon komo e hungadó mas balioso di e selekshon di Antiyas ku a partisipá na e weganan Centro America i del Caribe ku a tuma lugá na Republica Dominicana. Un honor grandi si tuma na konsiderashon ku e aña ei nos selekshon tabata konsistí di hungadónan fuerte manera Toy Leent, Dito Ravenstein, Errol Rooi, Patricio Bridgewater, Lio St. Hilaire i e rumannan Elmer i Richinel Petronilia. E mesun aña 1974 aki, Remo formando parti di e ekipo Mendoza Stars a logra di kue e título di kampion di Kòrsou den un partido final memorabel riba e kanchanan di CSC na Damacor kontra e fuerte ekipo di Supercleaning enkabesá pa Errol Rooi. E partido final aki a establesé un rekòr na asistensia ku te na 2015, 41 aña despues no a wòrdu kibrá. Na 1977 Remo Martha huntu ku Edson Ersilia, Max Elstak i Meiller Lourens a haña e oportunidat pa sigui un kurso di entrenadó na nivel dos na México. Un kurso masha intensivo ku a dura tres siman largu. E kurso aki, huntu ku e preparashon lokal ku e la haña serka e entrenadó hulandes en felis memoria sr. Kees de Looze, e guia práktiko ku ela haña serka Ivan Requena i tambe su formashon komo maestro di skol i di edukashon físiko a dun’é un bon base pa ela bira un di e mihó téknikonan di nos vòlibòl. Na 1978 Remo na un edat relativamente hóben ,huntu ku Edson Ersilia a tuma rienda di nos selekshon nashonal maskulino. Den un relashon di trabou masha estrecho Remo i Sonny a logra trese kambionan struktural den preparashon di nos selekshon. Nan a trese un revolushon den preparashon di nos selekshon nashonal ku den kuminsamentu a haña hopi resistensia pero ku al final tur hende a bin komprendé ku ta asin’ei mester prepará o laga. Na 1978 Remo a disidí na lanta su propio ekipo Stakamahakchi. E nukleo di hungadornan tabata konsistí di su propio alumnonan di Margrietschool na Buena Vista i un grupo di amigunan di Groot Kwartier. Ku lantamentu di Stakamahakchi Remo a demostrá ,ku entrenamentu fuerte i rígido e por a produsí un tim kampion den ménos ku 5 aña di tempu. Na momentu ku Stakamakchi a lanta nan tabata trein 3 biaha pa siman na un kantidat promedio di 10 ora pa siman. Komo ku e ekipo no por a produsí un armadó di wega di kaliber rápidamente, Remo a disidí na bandoná e ekipo den kual e tabata militá(Sansui ) pa e mes tuma e tarea di armadó di wega den Stakamahakchi. E resultado tabata ku den su promé aña di eksistensia Stakamahakchi a logra un título di supkampion den klase A . E siguiente aña nan a titulá kampion di klase A i a promové pa klase superior. Den su promé aña den klase superior Stamahakchi a terminá na di 3 lugá. Pa despues bira kampion di Kòrsou i di Antiyas pa 3 aña konsekutivo. Remo a hunga un ròl instrumental den tur e éksitonan aki tantu komo hungadó komo entrenadó. Na aña 1981 Remo tabatin e opshon pa sea prepará e selekshon ku mester a partisipá na e weganan di Norceca na Mexico o forma parti komo hungadó den e preselekshon. Remo a opta pa partisipá den e preselekshon komo hungadó i wòrdu skohé den e 12 hungadónan ku a bai representá Antiyas. E selekshon aki tabata na enkargo di Toy Leent i Harold Schoop. Na 1982 Remo a bolbe haña enkargo pa prepará e selekshon ku mester a partisipá na e weganan Centroamericano na Cuba. Un leshon di ultimo ora di e armadó di wega di e tempu ei Michael Thielman a obligá Remo mes pa forma parti di e selekshon ku e mes a prepará komo hungadó. Na 1983 durante e kampionato di Norceca na Indiana, Remo a partisipá definitivamente na su ultimo kampionato komo hungadó na nivel di selekshon. Un di e 2 selekshonnan ku a duna Remo hopi satisfakshon komo entrenadó tabata e selekshon ku a partisipá na e NORCECA di 1985 na Republica Dominicana. Un selekshon renová i hóben ku refuerso di un a dos veterano. E selekshon aki a logra un meritorio di 5 lugá tras di Cuba, Merka, Canada i St. Domingo, lagando nan tras Puerto Rico , México i lo demas. E selekshon di 1990 ku a partisipá na e weganan Centro America i del Caribe na Guadalajara Mexico tesun ku a yega mas serka di un medaya Centroamericano despues di Panama1970. Na tur Remo a partisipá sea komo hungadó o entrenadó na 7 wega di CAC i 6 kampionato di NORCECA. Weganan Centro America i del Caribe Kampionato di NORCECA 1970 Panama (hungadó) 1979 Repúblika Dominikana (entrenadó) 1974 Repúblika Dominikana (hungadó) 1981 Mexico (hungadó) 1978 Colombia (entrenadó) 1983 Indiana (USA) (hungadó) 1982 Cuba (entr/hungadó) 1985 Repúblika Dominikana (entrenadó) 1986 Repúblika Dominikana ( entrenadó) 1989 Puerto Rio (entrenadó) 1990 México (entrenadó) 1993 New Orleans (USA) (entrenadó) 1993 Puerto Rico ( entrenadó) Na 1990 Remo huntu ku Ramiro Hart nos instruktor internashonal a sigui un kurso di upgrading na Canada duná dor di e mihó entrenadó nan di Merka i di Canada. Na 1995 Remo a pone un punto final na su envolvimentu pa ku selekshon na momentu ku el a partisipá komo tékniko den Caribbean Cup na Virgen Islands ku un selekshon formá 50/50 ku St. Maarten. Na aña 20……… Remo ta hasi un comeback ku selekshon pa asistí Henri Delfina ku e selekshon di dama ku a partisipá na e torneo CAZOVA (Caribean Cup) na Sürnam. Tambe Remo a asistí Delfina den e selekshon ku mester a hunga pa klasifikashon pa mundial na 2013 i 2014. Remo su aporte na vòlibòl tabata i te ainda ta hopi balioso. Durante di e 50 añanan aki masha mucha a siña e téknikanan básiko o avansá di vòli serka dje. E la fungi den kasi tur funshon den nos vòlibòl. Entrenadó, hungadó, Dirigente atministrativo, dosente di kurso i klínika i ora esei tabata nesesario hasta el a flùit i skore algun wega. Na 1990 na momentu ku vòlibòl hubenil tabata menasá di kai den dekadensia, Remo a asumí e responsabilidat komo presidente di Komishon Vòlibòl hubenil huntu ku Errol Schoop, Henri Delfina, Bianca Sjak Shie, Ellen Meulens i Maritza Antonia pa duna un man pa rebibá i reskatá vòlibòl hubenil. Remo ta un di e poko hungadónan si no ta e úniko ku a hunga vòli na nivel di klase superior durante di 4 dékada. Dékada sesenta, setenta, ochenta i nobenta. Esaki tabatin komo resultado ku Remo a bira e promé kombinashon di tata i yu ku a hunga vòli huntu den mesun ekipo na nivel di klase superior. Na aña 1997 Remo a pone un fin definitivo komo hungadó na nivel di klase superior na edat di 47 aña. Komo si fuera no tabata basta Remo a sigui na kabes di Stakamahakchi tantu komo tékniko i dirigente Atministrativo ku logronan signifikante. Na dos okashon el a logra e título di dòbel kampion di Kòrsou i di kopa ABC (Aruba, Bonaire, Curaçao) dirigiendo tantu e ekipo maskulino komo esun femenino. Despues di 50 aña Remo por mira tras riba un karera sumamente remarkabel ku envolvimentu di hinter su famia. Tur su 3 yunan a logra di partisipá den selekshon di Kòrsou tantu den hubenil komo senior. Su señora esposa tambe tabata aktivo komo dirigente atministrativo di tantu Komishon hubenil komo di Stakamahakchi. Ku hopi satisfakshon e ta mira ku e simia Stakamahakchi ku el a planta na 1978 te ainda na 2015 ta un ekipo sólido ku partisipashon den kasi tur kategoria di nos vòlibòl. Stakamahakchi su lema ta ku nan ta mas ku un ekipo di vòli i ku kos bon semper por bira mihó. Miembro di Honor di Volibol
• Celsio Victor Polinet
  Papiamentu Celsio Victor Polinet (Futbol) Deportista a nasé dia 15 di yüni 1939. Celsio Polinet a nase dia 15 di yüni 1939 na Kòrsou. E la biba den Dòmi i Mundu Nobo i bai skol un ratu na Niewindt College i despues na St. Thomas College tantu abou komo ariba. Polinet, for di edat hóben, na aña 1954, a praktiká futbòl riba e tereno di bala na Mundu Nobo, hungando asina un chèns presentá ku e ekipo di Estudiantes komo “linksbuiten” i despues den Sithoc Jr. Ta despues, riba un dia i riba petishon di Frater Andreas, Polinet a bai hunga den gol. Polinet, dado momentu, na edat di 15 aña i 8 luna, a hañ’é ta remplasá Reintje Minguel, ku a disidí di bai konsentrá riba vòlibòl en bes di futbòl. Na aña 1955, Polinet a debutá ku e promé onsena di Sithoc, kulminando su karera den Sithoc, ku e promé título di kampion di Kòrsou na aña 1961 I 1962, bou di direkshon tékniko di Shon Haseth. E Sithoc di entre otro Toka Beltrand, Jossy Bibiana, Ro Valerian, Carlos Regales, Ruben Cathalina, Kalulu Comenencia, Eugene Testing, Ronald Pinedo, Ronchi CarloiI Olario. Den Sithoc aki, Celsio Polinet a haña e bijnaam di “onze keeper”. No a dura mashá, ku Polinet a haña invitashon serka e direktor tékniko di e tempu ei, Don Pedro Da Cunha, pa e djòin selekshon B di Kòrsou, kaminda e mester a kompetí ku Ergilio Hato i Chebu Pinedo pa subi i yega na un puesto den selekshon A. Polinet ta debutá na aña 1956, remplasando Ergilio Hato, kontra e ekipo brasileño Botafogo i a bira despues e kiper di konfiansa di Pedro da Cunha, ku tabata yama Celsio, “Polinetti”. Polinet, despues di esei a sigui desaroyá I progresá komo kiper, hungando mas ku 60 wega internashonal, defendiendo gol di Antia/Kòrsou kontra entre otro selekshonnan di Méhiko, Costa Rica, El Salvador, Guatemala, Haiti, Honduras, Sürnam, Colombia, Venezuela, Hulanda. Ekiponan mundialmente konosí ku Polinet a topa ta entre otro Fluminense, Santos, Flamengo, Botafogo, tur di Brasil, Universidad Católica di Chile i Danubio di Uruguay. Klaro ku Polinet a haña tambe diferente oferta pa hunga futbòl den eksterior. Di México, Costa Rica, di Schalke 04 (ekipo aleman) i di Dinamarka. E ANANAN KU CELSIO POLINET A DESTAKA KU SU AKTUASHON: 1955: Polinet ta debutá ku e promé onsena di Sithoc i ta bira tambe un di e kipernan di selekshon di Antia/Kòrsou. 1956: Polinet remplasando Ergilio Hato kontra Botafogo di Brasil 1956: Kiper di e selekshon hubenil (te ku 18 aña) na e Kampeonato Sentro Amerikano i di Karibe na El Salvador, birando sup-kampeon tras di El Salvador. Aki prensa salvadoreño a duna Polinet e bijnaam di “el hombre elástico”. 1957: Kiper di selekshon na Weganan Sentro Amerikano i di Karibe akí na Kòrsou, birando sup- kampeon tras di Costa Rica, ku a bai ku e título. 1958: Kiper di e selekshon di Kòrsou riba un gira pa Oropa, hungando entre otro na Hulanda, Dinamarka, Suesia, Noruega, Alemania i Fransia. 1959: Kiper di e selekshon di Kòrsou kontra Santos di Brasil, ku a kaba di bira kampeon di mundu di klupnan, defendiendo su gol kontra Pele. 1961 – 1962: Kampeon di Kòrsou ku Sithoc di Shon Haseth.
• Harold Laurens
  Papiamentu Harold Daniel Laurens (Bòkseo) Deportista/Ofisial a nasé dia 21 di yüli 1940. Harold a traha 38 aña na Landsontvanger komo empleado públiko. Harold a kuminsá praktiká e deporte di peso ku 17 aña, pero tambe Harold a praktiká yudo, karate i tiru. Komo yudoka Harold a partisipá na vários kompetensia nashonal komo internashonal durante añanan 70 i a alkansá faha maron. Harold a partisipá den vários kompetensia di karate na Kòrsou i Aruba. Komo karateka a yega te faha pretu. Di 1987 te awe ta praktiká e deporte di tiru partisipando den kompetensianan nashonal i internashonal. Harold a kuminsá ku bòkseo amateur komo árbitro/wes for di 1983 te ku 1987, aktuando komo wes na Venezuela na aña 1987 i na 1988 na Costa Rica. For di 1988 Harold a aktuá komo árbitro i wes profeshonal. Harold ta partisipando na Konvenshon di Konseho Mundial di Bòkseo for di 1988 te ku 2015, un total di 27. Harold a aktuá komo wes profeshonal na aña 1992 pa título mundial peso ligero na Mèksiko kua a bai entre Derrel Tyson vs M.A. Gonzales Algun peleanan mas grandi ku Harold a fungi komo rèfri i wes ta: 1993 na Detroit Floyd Mayweather vs Phillip Ndou 1993 na Hapon Yuri Arbachkov vs Namooncha 1994 na Mèksiko Cesar Chavez vs Tony Lopez 1996 na Atlantic City John Ruiz vs David Tua 1999 na Spaña F. Castillejo vs Keith Mullings 2000 na Alemania Juan Carlos Gomez vs Jorge Castro 2002 na Canada Eric Lucas vs Omar Sheika 2003 na Puerto Rico Minguel Cotto vs Rocky Martinez 2005 na Miami Floyd Mayweather vs Henry Bruseles 2007 na Bahamas Jermain Mackey vs Anibal Acevedo 2007 na Sto. Domingo komo refri den pelea femenino entre Dahiana Santa v/s Ana Maria Torres. 2008 na Mèksiko Edgar Sosa vs Juanito Rubillar komo refri. 2009 na Mèksiko Ana Maria Torres vs U. Kokietgym 2009 na Venezuela Hector Velasquez vs Edwin Valero 2011 na Mèksiko Alfredo Angulo vs James Kirkland 2011 na Argentina Erica Anabella vs Melissa Hernandez 2012 na Panamá Nica Conception vs Anwar Salas 2013 na Panama Celestino Caballero vs Robinson Castellanos Harold a risibí algun distinshon: Na 1992 plakat pa árbitro di aña di CSF, tambe mesun kos di PRESDA. Na 1996 plakat di Konseho Mundial di Bòkseo pa bon presentashon komo árbitro i wes durante di 18 aña. Na 2014 plakat di Konseho Mundial di Bòkseo for di man di sr. Mauricio Sulaiman.
• Maximo Paula
  Papiamentu Maximo Rufino Paula mihó konosí komo Max, a nasé dia 30 di yüli 1933. Max a práktika e deportenan di tènis, futból i vòlibòl. Ku 14 aña Max tabata kiper di Atletiko Oriental di Mari Pampoen den B klasse i despues kiper pa Sithoc. Max tabata un di e mihó kipernan di pariba di brug, e tabata konosí pa su kurashi. Aki ta siguí Max su aktividatnan den deporte: • 1965: Max ta kuminsá práktiká vòlibòl, tempu ku ei tabata é deporte. Max a dirigí tantu Top komo Valuas, kual tur dos tabata klupnan kampeon. • 1970: Max a drenta direktiva di S.O.V. Asiento i ta terminá komo presidente di klup na añanan 90. • 1971: Max a drenta C.L.T.B. (Curaçao Lawn Tennis Bond). • 1972: bou di guía di Max e promé ekipo húbenil di Kòrsou a partisipá na Jitic (Juegos Infantil de Tenis Centro Américano y del Caribe). • 1974: komo tesorero Max ta drenta den direktiva di Komité Olímpiko Antiano. • 1974: promé Jitic ta wòrdu organisá na Kòrsou bou di guía di Max. • 1975: Max ta wòrdu eligí komo komisario den e promé NATLB, konsistiendo di Aruba, Boneiru i Kòrsou. • 1975: komo hefe di delegashon di tènis Max ta biaha pa Surnam durante e di 10 weganan di Reino. • 1975: pa su desempeño den tènis, Max ta risibí un rekonosimentu di parti di C.S.F. (Curaçaose Sport Federatie). • 1977: Max ta wòrdu elegí komo komisario di N.A.O.C. • 1978: komo chef di mishon Max ta biaha pa Juegos Centro Américano y del Caribe na Medelín, Colombia. • 1978: NAFT bou di direkshon di Max ta apliká pa bira ful miembro di I.T.F. (International Tennis Federation) • 1979: Max ta wòrdu eligí komo presidente di NATF i ta keda na e puesto aki te aña 1999, esta 20 aña. • 1979: Max ta fungí un bes mas komo chef di mishon na Juegos Panaméricano na Cuba. • 1981: ta bolbe eligí Max komo tesorero di N.A.O.C. • 1983: Max ta organisá “The Miller Tournament of Champions”. • 1986: huntu ku Hilberto “Betto” Thomas, Max su sekretario pa bida, i ku otronan a fundá Fundashon Kopa Iyo Pimentel. • 1988: Antias ta bira ful miembro di ITF despues di 10 aña ku a apliká i alabes a partisipá na e promé Davis Cup. Esaki ta e logro mas grandi ku un persona por logra pa su país den tènis internashonal. • 1989: bou di liderasko di Max, e promé edishon di Kopa Iyo Pimentel a tuma lugá na Kòrsou. Un torneo internashonal ku a ser organisá pa 20 aña largu komo rekonosimentu na Iyo Pimentel. • 1999: Max ta risibí kondekorashon real komo “Ridder in de Orde van Oranje Nassau” pa su trabou deportivo i tambe komo profeshonal. • 1994: Max ta keda eligí komo vice presidente di COTECC (Confederación de Tenis de Centro América y del Caribe). • 1995: Max ta risibí plaka di merito di C.S.F. komo dirigente atministrativo. • 1999: aki Max ta terminá su karera deportivo komo presidente di NATF, tambe komo miembro di COTECC i alabes ultimo aña organisando Kopa Iyo Pimentel. Esaki ta Max, un hòmber impreshonante ku un karera deportivo aun más impreshonante.
• Heraclio Henriquez
  Papiamentu Heraclio Marco Perfecto Henriquez, (Beisbol) Dirigente Atministrativo. mihó konosí komo Aco, a nasé dia 18 di aprel 1927. Aco a kuminsá su karera den e mundo deportivo na aña 1955 komo miembro di direktiva di “Curaçaosche Baseball Assosiatie”, den mesun aña Aco a wòrdu eligí komo miembro di direktiva di Chicago Baseball Club. Despues Aco a okupá vários funshon importante den beisbòl. • 1965 ko fundadó di N.A.B.A.F.E. i alabes delegado na kongreso mundial di A.I.N.B.A. na Cartagena, Colombia, • 1968 Aco a keda eligí komo vise presidente di C.B.A., • 1972Presidente di C.B.A., • 1973 Riba invitashon di Miami Florida University Baseball Club, Aco ta kompañá gezaghebber Martina i diputado Rozendal, ámbos di felis memoria, pa Merka • 1973 Direktiva di C.B.A. ta organisá su promé torneo hubenil, • 1974 Eligí komo tesorero di A.I.N.B.A. na Panama City, • 1975 Invitashon pa New York Yankees bini Kòrsou, • 1976 Nombrá komo miembro di direktiva den konseho di deporte, • 1978 A invitá Charly Lou komo instruktor di bate komo wéspet di C.B.A., • 1979 Eligí komo presidente di N.A.B.A.F.E., • 1980 Komo delegado di N.A.B.A.F.E. pa kongreso mundial na Tokio, • 1981 Eligí komo miembro di direktiva di N.A.O.C., • 1982 Delegado pa N.A.B.A.F.E. pa Seoul, Korea, • 1983 Miembro di direktiva di Stichting Koninkrijk Sport Liga, • 1984 Sèrtifikado di A.I.N.B.A risibí dor di Sr. E Smit, Koningklijke onderscheiding ontvangen; Ridder in orde van oranje Nassau in goud • 1985 Miembro di direktiva di Curaçao Little League, • 1986 – 1992 presidente di F.E.B.E.K.O., • 1986 – 1992 presidente di N.A.B.A.F.E. • 1987 – 2002 presidente Federashon Sentronan di Bario Korsou • mei 1994 /mei 2003Miembro F.A.J Federatie Antilliaanse Jeugdzorg.
• Anthony Philomena Minguel
  Papiamentu Anthony Philomeno Minguel (Atletismo) Deportista-DirigenteAtministrativo-Dirigente Tékniko. Toonchi a kuminsá ku deporte na St.Thomas College hungadó futbòl, mas despues beisbòl. Ku su 13 aña Toonchi a será konosí ku atletismo, i ku su 17 aña el a kuminsá práktika atletismo den stadion di Rif. Su disiplinanan tabata pushamentu di bala di heru, tira sper i disko. Na aña 1970 el a kompetí komo atleta na Weganan Deportivo Sentroamerikano i di Karibe na Panamá tirando sper, i na aña 1972 den kampeonato Sentroamerikano i di Karibe na Jamaica. Komo entrenadó Toonchi na 1974 a sigui kurso di atletismo na Springfield College, tambe na 1975 na CDOM na México City. Kurso di entrenadó i di atministrashon deportivo na 1975 /1976 na Utrecht Ulanda. Seminario atministrativo deportivo na 1982 na Roma, Italia. Na 1986 i 1988 kurso di atministrashon deportivo na San Juan, Puerto Rico. Na Roma, Italia na 1987 kurso di alto nivel atministrativo deportivo. Na 1997 seminario na Nassau, Bahamas rumbo pa 2000. Toonchi a funda e promé klup di atletismo era nobo “Olympic”, na 1962 el a reaktiva Nederlands Antilliaanse Atletiek Unie. Na 1966 el a yuda reaktiva Curaçaose Atletiek Bond. Toonchi tabata forma parti di Komishon Tékniko di atletismo, tambe el a okupá diferente funshon entre otro miembro di direktiva di Nederlands Antilliaanse Atletiek Unie, miembro di direktiva di Curaçaose Atletiek Bond, presidente di Curaçaose Atletiek Bond, presidente di Confederacion Centro Americano y del Caribe, vise presidente di North America, Central America and Caribbean, miembro di direktiva di Nederlands Antilliaanse Olympisch Comité. Toonchi a representá Antia Ulandes na hopi evento i tambe na numeroso kongreso na: 1982 na Gresia 1984 na Los Angeles 1985 na Stuttgart 1987 na Roma 1989 na Barcelona 1991 na Tokyo, 1993 na Stuttgart 1995 na Groteberg 1997 na Gresia 1999 na Sevilla, Toonchi tabata nombrá tambe komo International Technical Official na diferente pais entre otro Puerto Rico, Colombia, Spaña Mexico, Bahamas, Argentina, Merka i Fransia. Tambe Tònchi a duna kurso pa hurado di atletismo.
• Huberto Schoop
  Papiamentu Hubert Modesto Schoop, (Futbòl) Deportista – Dirigente Atministrativo – Dirigente Tékniko mihó konosí komo Iby, Ibi a nasé dia 12 di yanüari 1934 na Koningstraat 33 Otrabanda Ibi a bai biba e mesun aña na Orinocoweg 25 na Marchena kaminda e’ la pasa un gran parti di su hubentut. Komokiera ku su mama tabata un persona ku tabata gusta move di un bario pa otro riba edat di 5 aña Iby a move bek den kas propiedat di su mama na Koningstraat. Di aki Ibi a bai lushi klas i tambe sigui Wilibrod College te ku su 6de klas. Despues Ibi a bai Sint Thomas na Hoogstraat. Despues di a kaba skol Ibi a logra haña trabou na Shell i aya e’la traha na “Hoofdkantoor” di Shell den departamento di TA/”Tekenkamer”. Durante su permanensia na Marchena Ibi ku for di Wilibrod College a demonstrá di tin talentonan pa bira un futbolista, Ibi a partisipá den kampeonato di skolnan ku e.o partisipashon di Dosco di St. Vincentius School, Vios di Wilibrod College, GSV Geen Schot “Verloren di Wishi y Staco di St. Albertus College i algun skol mas ku tambe tabata partisipá. Ibi a Sali hopi biaha den korant di skol Hou en trouw kaminda Ibi tabata hinka su golnan hungando pia abou na KSC tereno di Wishi, Groot Kwartier y otronan. Tabata Sali ku Ibi wist op zijn blote voeten verschillende doelpunten te maken. Siguiendo ku deporte Ibi a hunga den Sithoc Junior durante di su 14-17 aña i a pasa mesora pa e tim grandi di Sithoc 1 den temporada ku Frater Andreas tabata presidente di Sithoc. Ku su 17 aña el a haña invitashon pa bai train den selekshon di Kòrsou pero debí na su studio e no por a kumpli kabalmente ku esaki. Ku su 18 aña I Ibi a alkansá e Selekshon di Antia i a partisipá den weganan di Sentro Amerikano i del Caribe na Costa Rica, komo e hungadó di mas hóben huntu ku e tim di su bida ku tabata Orilio Hato den gol, Fefe de Lanoy i Kelly di Aruba den defensa den medio kampo Gein Giribaldi, Eddy Vlinder, Cai Helser di Aruba i e liñá di atake ku Willys Heyliger, Mundu Kemp di Aruba, Ibi Schoop, Yuchi Jansen i Yandi Brokke di Aruba. Iby a hunga tur wega kontra di Guatemala, Honduras, Salvador, Costa Rica, i Panama. Despues di su regreso pa Kòrsou Ibi a haña e karchi internashonal for di mannan di Mordy Marduro q.e.p.d., i Doe i de Willems q.e.p.d. pa por drenta tur stadion na Antia esaki tabata e regalo ora bo kumpli 10 wega internashonal hunga kontra otro pais i den bo pais. Ibi a sigui su karera i e’la wòrdu skohe pa bira kapitan di Sithoc. Su promé tim den C.V.B. ku hungadónan manera Pin Borgschot, Gein Giribaldi, Dico Dominiquez, Don Coffie, Teintje i Yancho Minguel, Shon Mi Krips i otronan. Ibi a sigui su karera di Sithoc i Selekshon di Kòrsou i Antia i a partisipá komo hungadó titular na paisnan, Mexico, Guatemala,Honduras, Salvador, Costa Rica, Haiti, Venezuela, Sürnam, Martinique, Hulanda, Fransia, Belgica, Dinamarca, Noruega,Aruba Bonaire Cuba. Despues di su karera futbolístiko Ibi a bira entrenadó di e.o. Marine di Suffisant, de Koning di Jandoret, Deportivo Portugues, Jong Holland ect. Despues di a logra bastante den su karera komo trainer Ibi a disidí di hinka su tempu i konosementu di futbòl den nos hubentut kaminda e’la kuminsá ku e muchanan di “Stormvolgels” (G.O.G.) den Turneonan organisá pa Asiento, Willemstad i otronan., Despues di un problema chikí ku Willemstad Ibi a disidí di kuminsá ku su mes organisashon bou di nòmber di C.V.B. “Jeugdvoetbal “ku despues a bira ORFIK (organisashon di futbòl infantil Kòrsou ku a alkansá e kantidat di 1500 hóben di 8 pa 17 aña. Ibi a partisipá komo dirigente deportivo ku ORFIK na paisnan Venezuela, Aruba, Bonaire, Puerto Rico, Cuba dunando hopi biaha logronan positivo. Siguiendo ku su karera komo dirigente Ibi despues ku pa FFK logra 1 mion florin den 4 aña di Fifa, Orfik a entrega e grupo grandi ku tabata karga nòmbernan di Wimpiri 8-10 aña, Vruminga 11-12 aña, Muskita 13-14 aña i Blenchi 15-17 aña. Orfik a bira konosí pa e kantidat grandi di weganan ku ORFIK tabata organisá pa e 1500 partisipantenan rònt Kòrsou hungando tur djasabra un total di 28 wega. Despues ku F.F.K.a tuma e grupo aki ku aktualmente ta hunga bou di e nòmbernan di U-11,U-13,U15,U17 Ibi a start ORFIK bek ku su grupo di baby i super baby p;asina duna nos hobensitunan for di chikí sera konosí ku e bala. Aktualmente ORFIK ku a keda bou di guia di Ibi pa 35 aña a selebre e fecha aki ku un selebrashon di tres ku ta 1. Miss ORFIK, 2 Eksposishon di su logronan pa 35 aña i 3 Un torneo riba nivel internashonal p’asina demonstrá futbolístiko i dirigente Ibi a dirigí Sentro di bario Brievengat durante bastante aña komo presidente di sentro. Aktualmente Ibi tin pensa di hasi e organisashon di baby i super Baby mas grandi. Algu ku Ibi lo no ke lubidá den su curriculum ta e Premio ku e’la risibí di Fundashon Frater Andreas su presidente, Direktor di Ennia Caribe e tempu ei Sr. Luis Santini i huntu kunes r. Ecto Weber i tambe e konosido Stanley Coffy. Pa e premio aki Ibi a haña un pasashi i estadia di tres siman na Ulanda pa eksperimentá su mes riba e deporte di futbòl ulandes. E premio aki a Sali Ibi hopi di bon pa motibu ku e’la topa ku sr. Jo.v. Marle tempu ei presidente di K.N.V.B. kende a gui’é durante di su estadia na Ulanda i den ken Ibi a siña hopi di e organisashon Ulandes di kua nunka mas Ibi lo no por lubidá su mensahe di “leer ze kontributie betalen en maak er een bond van”. Ibi a siña hopi i a apresiá e partipashon aki na Ulanda masha hopi mes. Pa por rekordá Ibi a wòrdu dekorá pa La Reina riba e fecha 4 di aprel 1994 komo” Ridder den orden van oranje nassau “ku e medaya di oro. Tambe den aña 2005 na Wishi/Marchena a duna Iby e rekonosiendo di dun’é un tereno di deporte pa hóbennan. E nòmber di e parke ta Parke deportivo Ibi Schoop. Pa no lubidá na aña 1956 Iby a haña un invitashon pa akudí na Ulanda pa por a partisipá den e timnan di futbol profeshonal Feyenoord na Ulanda. Teniendo kuenta ku e kriterio di Shell e tempu ei Ibi n tuma e rísiko di bai “try out” ku e pensamentu di no logra e lo no tin e siguransa di kontinuá ku su trabou na Shell Cur.NV.
• Edwin Solomon
  Papiamentu Eddy Solomon (Natashon) Dirigente Atministrativo a nasé dia 7 di yüli 1937. Eddy ta konosí pa su dinamismo den deporte akuátiko. Eddy a okupá diferente funshon den direktiva e.o.: 1980 – 2000 presidente di Sithoc zwemvereniging 1983 – 1987 presidente di Curaçaose Zwembond 1987 – 1988 miembro di N.A.Z.B. 1987 – 1989 miembro di direktiva di N.A.O.C. 1989 – 1994 vise presidente di CCCAN na nòmber di Karibe Ingles 2002 – 2006 presidente di Sithoc 2008 – 2010 presidente di Sithoc Eddy a logra hopi pa e federashon di natashon. 1981 Sithoc a haña su mes statuto, i un trainer profeshonal, 1982 di dos trainer profeshonal pa Sithoc, 1984 selekshon nashonal di Kòrsou pa promé biaha riba podio di honor durante kampeonato Karibe anual di CZB, 1985 ta kuminsá ku lèsnan di landamentu di Sithoc mes, 1986 Kòrsou ta haña e honor pa organisá kampeonato Karibense, 1987 ta instalá komishon pa Sithoc tin su mes pisina, 1990 CZB ta organisá pa di dos biaha e kampeonato di CISC. Despues ta bolbe reaktivá e komishon di pisina pa Sithoc. Ta kumpra un pisina prefabriká, pero despues di 2 aña ta kuminsá ku konstrukshon mes mes di e pisina. Un aña despues por a kuminsá hasi uso di e pisina di Sithoc ku ta haña nòmber di Sirena. E resultadonan alkansá den natashon riba nivel nashonal ta mará na inisiativanan di Eddy riba nivel di klup kombiná ku su posishon di presidente di klup di natashon di Sithoc i Curaçaose Zwembond.
• Cor van Aanholt
  Papiamentu Cor van Aanholt ( Sailing) Nase na Groningen 29 di mart 1959. Cor tin 54 aña di edat. Hulanda y ta bibando na Curacao pa 20 aña caba. Cor ta kasá ku Marjolein i nan tin kuater yu: Phillipine, Ard, Just an Odile (resp.21.20.18.16 aña Cor ta multi deportivo talentoso. Aparte di Sailing el a resultá eksitoso den • Windsurf (p.e. Kampion Hulandes, di 6 na Mundial) • Futbol(nivel Hubenil mas haltu p.e. ku A1-team di Be Quick Champion di Nort di Hulanda: a hunga kontra AYAX A1. • Tènis (Kampion individual di Provinsia di Groningen, edat te ku 15 aña) Hockey(stand-in den tim HMC) Cor Stima deporte i ta/tabata un deportista kompetitivo den • ski • ski di awa • kalbas • landando • triatlon • gòlf Cor ta un deportista activo ainda. Na 2010 ainda el a bira di 10 den e Campeonato Mundial di Navegacion Sunfish na Italia. Títulonan komo atleta: • Kampeonato den nabegashon • Kampion Mundial • Kampion di Kòrsou (7 biaha) • Kampion Oropeo • Weganan Sentroamerikano i Karibense GOLG • Kampion Hulandes • Kampion di Israel • Kampion Hapones • Kampion Sur Afrikano • Kampion di Karibe • Weganan di PANAM di 4 Ganador di hopi Regata Internacional di Nivel Mundial manera: • Siman di Kiel (Alemania) • Kopa di Reinan (Tailandia) • Sneekweek(Hulanda) • Regatta di Maarten Heineken • Regata di Kòrsou Hunta di Deporte: Posishonnan anterior: • WOA: Hefe di Merkadeo i Negoshi di Asosiashon Mundial di Olímpiko • NAOC: Neth. Hormiga. Komité Olímpiko: 2do Tesorero, presidente Komishon di kualifikashon • IMCO: Asosiashon Internashonal di Klase Mistral (eks-direkshon Mundial di Windsurfing Olímpiko): Vise Presidente Tékniko Entrenamentu, gerente di atleta Weganan Olímpiko i eventonan relashoná • Weganan Olímpiko • Weganan Olímpiko Hubenil • Weganan Paralímpiko • Weganan di CAC • Weganan di PANAM Deportista di aña • Italia • Spaña • Portugal • Francia etc. Entrenamentu, gerente di atleta • Entrenador, gerente di Olimpiada Hubenil 2010 (BRONS di nabegashon di AHO • Windsurfer Worlds entrenadó di windsurf, ORO • Nabegashon di gerente di Splash Worlds, ORO • Entrenador di Byte Worlds, gerente Silver, Klasifikadó pa Weganan Olímpiko Hubenil • Optimista Sur Am. gerente 1x Oro, 1x Plata • Optimista Nort Am. gerente 2x Oro Weganan Olímpiko i eventonan relashoná: Weganan Olímpiko: • Lider di delegashon di Los Angeles 1984 (NED) Ekshibishon di Windsurf • Lider di delegashon di Atlanta 1996 (AHO) Nabegá i windsurf • Partisipante di Sydney 2000 (AHO) Sailing (kargadó di bandera) • Lider/entrenadó di tim di London 2012 (IAO) Sailing • London 2012 hefe di Merkadeo i Negoshi WOA) Sentro di reunion di Olimpiada, Gala di Olimpiada Weganan Olímpiko Hubenil: • Entrenador di Singapur (AHO) BRONS di Nabegashon Weganan Paralímpiko: • Barcelona 1992: hues Sailing • Hues di Atlanta 1996 Sailing Weganan di CAC: • Maracaibo 1998 participante (AHO) Sailing, GOLD • Hues di Mexico 2002 Sailing • Partisipante di Puerto Rico (AHO) Sailing, di 6 Weganan di PANAM: • Partisipante di Winnipeg 1999 (AHO) Sailing 4th • Ofisialnan di Guadalajara 2011 (AHO) Sailing ofisialnan (PASAF) Sailing Deportista di aña: Provincia Groningen, Hulanda 1980 Kòrsou: 1997 Kòrsou: 1998
• Marguérite Sprock - de Rooy
  Papiamentu Marguérite Marie Sprock-de Rooy, (Tènis di Mesa) Deportista – Dirigente Atministrativo – Dirigente Tékniko -Wes Mihó konosí komo Maggy, a nasé dia 22 di sèptèmber 1943. Maggy a kuminsá práktika e deporte di pinpòn na aña 1963 na Asiento ku 20 aña di edat.. E deporte aki Maggy a práktika aktivamente pa 35 aña largu, i despues a siguí aktivo den funshonnan atministrativo i tékniko pero tambe den e parti di arbitrahe. Den funshon atministrativo Maggy a fungi 17 aña komo sekretaria di federashon i a tuma su retiro na mart 1993. Maggy su “role model” tabata sra Irene Moreno (Q.e.p.d.) Durante añanan e tabata hungadó, dirigente i alabes entrenadó di hubenilnan (for di 1984) i de e damanan (Liga Pasa Tempu) for di 1985 “Traning” nan tabata tuma lugá na SDK i ku tempu na Sentro Irene Moreno. Na 1985 e’la lanta Liga Pasa Tempu di dama, kual tabata un éksito durante 10 aña. Maggy tabata presidente di su mes tim, esta KFC? shot, ku tabatin entre 60 pa 90 miembro, konsistiendo di hóbennan i hende grandi. E tim a kue diferente titulo, sea kampeon òf sub kampeon individual òf den tim. Logronan di Maggy Sprock • 1966 Tabata Maggy su promé torneo Internashonal “11e Campeonato Norte Central America i del Caribe” hunga na Kòrsou. • 1968 Kampeon dobel + di Tim huntu ku Sra. Nelly Landstra na e “111er Campeonato Norte-Centra america i del Caribe” (NOSCECA) E ta úniko dama ku a yega di gana un titulo pa Kòrsou • 1970 Kampeon Antiano+ kampeon dòbel huntu ku Gloria Croes. • 1973 Tripel Kampeon – (single – dobel- mixed dobel: Kampeonato Kòrsou ) • 1982 Kampeon Antiano (úniko ku a gana un titulo pa Korsou na Aruba). Kampeon CTTB-cup (+ na 1983, 1985, 1990) Sub-kampeon CTTBcup na 1984 + 1991 (“Cur. Tafeltennis Bond”) • 1983 Di 3 posishon den 1st Antilleann Top 8 • 1984 Sub-kampeon den 2nd Antillean Top 8 • 1987 Maggy a sali e mihó hungadó di aña • 1988 Tabata Maggy su mihó aña, komo hungado, komo ela logra gana tur 9 torneo di e aña ei, ku eksepshon di unu, i a Sali “The best player of the year. • 1989 E di “31st Caribbean Table Tennis Championships” aki na Kòrsou a wòrdu dediká na na dje bou di e nòmber “The Maggy Sprock Games” ku partisipashon di 23 pais. • 1991 Sub-Kampeon + sub-kampeon den mixed dòbel huntu ku Ronaldi Vos. • 1992 Sub-kampeon di Kòrsou+ sub kampeon den dòbel huntu ku sra.Ingrid van de Hilst. Maggy tabata train di 9 or pa 2or tur djasabra, huntu ku su miembronan di direktiva di KFC/Shot. Hopi evento sosial tabata wòrdu organisá, komo ku e tabata weta su funshon tambe komo un edukador. Direktiva di KFC/Shot a dediká aña 1996 na su honor. Na 1997 el’a tuma su retiro total, despues di 34 aña den e deporte, El’a traha ku hopi amor pa e deporte i e tabata stim’é masha tantu mes. Semper el’a boga pa union-disiplina-kompetensia sano- rèspèt pa otro toleransha i komunikashon. Maggy a pone semper un meta su dilanti i a traha duru pa e logra. Komo ku e tabata mira tur komo un “Challenge” Maggy a partisipá na kursonan pa dirigente, kurso básiko riba movementu olímpiko (na 1992); kurso pa entrenadó hubenil i tambe di árbitro. El’a koordiná diferente aktividat di fundraising manera –modeshow bingo, bon-kune feria diferente loteria “fundraising” “dinner”. Aparte di esaki nan Maggy a fungi komo sekretaria den otro organisashonnan manera Toasmaster i grupo di karnaval. Paisnan ku Maggy a bishita komo hungadó òf delegado tabata Trinidad& Tobago 2 x Colombia, Nicaragua, Rep. Dominikana, Jamaica, Venezuela, Aruba, Sta.Maarten Bonaire. • 1989 Maggy a representá Kòrsou komo delegado na Weganan Mundial di Tènis di Mesa na Dortmund (Alemania) huntu ku un tim • 1990 Pa Komité Olímpiko el’a partisipá na Weganan Sentro Americano i del Caribe na Mexico. Komo Chaperonne di e ramonan: Bowling, Tiru, Esgrima, Tènis di Mesa i atletismo. • 1991 Chaperonne di nos softball-team nashonal (18 persona) na e di XI Weganan Panamerikano i del CARIBE” NA Santiago de Cuba. Maggy 8 biaha tabata kampeon di Kòrsou. Na 1970,1973,1975,1981,1982,1984,1988.) Maggy tabata e úniko dama ku a yega di gana un título pa Kòrsou den un kompetensha Antiano, e tin un rekòrt di 105 título ganá. . Tambe Maggy a fundá Liga Pasa Tempu pa damas, kua tabata masha eksitoso durante di 10 aña largu. Den funshon tékniko Maggy a optené su sertifikado di entrenadó. Otro sertifikado ku Maggy a risibí ta esun di su partisipashon na “International Umpires and Referees”. . Maggy a representá Kòrsou na masha hopi okashon na e siguiente paisnan: Aruba, kaminda Maggy a sali kampeon Antiano den single i dòbel, tambe den turneonan na Trinidad & Tobago, Colombia, Repúblika Dominicano, Jamaica, Venezuela. Na Alemania komo delegado pa Weganan Mundial. Na Mexico komo chaperone di entre otro pinpòn na Weganan Sentroamérikano i di Karibe, i na Cuba na Weganan Panamericano. Na 1989 tabatin e “31st Caribbean Table Tennis Championship” organisá na Kòrsou, dediká na Maggy.